Zone 19:4 - Ia Foforuna Naiungene

⁴ Paelati neke kave laoni peghuru, neke la va kahe ghidi ghu ira noni, “Fini, ara ato la hio kave vanamu meha Zisas ghatunaina, o mala avohi ghu ghau ta deona ara ga fini ghu ta hotoina muko sasake manei.”

Zone 19:4 Iomraidhean Croise

Matiu 27:19

Ne nohe ghu Paelati ka ia nonohe mala varifate, to va ghahe mehai ghu kaike nonomoho ia ghaseborona: “Oka va riva ghini ghu kaike leghutau tei ghu mane ta kalasa ghena iamu, vununa reduo, ara nake toraina age pisipasa vahagalau fuluduna ka kaike epu baghunai ghinina manei.”

Matiu 27:24

Ne fini ghu Paelati tato deona heve ta boka ke riva ghininani, nia tato age tatanigaina ia magara e ghua, manei neke hio ketuhu ka kaike disi neke tihiri ghu ira kamena ka kenuna ia varigharana noni, ghe neke kahe ghua nga iahi, “!Ara mu a kalasa ghegu ka ia leme mane iahi! !Puhi ka ghau mu ianimu!”

Matiu 27:4

“Ara mu nato age sasake, vununa ara nake namaha seboi ia mane ta kalasa ghena,” neke ghua. “?Heve a ghua ghu ghai? Iamuhu mu puhi ka taghou,” dike ghua ghini.

Matiu 27:54

Ia manefaadi ira mane magara nia ira keha mane magara dike au taremehanao manei dike kopuna ghinio ghu Zisas, dike finini ia kuzo nia ira leghu neke dufuro nga e ghua, dike toraina age maughedi fuludu ghu. “Hohoghona fuludu, mane iahi mu neke toraina Tuuna mamu God,” dike ghua ghu.

Luku 23:4

Paelati neke fihiki lao ka ira hiama ta kenu nia ka ia varigharana noni e ghua, neke kahe ghua ghu iahi, “!E deo ma ta fini va mukoina ara ka mane iahi!”

Luku 23:41

Ghita palu ghu mu, e fatada mo ta mala leme ghidira ira sasake ka ghita palu, nga mane iahi mu e deoi sasake.”

Luku 23:47

Ia manefaadi ira mane magaradi Romu ne age finini ghu heve neke dufuno, ne kudo vehai God neke kahe ghua ghu iahi, “Torai mane lotorona ghena mamu ngaini mane iahi.”

Zone 18:33

Ianimu tuna ghe, neke haghele leghu lao nga gilio Paelati neke kudo laoi ghu Zisas ka taghona, “?Agho lamu ia Mane Ginitaukela ka ira Ziu?” neke ghua notohina.

Zone 18:38

“?Heve ghu mu hohoghonana?” neke ghua notohonana Paelati. Ianimu tuna ghe, neke kave laoni nga ka ira noni, neke la va kahe ghidi ghu, “E deo heve muko ne hotoina manei ta boka mala fateina.

Zone 19:6

Di fini laoi ghu Zisas ira hiama ta kenu nia ira mane magara ta kopu ka ia Sugana God e ghua, maneri dike kudo lao, “!Tupila ghini ka hekefalahata! !Tupila ghini ka hekefalahata!” dike ghua. Paelati neke kahe ghua iahi, “O hioi taghomu, o la tupila ghini ghu ka hekefalahata. E deo heve na fininina ara neke va mukoina manei,” neke ghua Paelati.

2 Koriniti 5:21

Kraes mu neke deo sasakena, ghe God neke hio kairi ira leghu sasakeda nga ghita neke nai laori ghu ka manei, mala age lotorona ghita ka ira nahalina God ka ia leme Kraes.

Hiburu 7:26

Zisas lamu kokolona Hiama Pauna ta boka vanadana ira ta malanga ghidi ghita. Vununa manei mu e maduana, e deo sasakena nia e deo muko ta boka va zutu ghinina, e ghua. Nia ghatunaina manei e au va ilolo ka ira ta sasake, nia God neke nai va vonai manei ka malaunao fate.

1 Pita 1:19

Manei neke tabara ghau ka ia busakana Kraes ta puina namanama, taghe kaike rekahana sipisipi mala veala ta toraina mamalahu nia ta deo ge kuru sotana ghu ba lelemeanana ghu, e ghua.

1 Pita 2:22

Iahi mu e leghui heve neke kaheio sepao Aesaea ia porofeti ghinina Kraes, “Manei mu neke deo sasakena, nia e deo kaike fafata neke sekesekei ghu,” ia ta ghua.

1 Pita 3:18

Iahi mu e hohoghona vununa Kraes neke vavahagala molamo ka ia neke lemeo manei ghidira ira leghu sasake nga kaike fafata mo malana ia kamotona fafata. Manei e deo kaike fafata tei neke rivai sasake ghu, ghe manei neke leme vanadi leghu noni nga vununa maneri haroharo dike au sasakedi. Kraes neke riva ghini iahi mala hio ghau laona ka God. Maneri dike va lemei ia tinina, ghe ia tinina neke doli leghu taremehana ia tarungana manei.

1 Zone 3:5

Nia ghau go avohi ghu neke meha mala hio kairira ira sasake ka ghita mu Zisas, e deo ghu sasake ta auna mu ka manei.