Zone 18:3 - Ia Foforuna Naiungene

³ Ira hiama ta kenu nia ira Farisi e ghua, dike hioi Zudasi mala batu ghini laona kaike pukuna ka ira mane magaradi Romu taremehadi keha mane magara ta kopu ka ia Sugana God. Maneri dike lao ka ia nunuma taremehadi zuta soni, gasi nia ira nodi gagaromo mala magara, e ghua.

Zone 18:3 Iomraidhean Croise

Matiu 25:1

“Ka fafata ianimu, ia Ravutu ka God mu taghe iahi e age ghua. Kaike fafata, tazo ghase foforu dike hiori ira nodi zuta dike kave lao ghu mala la dufuina kaike mane ta va tanai varihio.

Zone 13:2

Ghe dike mahai va sasaighona nga Zisas nia ira nona mane ta nonofoi e ghua, ia Faghinadi ira nazahi neke to kusu va ohiohini Zudasi ia tuunamane Saemoni Isikarioti, ta mala age namaha seboina Zisas.

Zone 18:12

Ianimu tuna ghe neke la meha nga ia mane faadi kaike togha mane magaradi Romu, taremehana ira keha nona mane magara, nia ira mane magara ta kopu ka ia Sugana God e ghua, dike la sakomi ghu Zisas piligaina.

Zone 18:18

Ira mane magara ta kopu nia ira noniriva e ghua, dike tetu liloho faraina ka ia totoi sisibe ta lera, vununa neke kaporo. Pita neke lao neke la tetu taremehadi haro ghu maneri, la faraina.

Zone 18:22

Ne kahei ghu iahi Zisas, kaike ghu ka ira mane magara ta kopu ka ia Sugana God, neke la tapali Zisas ka ia bakona, ghe neke kahe ghua nga iahi, “?Taghe iamu e ghua mu ungene tughuina agho ia hiama pauna?” neke ghua ghini.

Zone 19:6

Di fini laoi ghu Zisas ira hiama ta kenu nia ira mane magara ta kopu ka ia Sugana God e ghua, maneri dike kudo lao, “!Tupila ghini ka hekefalahata! !Tupila ghini ka hekefalahata!” dike ghua. Paelati neke kahe ghua iahi, “O hioi taghomu, o la tupila ghini ghu ka hekefalahata. E deo heve na fininina ara neke va mukoina manei,” neke ghua Paelati.

Zone 7:32

Di nomohori ghu ira Farisi ira leghutau dike ngunungunu ghidiro ira varigharadi noni ghinina Zisas, maneri nia ira hiama ta kenu e ghua, dike tuhu laori keha mane magara ta kopu ka ia Sugana God mala la sakomo hioina.

Ira Riva 1:16

“Ghau noni taremehagu, ira leghutau neke kakangava ghidiro Deveti ka ira Kakangava Ta Maduana ghinina Zudasi, dike toraina mala age ghuduvu. Ia Tarunga Ta Maduana neke va kahe ghini Deveti sepaoni, heve ta mala kakangava ghinina. Zudasi mu neke kaikeu ma ka pukuna iahi ghai, neke faetio mala holara taremehamai harona ka riva beana iahi, geta neke batu ghidi mo manei ira mane mala sakomo hioina Zisas.”

Ira Riva 10:1

Kaike mane taka noni Ziu ghu babaolonana Konileasi, neke auna ka ia malau leghaha Sesaria. Manei mu neke manefaana kaike ghobi mane magara ka giliona kaike pukuna punugarana Romu ta va kudo ghini ia pukuna Itali.