Zone 17:3 - Ia Foforuna Naiungene

³ Fafahakanana doli soduai ta ghua iahi mu, ghini ia ta avohigho agho ia kaikena God ta hohoghona, nia ia ta avohoau ara ia noke tuhu mehauo agho aiahi, e ghua.

Zone 17:3 Iomraidhean Croise

Maki 9:37

“Hei neto hio sutei la kaike rekaha taghe iahi ka babaologu ini ara, noni ianimu ne hio suteau ara. Nia hei neto hio suteau la ara, manei ne hio sutei nogu Mama neke tuhu mehauo ara.”

Luku 9:48

Ianimu tuna ghe neke va kahe vanadi nga manei, “Hei ia ta hio namahi ka babaologu ini ara kaike rekaha taghe ta au iahi ka gheremeguna ara lamu, ne hio suteauna ara, nia hei ia ta hio namahau ara tuna, ge hio namahi ghu nogu Mama neke tuhu mehauo ara, e ghua. Hei ia ta nai hinaei taghonai ka vari hoataimu ghau lamu, ta toraina kenu va avohona ghu ka ghau haroharo.”

Zone 10:36

?Heve ghu ghe no lausasaba ghini God no ghua ghinagu nga ghau ka ia fafata kahei ara ta Tuunana God ara? God lamu neke faeteauna ara neke tuhu mehauna ghu ka malau iahi peka.

Zone 11:42

Ara na avohi mo ta nomohoau tuduna agho, ghe ara a kahei iahi, malana ia veha ka noni ta tetu irahi, edi age va hohoghonai ghu maneri noke tuhu mehauna ara agho.”

Zone 14:26

Ghe ia ta Vari Tokai, ia Tarunga Ta Maduana, ia ta la tuhu mehai ghatu ia Mama ka babaologu ini ara, ta age va kakahe ghini ghauna vahina leghutau nga, va ngana ghini ghau leghuna ira vahina leghutau nga nato ke va kahe vanamuro ara.

Zone 17:18

Taghe noke tuhu mehauo la ara ka giliona malau iahi peka na ghua, na tuhu kaveri ghu molamo ara maneri ka malau iahi peka.

Zone 17:21

Ara na tarai fanga, mala maneri haroharo edi age kaike ghu. Mama, taghe ta ghua ini la agho ta kaike taremehagu ini ara nia ara ta kaike taremehau ini agho na ghua, na tarai fangai ghu ara mala age kaike taremehada harona molamo ghita maneri, mala edi boka age va hohoghonai ghu malau iahi peka noke tuhu mehauna agho.

Zone 17:23

Ara a age kaike taremehadi maneri nia agho o age kaike taremehagu ara, mala maneri edi toraina age kaike ghu. Ianimu tuna ghe gedi age avohi nga ira nonina malau iahi peka noke tuhu mehauna agho, nia noke namaha ghidira agho e ghua, taghe noke toraina namaha ghinaguo la agho.

Zone 17:25

“Mama agho ia ta lotoro, ira noni ka malau iahi peka deo gedi avohigho ghu agho, nga ara mu na avohigho mo agho, nia mane ta nonofoau irahi edi avohi mo noke tuhu mehauna agho ara.

Zone 17:8

Ara nake vanadi ia nonomoho noke vanaguo agho, dike va hohoghonai ghu maneri. Nia maneri di avohi nake sipa mehana ara ka agho, nia di va hohoghonai noke tuhu mehauna ara agho, e ghua.

Zone 3:17

Vununa God e deo geke tuhu hinae mehai ghu ia Tuuna ka malau iahi peka mala faterira ira noni, nga mala meha hio va doliri maneri, neke ghua.

Zone 3:34

Ia neke tuhu mehaio God mu, e turi ka ira ngengenena God, vununa God ne vanani ia kamotona mana ka ia nona Tarunga.

Zone 5:44

?Heve ghe go boka va hohoghona nga ghau, noto kabai hioi lama ia helahela ka vari taghomughi, nia deo tuna go ghorevaha ghini ghu ia helahela ta meha ka God, ta ghuana?

Zone 6:57

Ia Mama ta doli mu neke tuhu mehauna ara, nia vununa ghini manei na doli haro ghu ara. Taghe iala molamo heiri haroharo ta mahaini vilahigu ini ara mu edi age doli ghedi haro ghu, vununa ara a age vanadi ghatu ia doli soduai.

Zone 7:29

Ara na avohi mo manei, vununa ara mu nake to sipagu meha ka manei, neke tuhu mehau ghu manei ka ghau.”

Zone 8:19

“?Hae mu nou mamana agho?” dike ghua notohina. “Ghau e deo go avohoau ghu ara, ba nogu Mama. Goke avohoau la ara ghau, geala ghau o avohi molamo nogu Mama,” neke ghua ungene tughuna Zisas.

1 Koriniti 15:34

O leghu meha ka ira nganganamu ta lotoro, o nodo ghu ka ira puhimu ta sasake. Vununa kehara ka ghau mu e deo go avohi ghu God. Ara na kahei iahi mala va haghava ghauna.

1 Koriniti 8:4

Ghinina tuna ia mahai ghano neke veala ghidi laoro ka ira nguzunguzu: Ghita da avohi mo ia nguzunguzu mu eka leghutau hohoghonana ghu ka malau iahi peka, nia kaike God mo ta auna, e ghua.

2 Koriniti 4:6

Ka ia va vuhai malau iahi peka God, manei neke kahei, “Va pelara kavei ia fegala ka giliona ia nagoromo,” neke ghua. Nia ghatunaina God ne va rivai ia nona fegala ta mala pelara haghelena ka ira hihingoda ghita, e mala vanada ghu ia avoavohona ia pelarana varanga ka God ia ta finini ghita ka ia hihilina Zisas Kraes.

Filipae 3:10

Taghe va gheghemana ghu ka ara mu, a kabai avohi Kraes, nia ia mana neke va doli leghuio manei ka ia leme e ghua, a mala holara vavahagala taremehana haro ghu manei. Ara na kabai meha taghe manei a ghua ka ira leghu puhi nga, geta ghua ghu ghe, ka ia age ohoꞌoho ghini leme leghuina ia nona lao nanafa God.

Filipae 3:8

Eka ghua ghu ma leghu iranimu nga, nga ira leghutau haroharo ta fani nganai va ghighiu lao ara, mala hio va doliauna God nake ghuao mu, to age toraina deo lighorodi ma ka ia va fata ghidi lao ara, ka heve ia ta toraina au lighorona fuludu lao, ia varangana avoho va vehai Kraes Zisas ia nogu Lod. Vununa ghini manei, nato age nai kairi ghu ara vahina leghutau nga. Ara nato nganai kamotona iahi taghe penu ta ghuana, mala to boka la, a toraina nona kamoto ghu Kraes,

1 Tesalonaeka 1:9

to turi ghini tudu ma to au ghu maneri, ia vari va sabara ta namanama noke vanamaio, nia ka ia fihiki kairi ghau ira nomu sesebodi god, tato riva vananina ghu ia God ta doli nia hohoghona, e ghua.

2 Tesalonaeka 1:8

ka ia totoi ta burungu, hio mehaina ia varifate ka ira ta zea ghini ghedi God, nia ka ira ta pake ghedi leghuina ia Nonomoho Ta Veha ka ia noda Lod Zisas, e ghua.

Hiburu 3:1

E ghua ghu ghau taremehagu noni kiloau ta holara taremehadi heiri neke faeteriro God ta mala auna ka malaunao fate, o va hoto laori ghu ira nganganamu ka Zisas ia ta va hohoghonai ghita taghe noda mane nonomoho nia Hiama Pauna neke tuhu mehaino God, ta ghuana.

2 Pita 1:2

Ara na verevere fangai God e va foudu ghau ghu ka ia nona varisute nia bule e ghua, ka ia nomu avoavoho ghinina God nia Zisas ia noda Lod, e ghua.

2 Pita 1:3

God ka ia nona mana ta maduana, neto vanada ira vahina leghutau nga ta hagala ghidi ghita mala auna ka ia doli ta veha vanani manei. Ghita dato hiori leghu irahi nga ka ia meha avohi manei, ia neke kudo ghita laono ka taghonai ka ia nona varanga ta namanama nia ka ia nona veha, e ghua.

2 Pita 1:8

Noto riva va fuludu laori la ghau leghutau irahi, ianimu ne va podoli ia nomu avoavoho ghinina ia Lod Zisas Kraes mu ne au lighorona ne va vuha veha ghu ka ira dolimu.

1 Zone 1:2

Saoro ta va meha doli ta hohoghona iahi mu neke meha noni. Ghai nato ke finini manei. Nia ghatunaina mu ghai na va kahe ghini ghau ia hohoghona ghinina manei, taghe manei mu ia kaikena ia ta va meha doli soduai, ia ta age au tudu ma ta au ghu. Nia sepaoni manei neke au taremehana tudu ma God ia Mama, nia ghatunaina ia Mama, geto va podoli ghu manei ka ghai, e ghua.

1 Zone 1:3

Ghai na va kahe ghini ghau heve nato ke finina nia nomohina, mala ghau o age holara taremehamai ghu ka ia kaike au vari parekete varighara taremehana ia Mama nia taremehana Zisas Kraes ia Tuuna, e ghua.

1 Zone 2:23

Vununa heiri ira ta sokei ia Tuuna mu, edi sokei haro molamo ia Mama. Heiri ira ta hioi ia Tuuna tuna, ge auri haro ghu molamo ia Mama, e ghua.

1 Zone 4:6

Nga ghita mu nona God, edi nomoho ghita ghu ghita mu heiri ira ta avohi God. Hei neto deo la ge nona ghu God, maneri e deo gedi nonomoho ghu ka ghita. Ka irahi lamu ghu mu ta boka avohina ghu ghita mu, iahi mu ia Tarunga ka ia hohoghona, ba, ne tarunga sesebona, ta ghuana.

1 Zone 5:20

Nia ghita da avohi ia Tuuna God neto ke mehana, neto ke vanada avoavoho ghu mala boka avohina ghita ia God ta hohoghona. Nia ghatunaina tuna gada to au parekete taremehana ghu ghita ia God ta hohoghona e ghua, vununa ghita da au parekete taremehana Zisas Kraes ia Tuuna manei. Iahi lamu ia God ta hohoghona, nia iahi lamu ia doli soduai, e ghua.