Zone 16:1 - Ia Foforuna Naiungene

¹ Ianimu tuna ghe, neke kahe ghua nga iahi Zisas ka ira nona mane ta nonofoi, “Ara nato ke va kahe ghini ghau leghutau irahi, mala oka age paeke la ghu ghau ka ia nomu va hohoghona.

Zone 16:1 Iomraidhean Croise

Matiu 11:6

Nia va kahe ghini haroni iahi, e ghua: ‘God e va beanari ira ta deo gedi nodo ghu va hohoghonana ka ara.’ ”

Matiu 13:21

Ghe taghe ira rekahadi heke teri la taka haghele va veha lao ghu gilio ira zagharadi edi ghua, e deo ghu soduaina ia nodi va hohoghona ka ia nonomohona God, vununa e deo ge toraina gigima ghu ia va hohoghona ka maneri. Ianimu la ghe di age bualefo nga dito la meha la ira mamarutana ba kuitimamazora, vununa ka ia va hohoghonai maneri ia Saorona God.

Matiu 13:57

Ira noni dike age zea vanadi dike sokei ghu manei deo harona gedi kabai va hohoghonai ghu. Ghe Zisas neke va kahe ghidi, “Ia porofeti mu edi va vonavonai hae ghe hae ghu ta laona manei, nga ka ia torai malauna nia ka ia sugana taghonai lama mu ta deona.”

Matiu 24:10

Ka fafata ianimu tehi nonini edi age taghuru kaiau ara, edi age vari namahai sesebo ghu nia vari kikipanai ghu, e ghua.

Zone 15:11

Ara nato ke va kahe ghini ghau leghutau irahi, o boka mala kuru ghau ghu ghau ia va ghazaghaza ta varifata ka ta kuruau ini ara, nia e age hokoto tuna ia va ghazaghaza ka ghau, e ghua.

Zone 16:4

Uve, ara ato va kahe ghini ghau leghutau irahi ghatunaina, mala neto dufu meha la ia fafata ta mala riva ghidi maneri leghutau irahi, ghau ghatu oke age ngana leghuri mo heve nake to va kahe ghini ghauro ara ghidira maneri. Ara e deo gake va kahe ghini ghau ghu iahi ka ia tatanigaina, vununa ara nake au taremehamu ghau.

Romu 14:21

E veha fuludu lao taka mahairira ghu ira vilahi ta mala veala, ba taka ketuhu waenina ghu, ba, taka riva ghidira ghu keha leghutaurani neto age va riufi la ia tahiu.

Filipae 1:10

o mala age boka faeti ghu heve ia ta toraina veha fuludu lao. Ianimu tuna ghe go age kalasa nga ghau ka ira leghu muko nga nia tapata nga e ghua, ta vuhai dufu ghu ia ravata leghu meha ka Kraes.

1 Pita 2:8

nia, “Manei mu ia ghahipa ta va sinabereri ira noni, ia mafara ta age va riufuri.” Maneri di sinabere vununa maneri dike pake ghedi nomohina ia saorona God, ne ghua mamu ghe neke dufu nga ka maneri ianimu.