Zone 13:1 - Ia Foforuna Naiungene

¹ Ponoena fafata tei ma ghe neke dufu nga ia nganaleghuna ia Ghahe Fuludu, Zisas neke avohi neke to dufuna ia fafata ka manei mala ke ghahe kainina malau iahi peka ta ke leghu laona ghu ka nona Mama. Manei neke toraina namaha ghidi ira dike ghahe leghuio taghonai ka malau iahi peka, namaha ghidi tuduna ma neke dufu ghu ka ia lemena taghonai.

Zone 13:1 Iomraidhean Croise

Matiu 26:45

Ianimu tuna ghe, neke leghu lao nga ka ira mane ta nonofoi, neke la kahe ghua ghu iahi, “?No epu maghoso ngama ghau? !Fini! Ia fafata to dufu mala vanadi laona ira ta kururi sasake, ia Tuuna Noni.

Matiu 28:20

Va kakahe ghidi edi leghuri ghu maneri vahina leghutau nga nake ungene va gigimario ara ka ghau. Nia o nganai, ara mu a au tamu tudu ma e age vuhai nogha ghu malau iahi peka.”

Luku 22:53

?Neke heve ghe noke deo nga sakomo hioauna ka giliona ia Sugana God? Ara nake au ma aianimu leleghu ravata. Ghe ghatunaina mu nomu fafata ghau, ia fafata ta kurui mana ia nagoromo.”

Luku 9:51

Ne namo dufu ghu ia fafata ta mala ke leghu taghonai ka malauo God fate, Zisas neke toraina kuhana ghini ta mala laona aianihi Zerusalemu.

Zone 11:55

Ka fafata iahi, ia Mahai Varighara Nganaleghuna Ia Ghahe Fuludu to ke namo dufu, to kusu ke sabara ghu Zerusalemu tehi nonidi ka ira tehi malau teri ka ia kamotona soloso mala la va kalasarira taghodighi ka ia Sugana God, ghe ge la dufu meha nga ia Mahai Varighara Nganaleghuna Ghahe Fuludu ianimu.

Zone 12:23

Ungene tughuri tuna neke ghua Zisas, “To meha ia fafata ta mala hioina ia nogu varanga ara ia Tuuna Noni.

Zone 13:29

Ghe vununa Zudasi mu neke nodi mane mala kopui rongo, kehara ka maneri nganganadira mu, Zisas neke va kahe ghini ta la tabararira keha ghano malana ia mahai varighara, ba ta la tufari rongona ira ta kuma, dike ghua ghu.

Zone 13:3

Zisas neke avohi ia Mama neke to vananina ia mana mala kopu ghidira vahina leghutau nga, nia manei neke avohi haro molamo neke to sipa mehana ka God taghonai, nia take mala leghu laona manei ka God, e ghua.

Zone 13:34

“Ghatunaina ara a vanamu ghu kaike foforuna ungene va gigima. O vari namahai ghemu. Taghe nato ke namaha ghini ghau ini la ara o ghua, o toraina vari namahai ghemu ghu.

Zone 14:28

Ghau noke nomohi mo kahe ghuaguna iahi ara, ‘Ara mu na ghahe, ghe ara a ke la leghu mehani ka ghau ghatu,’ nake ghuao. Goke toraina namaha ghinagu la ara, ghau geala oke va manemane ta lao ini ara ka ia Mama, vununa manei e varanga fuludu lao ka ara.

Zone 14:31

ghe heve ta age dufuna ghatu mu e age va podoli ka malau iahi peka ta namaha ghinina ara ia Mama. Ianimu la ghe, na riva ghidi nga ara ira heve neke toraina ungene va gigimauo nogu Mama ta mala riva ghidira ara. “Meha, dato ghahe kaini ghu malau iahi.”

Zone 16:28

Uve, ara mu nake sipa mehagu mamu ka ia Mama, nake la meha ghu ka malau iahi peka. Nia ghatunaina tuna, ga ghahe kaini ghu malau iahi peka, gake leghu lao ghu ka ia Mama, e ghua.”

Zone 17:1

Leghuna kaheri Zisas leghu irahi nga, manei neke mato vona ka kolangana fate ghe neke kahei nga, “Mama, to dufu tuna ia fafata. Va podoli ka ira noni haroharo ta varanga sughavonana ara ia Tuu, mala ara ia Tuu a va podoli molamo ta varanga sughavonana agho.

Zone 17:16

Maneri mu eka nona ghu malau iahi peka, taghe ara la ta deo ini ga nona ghu malau iahi peka.

Zone 17:26

Ara nato ke va podoligho agho ka maneri, nia age riva ghini ma a lao ghu ianimu ghatu e ghua, mala ia namaha ka agho malagu ara e boka au ghu ka maneri, nia mala taghogu haro molamo a boka au ghu ka maneri, e ghua.”

Zone 17:5

Nia ghatunaina tuna Mama, oke vanagu mehani ia varanga, ia varanga dake vari tufa ghinio, ghe neke va vuhaio nga malau iahi peka.

Zone 18:4

Zisas to kusu avohori haro heve leghutau neke mala age dufuna ka taghona ghatu. Deke kenu lao tuna ge notohori ghu neke ghua Zisas, “?Hei mo no haduina mu ghau?” neke ghua ghidi.

Zone 19:28

Zisas to avohi ira vahina leghutau nga dike to age hokoto. Taghe mala va ghuduvurira ghu ira Kakangava Ta Maduana mu, manei neke kahe ghua iahi, “Ara na parangoso.”

Zone 2:13

Neke to namo dufu ia fafatana ia mahai varighara va manemanena ia Ghahe Fuludu, neke vona lao ghu Zisas aianihi Zerusalemu.

Zone 6:4

Ka fafata ianimu, ia Mahai Varighara Nganaleghuna Ia Ghahe Fuludu neke to namo.

Zone 7:30

Ianimu lama dike to kabai sakomo hioi ghu maneri, ghe e deo ma hei neke posi laoina, vununa ia fafata ka manei neke deo nga ge dufu ghu.

Zone 7:6

“Ghatunaina mu e deo nga ge lotorona fafata mala lao ghu ka ara, nga ka ghau mu, fafata e ghua ma ta lotorona,” neke ghua ghidi Zisas.

Zone 8:20

Zisas neke turi ghidi turi irahi ka ia fafata vari va kakaheina ka giliona ia galahena ka gheremena ia mala nakai kakai ka ia Sugana God. Ghe maneri e deo gedi ke sakomi ghu manei, vununa ia nona fafata e deo nga geke dufu ghu.

Romu 8:37

Deo, geta dufu ghita ghu leghu ta muko irahi nga ghe, ghita da age paufuri mo, vununa Kraes e age toka ghini ghita, vununa manei ne namaha ghini ghita.

1 Koriniti 1:8

Manei e age va gigima ghau ma e dufu ghu ka ia va nonoghana, mala oka age tapata la ghu ka keha mukora ka ia ravata leghu mehana ia noda Lod Zisas Kraes.

Hiburu 3:14

Ghita da age parekete taremehana Kraes ghatu, dato hohoghoda la posi va gimai ta dufuna ghu ka ia va nonoghana ia noda va hohoghona ka God dake kusu kuru ghitao.

Hiburu 3:6

Nga Kraes mu neke kaike Tuuna ta riva hohoghona ka fatena ia suga God. Ghita ghu mu sugana ka God dato posi va gima la ka ia noda va hohoghona nia rangerange ghidira ira naiungene ka Kraes ta avohori ghita age hiorira ghatu.

Hiburu 6:11

Ghai na toraina kabai ghini ghau fuludu ta namaha ghidi ma ta auna ghu ka ia dolimu kamoto ira keha noni ta va hohoghona, mala toraina age hioina ghau heve ta rangerangei nia.

1 Pita 1:13

O ngangana va veveha nia banabana ghini ghau taghomughi, e ghua. O nai laori ira leghu nomu rangerange nga ka ira leghutau ta veha ta age vanamu ghatu God ka ia nona varisute. Manei e age vanamu ghau leghutau iranimu ka ia fafata podolona Zisas ka ia leghu mehana.

1 Zone 4:19

Da vari namahai nga ghita mu, vununa manei neke kusu namaha ghini ghitana.

Podolo Kave 1:5

nia neke mehao ka Zisas Kraes e ghua. Manei mu ia ta turi kave va lotori ia hohoghona ghini God ta boka mala va hohoghonai, ia va kenuna noni neke tetu leghuo ka leme, nia ia ta mane ginitaukela kaputuri ira leghu mane ginitaukela nga ka malau iahi peka, e ghua. Manei ne namaha ghini ghita neke va kalasa ghita ghu ka ira sasakeda, ka ia leme neke veala ghinio taghonai.