Zone 11:4 - Ia Foforuna Naiungene

⁴ Ghe ne nomohi ghu Zisas turi iahi, neke kahe ghua iahi, “Fogara iahi ka manei mu e deo ge age va nonoghana ghu ka leme. Neke dufu nga fogara iahi mu, mala va podolona ia varanga ka God, ia ta vanagu varanga ara, ia Tuuna God.”

Zone 11:4 Iomraidhean Croise

Zone 10:38

Geta deo ghu va hohoghonauna ghau ghe, o va hohoghonari ma heve ta riva ghidi ari ara, nato riva ghidi la ara ira nona riva nogu Mama. Ianimu tuna ghe go age toraina avohi nga ia Mama ta auna ka ara, nia ta auna ara ka ia Mama, e ghua.”

Zone 11:40

Kahe ghua tuna iahi neke ghua Zisas, “?E deo gake va kahe ghinigho ghu ara mu, noto va hohoghona la agho, o age finini ghatu ia varanga ka God, ta ghuana?”

Zone 12:28

Mama, o va podolo vanadi ira noni haroharo ta toraina varanga sughavonana agho.” Ianimu tuna ghe neke la ngengene meha nga kaike leo ka malauo God fate kahe ghuana iahi, “Ara nato ke va podoli ta varanga sughavonana ara, nia ara ake age riva ghinini ianimu ghatu, e ghua.”

Zone 17:1

Leghuna kaheri Zisas leghu irahi nga, manei neke mato vona ka kolangana fate ghe neke kahei nga, “Mama, to dufu tuna ia fafata. Va podoli ka ira noni haroharo ta varanga sughavonana ara ia Tuu, mala ara ia Tuu a va podoli molamo ta varanga sughavonana agho.

Zone 17:10

Ira leghu noni ta taghori nga ara mu nou agho, nia ira leghu noni ta taghori nga agho mu nogu ara. Ia varanga ka ara mu, e podolo ghu ka maneri.

Zone 17:5

Nia ghatunaina tuna Mama, oke vanagu mehani ia varanga, ia varanga dake vari tufa ghinio, ghe neke va vuhaio nga malau iahi peka.

Zone 2:11

Zisas neke riva ghini va kenuna hahaima iahi ka ia malau fafaana Kena ka ia Babarana Galili. Aianimu neke va podolina manei ia nona varanga, dike va hohoghonai ghu ira nona mane ta nonofoi.

Zone 5:23

Ne riva ghini nga ianimu ia Mama mu, vununa manei ne kabai ghidi ira noni ta heluhelu ghinaguna ara ia Tuuna, taghe ta heluhelu ghini ani la maneri taghonai. Hei ia ta deo ge heluhelu ghinagu ghu ara ia Tuuna mu, manei e deo ge heluhelu ghini ghu ia Mama neke tuhu mehauo ara.

Zone 8:54

Zisas neke ungene tughurini, “Nato va vonavonau la ara taghogu lama, va vonavona ianimu e deo fafahakana ma. Nga nogu Mama mo mu ne va vonavonauna ara. Manei ia toraina nomu God, ta ghua ghini nia ghau.

Zone 9:24

Ka ia va paluna fafata, ira ta babatu ka ira Ziu dike kudo haghele leghuini ia mane neke doli kivio, dike va kahe ghini ghu. “O va varangi God turi ghinina ia hohoghona, vununa ghai na avohina mu, Zisas e au sasakena.”

Zone 9:3

“Eka vuha meha mo ka ira sasakena taghonai, ba ka ira sasakedi nona uke ghe nona mama,” neke ghua ungene tughurina Zisas. “Ghe neke doli kivi nga manei mu, e mala boka fini ghu ia mana ka God ta rivana ka manei, neke ghua.

Romu 11:11

Ara ake notohoni. ?Heve, vununa ira Ziu dike sinabere dike riufu ghu, e deo ghu boka ke tetu vona take leghuna ghu ka God? !Toraina deo kalasu kai! Maneri dike huhughu neke va malumi ghu God ia hio va doli ta boka hioina Ira Taka Ziu ghu, mala va kakabairira ira noni Isiraeli.

Filipae 1:11

Ira doli ka ghau mu, e age foudu ka ira fuadi ira riva ta lotoro, ia ta boka meha ma ka Zisas Kraes lama, malana ia varanga nia helahela ka God.

Filipae 1:20

Ara na torai fini kenui nia rangerangei, ta torai deona ara ga age riva ghini ghu kaike leghutau ghu ta mala va haghavauna, nga ara a age au va nadu tudu ma vananina Kraes, taghe nake ghua nake mehao la sepao, nia ta age va vonavonai tuduna Kraes ka ia doli ara e ghua, geta doli, ba leme ara.

1 Pita 1:21

Ka Kraes noto meha va ghighiu lao ghu ghau ka God. Nia vununa God neke va tetu leghui Kraes ka ia leme nia vanani varanga leghaha neke ghua, o boka nai laori mo ghu ghau ka God ia nomu va hohoghona nia rangerange, e ghua.

1 Pita 4:11

Heiri ira ta kururi ia kaikadolo mala tuturi beana mu, geala taghe kaike noni ta tuturi beana ghidi ira ngengenena God ta hohoghodi edi ghua. Heiri ira ta kururi ia kaikodolona toka mu, geala maneri edi toka ghidi ira noni ka ia gigima ta vanadi God. Ka ghaghahena iahi, ira vahina leghutau ta riva ghidi nga ghau, God e age hio ghidi varanga ka Zisas Kraes. Ira varanga nia gigima e ghua mu, nona Kraes ia ta au toghunai. Amen.

1 Pita 4:14

Dito ungene va mukoigho la maneri ka ia leghui agho Kraes, agho mu noto beana gheu. Iahi e va podoli ia Tarunga Ta Maduana ka God ta varanga ne au taremehau agho.