Zone 10:2 - Ia Foforuna Naiungene

² Vununa hei ia ta kopunai sipisipi mu, e haghele ka ia makatana.

Zone 10:2 Iomraidhean Croise

Matiu 15:11

Eka ghua ghu ia ta haghele lao ka ia paetena ia noni mu, ta va sotaina manei; nga ia ta la kave meha ka ia paetena mo mu, ta va sotaina manei.”

Zone 10:14

“Ara mu ia mane ta kopunai ghidi va veha ira sipisipi. Ara mu a avohori ira nogu sipisipi taghogu, nia maneri gedi avohoau ghu ara, e ghua,

Zone 10:7

Ke va kahe ghidini tuna neke ghua Zisas, “Ara a va kahe ghini ghau ia hohoghona, ara mu ia makatana ka ira sipisipi,” neke ghua ghidi.

Zone 10:9

Uve, ara mu taghe ia makatana ta mala haghele lao ka ira sipisipi ka giliona ia bara mala la kagara ghidira a ghua, ghe gedi ke kave la hadu ghedi ghanoni nga tuna, ira ta ghua. Taghe iala molamo, ia noni ta haghele meha ka ara lama mu ta age hio va dolinina ghatu, ta age hiorira ghu ira leghutau ta veha mala toka ghinina ia dolina taghonaghi.

Ira Riva 20:28

“O kopu ghini ghau va veha ghu taghomu, nia ira noni ta va hohoghona haroharo taghe sipisipi ira ta ghua e ghua, neke nai vanamu ageo ia Tarunga Ta Maduana mala kopu ghidira ghau. Taghe ira ta kopunai sipisipi la o ghua, noto kopu ghini la ia kiloau ka God, neke tabario ka ia lemena ia tuuna taghonai.

1 Timoti 4:14

Oka nai kakatoi ghu ia nona kaikadolo ia Tarunga noke hioio ka ia fafata ngengene ira porofeti, dike va beanighono ghu ira mane babatu ka ia kiloau ka ia va fara ageri ira kamedi ka paunia.

Taetusi 1:5

Ara nake nai kaigho agho ka ia ghizuna Kiriti, o boka mala va hokotori ghu agho ira noda riva aianimu, nia o mala faete noni babatu malana ghu ia kiloau e ghua ka ira leghu malau leghaha nga, nake ghua, taghe nake va kahe ghinighono.

Hiburu 13:20

God ia ta vanada bule, neke va doli leghui ia noda Lod Zisas ka leme. Ara na tarai fangai ta age vanamuna manei vahina leghutau ta veha nga ta age toka ghini ghau leghuina ia lao nanafa ka manei. Ara na tarai fangai molamo ta age rivana manei ka ira dolimu ghau ka ia mana Zisas Kraes o mala age riva ghidi ghu ghau ira leghutau ta age va manemanei manei. Vununa manei neke leme, ne torai mane hohoghona mala kopunai sipisipi ghu mu Zisas. Nia ka ia leme, manei neke riva ghini taghe kaike veala ia ta ghua maladana ghita, va tetuina manei ia foforuna varivehai ia ta age au tudu ma. Ka va fafahaka ianimu, ghita da helahela ghini toghunai Kraes. Amen.

1 Pita 2:25

Vununa sepao ghau noke ghahe lao meha taghe sipisipi ta ghahe va zea nira noke ghua. Nga ghatunaina mu, ghau noto fihiki lao ka Zisas ia Mane Kopunai Sipisipi, ta Kopu ghidi tarungamu nira.

1 Pita 5:4

Nia ka ia leghu mehana Kraes ia paudi ira ta Kopunai Sipisipi, ghau o age hioi ghatu ia nomu tarapaena varanga ta deo ge boka dako ghu.

Podolo Kave 1:20

Iahi mu ia popoikana fafahakadi ira vitu babaghunu noke finiriro agho ka kame mautugu ini nia ira vitu leghutau ta golu mala va nohe zuta, e ghua: Ira vitu babaghunu mu, ira engizelidi ira vitu suga tarai, nia ira vitu mala va nohe zuta ta golu mu, ira vitu suga tarai, e ghua.”