Zone 10:10 - Ia Foforuna Naiungene

¹⁰ Ta meha ghinina ia ta sisiko mu, mala sikori, atunguri nia ngovalari ma ira sipisipi. Nga ara mu nato ke meha mala vanadi ia doli hohoghona ira noni, ia doli ta foudui tehi leghutau ta veha.

Zone 10:10 Iomraidhean Croise

Matiu 18:10

“O banabana, oka fini va hinaei la ghu hei ka rekaha teri irahi. A va kahe ghini ghau ghu ara, ira nodi engizeli maneri edi au taremehana tudu ma nogu Mama ka malaunao fate.

Matiu 20:28

Taghe ia Tuuna ia Noni la, manei deo geke meha mala riva vanani ghu taghonai, nga neke meha mala riva nia vanadi ia dolina mala hio va dolirira ira tehi noni.”

Matiu 21:13

Va kahe ghidi tuna neke ghua Zisas, “God neke kahe ghua iahi ka ira Kakangava Ta Maduana, ‘!Ia nogu Suga mu, e age va kudo ghini kaike suga mala tarai.’ Ghe ghau noto fihikini ka malau mala poika ira ta sisiko!” neke la ghua.

Matiu 23:13

“Ka age mamaghuana fuludura ka ghau ira ta vari va kakahe ghini ia vetula beana nia ka ghau ira Farisi. !Ghau ta tatangana kobiri! Ghau ta bakisi va gimai ia makatana mala haghele ka ia Ravutu ka Malaunao God fate. Taghomu go deo ghu boka haghelemuna no ghua, ghe go va gogohari nga ira keha noni ta va sisiva haghele ghedi.

Maki 11:17

Ianimu tuna ghe neke va kakahe ghidi nga manei kahe ghuana iahi, “Ira Kakangava Ta Maduana ne kaheina, ‘Ia Sugagu ara mu, e mala va kudo ghini malau mala tarai ka ira sare soloso haroharo,’ ghe ghau noto fihikini ka malau mala poika ira noni ta sisiko.”

Luku 19:10

Ara ia Tuuna Noni mu, nake meha mala haduri nia hio va doliri ira noni ta ghahe va zea, taghe mane iahi la.”

Zone 10:1

Zisas neke kahe ghua iahi, “!Ara a torai va kahe ghini ghau ka ia hohoghona, hei neto pauku kalahu la ka ia barana sipisipi, deona ge haghele ghu ka ia makatana, manei mu e torai mane sisikona nia mane ngongovalana!

Zone 10:11

“Ara mu ia mane kopunai sipisipi ta veha. Ia mane kopunai sipisipi ta veha mu, e va malumi taghonai ta mala leme vanadina ira sipisipi.

Zone 12:47

Heiri ira ta nonomoho, ghe deo tuna gedi leghuau ghu ara ira ta ghua mu, eka ghua ghu ara ta faterira. Vununa ara mu, e deo gake meha mala fatei ghu malau iahi peka, nga nake meha mala hio va dolini mo.

Zone 12:6

Neke puina ngana hetari ira noni ta kuma, ghe neke kahe ghua nga iahi eka ghua ghu mu manei, nga manei mu kaike mane ta sisiko. Manei lamu neke kopu ghinina ia baiki rongo ka maneri, e fani hiori ghu manei keha rongora ka baiki iahi mala tatabara nonana taghonai.

Zone 3:17

Vununa God e deo geke tuhu hinae mehai ghu ia Tuuna ka malau iahi peka mala faterira ira noni, nga mala meha hio va doliri maneri, neke ghua.

Zone 5:40

Ghe ghau go pake ghemu ghu mehana ka ara, mala vanamuna ia doli soduai, no ghua.

Zone 6:33

“Vununa bereti ta va mehaina God mu manei ia ta hinae meha ka malauo God fate ta vanani doli ghu malau iahi peka,” ne ghua ghidi.

Zone 6:51

Ara mu ia bereti ta vanamu doli neke hinae mehao ka malauo God fate. Hei ia ta mahaini bereti iahi mu, e age doli toghunai. Ia bereti ta age vanamu ara malanana ia dolina malau iahi peka mu, ia vilahigu.”

Romu 2:21

?Heve? ?Ghau ira ta tatanganari ira keha mu, e deo go tatangana ghau ghu taghomughi? ?Ghau ira ta tuturi beana ghini ta mukona ia sisiko mu, no sisiko haroma ghau?

1 Timoti 1:15

Ngengene iahi mu e hohoghona, geala ghita haroharo da va hohoghonai ghu: Kraes Zisas neke meha ka malau iahi peka mala hio va dolirira ira ta kururi muko. Ara lamu nake toraina muko fuludu laona ghu ka maneri haroharo.

Hiburu 6:17

Ka ia fafata riva ghini God naiungene ianimu, manei neke toraina kabai va podolo va veha vanadi ira noni ta age hio kadolina heve neke naiungene ghinio manei, deona ge age holari ghu ia nganganana. Neke ghua mamu ghe neke va bebereana nga manei ka taghonai.

Hiburu 7:25

Ghatunaina nia leleghu fafata e ghua, manei e boka hio va doliri mo ira ta meha ka God ka ia babaolona manei, vununa manei e doli fuludai mala tarai fanga laona ka God mala toka ghidina.

2 Pita 1:11

Ianimu tuna ghe, ge toraina age hio namaha ghau nga God ka ia Ravutu ta toghunai ta nona ia noda Lod nia ia noda Va Doli Zisas Kraes.