Zone 1:9 - Ia Foforuna Naiungene

⁹ Ia toraina fegala ta hohoghona ta vanadi fegala ira leghu noni nga mu, neke la mala meha ka giliona malau iahi peka.

Zone 1:9 Iomraidhean Croise

Matiu 6:23

Nga dito muko la ira hibau agho mu, ia tiniu kamoto e age au ka nagoromo. !Ia fegala ka giliounia agho neto nagoromo la, agho mu no toraina au ka nagoromo!

Luku 11:36

Neto fegala kamoto la tiniu nia agho deona kaike pelona tei ta nagoromo ghu, manei e age fegala kamoto, taghe ta ghua nia ia fegalana zuta ta pelara age ka agho, e ghua.”

Zone 1:4

Ka manei e au ia doli, nia doli ianimu tuna ge va meha fegala ghu ka ira noni haroharo, e ghua.

Zone 1:7

ta mala meha tuturi ghinina ia fegala ka ira noni haroharo, mala maneri haroharo geala edi nomohi ghu ia nonomoho, nia va hohoghona tuna edi ghua ghu.

Zone 12:46

Ara mu nato ke meha ka malau iahi peka taghe kaike fegala ta ghuana, mala heiri haroharo ira ta va hohoghona ka ara mu, geala edika au tudu la ghu ka ia nagoromo.

Zone 14:6

Va kahe ghini tuna neke ghua Zisas, “Ara mu ia hangana, ia hohoghona nia ia doli. E deo keha hanganarani mala laona ka ghau ka ia Mama, nga ka ara lama.

Zone 15:1

“Ara mu ia torai vununa heke naroho ta hohoghona nia nogu Mama tuna mu ia mane ta kopui nunuma, e ghua.

Zone 6:32

Ianimu tuna ghe neke kahe ghidi nga Zisas, “Ara a va kahe ghini ghau ghu ia hohoghona, Mosese deo geke vanadi beretina ghu ka malauo God fate, nga nogu Mama mo neke vanadina. Nia ghatunaina ge vanamu ghu ia bereti ta hohoghona ka malauo God fate, e ghua,” neke ghua ghidi.

Zone 7:12

Ia ngunungunu poika ghini manei neke age faa ka vari hoataidi ira varigharadi noni aianimu. Kehara mu dike kaheina, “Manei mu mane vehana,” dike ghua. Nga kehara dike kaheina mu, “Deo, manei ne sebori ira leghu noni nga,” dike ghua ghini.

1 Zone 1:8

E deo ghita sasake dato ghua la ghita, da sebo ghita ma taghodai, e deo hohoghona ghu ta auna ka gilioda ghita.

1 Zone 2:8

Nia geta dato ke kusu nomohi mo ghita ghe, manei mu taghe kaike foforuna ungene va gigima, e ghua. Vununa ia namaha ta vanada ghita Kraes mu, ne va podolo vanada ia hohoghonana hangana mala namahai noni. Nia ia namaha ta kuru ghau tuna ghau malamu vari taghomughi, ge va podoli molamo vetula iahi mu taghe kaike foforuna vetula ta ghuana, e ghua. Nia dato vari namahai la ghita, ira puhi ta nagoromo edito tatanigai ogoro nia ia puhina ta veha Kraes tuna ge podolo kave ghu taghe fegala ta ghuana ka giliodi ira dolida ghita, e ghua.

1 Zone 5:20

Nia ghita da avohi ia Tuuna God neto ke mehana, neto ke vanada avoavoho ghu mala boka avohina ghita ia God ta hohoghona. Nia ghatunaina tuna gada to au parekete taremehana ghu ghita ia God ta hohoghona e ghua, vununa ghita da au parekete taremehana Zisas Kraes ia Tuuna manei. Iahi lamu ia God ta hohoghona, nia iahi lamu ia doli soduai, e ghua.