Zone 1:51 - Ia Foforuna Naiungene

⁵¹ Ke kahe ghua tuna iahi neke ghua Zisas, “A va kahe ghini ghau ghu ka ia hohoghona, ghau o age finini ia malau ka God fate ta tobehena, ta vona hinaena ghu ira engizeli ka God ka ia Tuuna ia noni.”

Zone 1:51 Iomraidhean Croise

Tatanigaina 28:12

Ka ia epuna aianimu, manei neke fini ka epubaghunai kaike rangana sipana ka malau iahi peka ta dufu laona ghu ka malauo God fate, ka dike ghahe vona hinaero ira engizeli.

Matiu 25:31

“Ka ia mehana ia Tuuna Noni ka ia nona mana ta pelara, taremehadi ira nona engizeli haroharo, manei e la nohe ghatu ka ia nonohe ginitaukela.

Matiu 26:24

Vununa ara, ia Tuuna Noni mu, a toraina mala age leme, taghe neke kahe kaveio sepaoni ka ira Kakangava Ta Maduana. Ghe ka lelemeanara ka mane ta age namaha seboau ianimu ara ghatu. !E veha fuludu ka mane ianimu, geke deo la ma ge doli meha ghu!”

Matiu 3:16

Ka ia leghuna seselebeanana Zisas ta ke kave meha ghu ka ia ketuhu, God neke tobehe vanani manei ia nona malau fate, neke fini ghu manei ia Tarunga ka God hinae meha taghe babahulu bora ta ghuana ta meha nohena ghu ka fatena taghonai.

Matiu 4:11

Ianimu tuna ghe neke ghahe nga ia Faghinadi ira nazahi, dike meha ghu ira engizeli la toka ghinina.

Matiu 8:20

Ghe Zisas neke kahe ghua iahi, “Ira fokisi mu edi au korosadi, nia ira memeha gedi kuru sugadi ghu e ghua, nga ia Tuuna ia Noni mu, e deo malauna ta boka la epu hinae ta maghosona ghu manei.”

Matiu 9:6

A va fini ghini ghau ghu ara ia Tuuna ia Noni, ta kuru au mana mala kai haza sasakena ka malau iahi peka,” neke ghua ghidi. Ianimu tuna ghe neke fihiki lao nga Zisas ka ia mane ta leme ia keha pelona tinina neke kahe ghua ghu iahi, “!Tetu vona! Hio vonai nou natunia, o sura ghu ka nou sugao.”

Maki 1:10

Ka ia ke podolo vonana Zisas ka ia ketuhu, manei neke finini ia kolanga fate neke tobehe, neke hinae meha ghu ia Tarunga Ta Maduana, taghe babahulu bora ta ghuana ka fatena manei.

Maki 14:62

“Ara lamu,” neke ghua Zisas. “Nia ghau e ghua, o age finiau ara ia Tuuna Noni ghatu, ta nohena ka ia kame mautuna God ia ta toraina mana, nia la mehana ka ira toba ka kolangana fate, e ghua.”

Luku 2:13

Kapi ne ghua ma, dike to meha holara taremehana ghu engizeli ini ia vituruna engizeli fate, helahela ghinina God:

Luku 2:9

Kapi ne ghua ma, neke to podolo ghu ia engizeli ka ia Lod vari hoataidi maneri ka giliona ia pelarana ia Lod neke fegala lilohorino, dike toraina maughedi ghu.

Luku 22:43

Meha podolo ghini tuna neke ghua kaike engizeli ka malauo God fate, neke va gigimai ghu.

Luku 22:69

Ghe ghatunaina e vai vona ghu, ia Tuuna Noni, e age nohe ghatu ka ia kame mautuna God ta torai mana.”

Luku 24:4

Maneri dike toraina zea fafahakadi ma, ghinina heve mo neke age dufuna ka ia tinina Zisas. Ka fafata ianimu lama, dike to podolo ghidi ghu, palu mane ta va vona poko sodu ta puina pelara ghiho.

Luku 3:21

Kaike ravata, di seselebeana ghu ira noni dike varighararo, taghonai Zisas neke seselebeana haro molamo ka Zone. Ne tarai ghu Zisas, ia kolanga fate neke tobehe,

Zone 1:50

Kahe ghua tuna iahi neke ghua Zisas, “?Ta va hohoghona ini agho mu heve, vununa ara nake kahei, ta finighona ara ka ia pekana heke figi? Agho o age finiri ghatu ira leghutau ta fefereana fuludu laoini ianimu.”

Zone 10:1

Zisas neke kahe ghua iahi, “!Ara a torai va kahe ghini ghau ka ia hohoghona, hei neto pauku kalahu la ka ia barana sipisipi, deona ge haghele ghu ka ia makatana, manei mu e torai mane sisikona nia mane ngongovalana!

Zone 10:7

Ke va kahe ghidini tuna neke ghua Zisas, “Ara a va kahe ghini ghau ia hohoghona, ara mu ia makatana ka ira sipisipi,” neke ghua ghidi.

Zone 13:16

A va kahe ghini ghau ghu ia hohoghona, e deo noniriva mu ta varanga fuludina ia nona faghina, nia ia ta hio nonomoho ge deo haro ghu varanga fuludina hei ia neke tuhu ghaheio manei, e ghua.

Zone 13:38

Zisas neke ungene tughui, “?No torai va tana mamu agho mala leme vanaguna ara? Ara a va kahe ghinigho ghu ia hohoghona, ghe ge nakele nga ia kokorako, agho o age tuufu kaheina lito fafata ta deona ghe go avohoau ghu ara,” neke ghua ghini.

Zone 14:12

“Torai hohoghonana mu, hei ia ta va hohoghona ka ara mu, e age riva ghidi ghatu ira riva ta varifata ka nato ke riva ghidi va hokotoro ara. Uve, e faa laoni leghutau ta age riva ghidira manei ghatu, vununa ara na lao ka nogu Mama.

Zone 16:20

Ara a va kahe ghini ghau ghu ia hohoghona, ghau mu, o age nakele nia adoꞌado ghatu, ghe malau iahi peka mu e age va ghazaghaza. Ghau mu o age muko hihingomu ghatu, ghe muko hihingo ianimu ka ghau, e ke age fihiki ghatu ka ia va ghazaghaza.

Zone 16:23

Ka ravata ianimu, e deo heve leghutau ta age fangaina ghau ka ara. A va kahe ghini ghau ghu ka ia hohoghona, nogu Mama e age vanamu ghatu heve leghutau ta fangaina ghau ka manei vununa ghau mu nogu noni ta nonofoau ara.

Zone 21:18

“A toraina va kahe ghinigho ghu ia hohoghona, ka fafata noke foforuno nga agho mu, agho noke va vovona nou poko taghou noke lao ghu hae mo noke kabai laona taghou. Nga ka ia tato age noni sepa agho mu, agho o age va fedara kaveri kameu nira ghatu, edi age piligaigho ghu keha nonira mo ghatu, hio laoighona ka ira ta pake gheu laona agho,” neke ghua ghini.

Zone 3:3

Zisas neke ungene tughui, “Ara a va kahe ghinigho ghu ia hohoghona, e deo hei ta boka haghelena ka ia ravutu God neto deo la ke uraha leghunana.

Zone 3:5

Zisas neke ungene tughui, “A va kahe ghinigho ghu ia hohoghona, e deo hei ta boka haghelina ia ravutu ka God, neto deo la ge uraha ghu ka kolo nia ia Tarunga Ta Maduana.

Zone 5:19

Zisas neke ungene tughuri, “Ara a va kahe ghini ghau ghu ia hohoghona, ara ia Tuuna e deo heve leghutau ta boka riva ghini kakaikena taghogu. Ara a boka riva ghidi ma heve ira ta finiri riva ghidira nogu Mama lama. Heve tei ta riva ghinina ia Mama, ara, ia Tuuna a riva ghini haro molamo.

Zone 5:27

Ia Mama neke vanagu molamo ara ia mana ta mala faterina ira noni, vununa ara mu ia Tuuna Noni nake sipa mehao ka taghonai God.

Zone 6:26

Zisas neke ungene tughuri, “A va kahe ghini ghau ghu ka ia hohoghona, no haduau nga ara ghau mu, vununa ghau noke mahaini ia bereti, neke age hovi ghau haro ghu, nga noke va fafahakari ira hahaima nake riva ghidiro ara, eka ghua ghu.

Zone 6:32

Ianimu tuna ghe neke kahe ghidi nga Zisas, “Ara a va kahe ghini ghau ghu ia hohoghona, Mosese deo geke vanadi beretina ghu ka malauo God fate, nga nogu Mama mo neke vanadina. Nia ghatunaina ge vanamu ghu ia bereti ta hohoghona ka malauo God fate, e ghua,” neke ghua ghidi.

Zone 6:47

“Ara a va kahe ghini ghau ghu ka ia hohoghona, hei ia ta va hohoghona ka ara mu e aui doli soduai.

Zone 6:53

Ghe Zisas neke kahe ghuani iahi, “A toraina va kahe ghini ghau ghu ara. Noto deo la ghau go mahaini ghu vilahigu ini nia ketuhi ghu busakagu ini ara, ia Tuuna Noni, e deo ge boka au ghu ia doli soduai ka ghau.

Zone 8:34

“A va kahe ghini ghau ghu ia hohoghona, leghu noni ta riva ghidi nga ira ta muko mu, to paufuri ia sasake.

Zone 8:51

A va kahe ghini ghau ghu ia hohoghona, hei neto leghuri la nogu vari va kakahei idi, manei e toraina deo hohoghona ge age leme ghu.”

Zone 8:58

“!Torai hohoghonana mu, ara to kusu au, ghe neke doli nga Ebarahamu!” neke ghua ungene tughuna Zisas.

Ira Riva 10:11

Manei neke finini ia kolanga tobehena, ghe neke finini nga la hinae mehanana ia leghutau taghe kaike leghahai kodakana poko ta fedara ia ta ghua, la va rekete hinae mehaina ka ira rodana va kukuruna.

Ira Riva 7:56

“!Fini!” neke ghua Sitivini, “!Ara na finini ia malauna God fate ne tobehe na finini ghu ia Tuuna Noni, tetuna ka ia kame mautuna God!”

2 Tesalonaeka 1:7

Nia God e age vanamu ghau ira noni ta vavahagala, nia ghai haro e ghua, ia bule, ka ia la mehana ia Lod Zisas ka malauo God fate. Manei e la meha taremehadi ira nona engizeli ta mana

2 Tesalonaeka 1:9

Ghatu maneri edi age hioi ia vavahagalana ngongovala ta au toghunai, vari fotaina ka ia Lod, nia ka ia namanamana ia nona mana ta varanga e ghua.

1 Timoti 3:16

E deo notohona ghu. God neto ke va podolo vanada ia popoikana ta torai tongovona ghini Zisas Kraes: Taghe ia ta kahei la ka ia koze: Kraes neke podolo ka ia vilahi, nia ia Tarunga Ta Maduana neke va podoli Zisas ta Tuuna Manena God. Ka ia tetuleghu manei ka ia leme, ira engizeli dike finini manei. God neke hio vonai ka ia nona malau fate. Ira ta leghui manei dike tuturi beana ghini ia nonomohona manei ka ira soloso, dike va hohoghonai ghu manei ira noni ka malau iahi peka.

Hiburu 1:14

Ira engizeli mu ira tarunga ta riva vanani God neke tuhu mehari ghu manei mala riva toka ghidira heiri ira ta mala age hio kadoli ia hio va doli.

Zudi 1:14

Adamu lamu ia va kenuna pagusu neke kusu au mehana sepaoni. Nia Inoke neke auno ma ka ia va vituna pagusu tuna, geke kusu turi ghidi kenu mo ghu noni ta muko irahi, kahe ghuana iahi, “!Fini! Ia Lod ne meha taremehadi ira tehi nona togha engizeli ta beana,

Podolo Kave 19:11

Ianimu tuna ghe, nake finini nga ia malau ka God fate tobehena, ka neke tetuo kaike hose ta ghiho aianimu. Ia babaolona neke hagheo ka hosena mu, “Ia ta riva vanani tudu God nia ta hohoghona,” e ghua ghini. Ka ia fafata fateri manei ira noni nia magarari ira kana, ira va fafahaka ka manei mu lotoro.

Podolo Kave 4:1

Leghuna iahi ara nake mato nake fini laoi ghu kaike makatana la tobehe mehana ka malauo God fate, nake nomohi ghu ia leo nake kusu nomohio la, ngengene mehau taghe kigolona kufili ta ghuana. Neke kahe ghua ghu iahi, “o vona meha aiahi a va fini ghinigho ghu heve ta toraina la au mehana ghatu leghuna iahi.”