Zone 1:4 - Ia Foforuna Naiungene

⁴ Ka manei e au ia doli, nia doli ianimu tuna ge va meha fegala ghu ka ira noni haroharo, e ghua.

Zone 1:4 Iomraidhean Croise

Matiu 4:16

ira noni ta au ka nagoromo edi age finini ia fegala ta pelara. Nia ka heiri ira ta au ka ia malauna leme ta nagoromo, kaike fegala e age pelara lao ka maneri.”

Luku 2:32

!Manei mu ia fegala ta va podoli God ka ira noni taka Ziu ghu, nia e age vanadi va vonavona ira nou noni Isiraeli, e ghua!”

Zone 11:25

Va kahe ghini lao tuna neke ghua Zisas, “Ara lamu ia tetuleghu nia ia doli. Heiri ira ta va hohoghona ka ara edi age doli, geta leme ghu maneri.

Zone 12:35

Zisas neke ungene tughuri, “Ia fegala mu e age au tamu ma birusuna fafata tei ghau. O ghaghahe ghu ghau malai auna nga fegala iahi, ghatu e age paufu ghau ia nagoromo. Noto ghaghahe la ghau ka ia nagoromo, ghau e deo go age avohi ghu hae mo no laona.

Zone 12:46

Ara mu nato ke meha ka malau iahi peka taghe kaike fegala ta ghuana, mala heiri haroharo ira ta va hohoghona ka ara mu, geala edika au tudu la ghu ka ia nagoromo.

Zone 14:6

Va kahe ghini tuna neke ghua Zisas, “Ara mu ia hangana, ia hohoghona nia ia doli. E deo keha hanganarani mala laona ka ghau ka ia Mama, nga ka ara lama.

Zone 3:19

Ia varifate mu e dedeke ka iahi. Ia fegala mu neto ke meha ka malau iahi peka, ghe ira noni di namaha ghini ia nagoromo mo, nga eka ghua ghu ia fegala, vununa ira riva ka maneri di muko.

Zone 5:21

Taghe ta ghua la ia Mama ia ta va tetu leghuri ira ta leme ta vanadi ghu ia doli, a ghua molamo ara, ia Tuuna, a vanadi ghu ia doli heiri ta kabai vanadina ara.

Zone 5:26

Ia Mama e aui mana mala vanadi doli soduaina ira noni. Nia manei neto ke vanagu mana ara ia Tuuna ta mala vanadi doli soduaina molamo ira noni.

Zone 8:12

Zisas neke kahe ghuani iahi ka ira noni, “Ara mu ia fegala ka malau iahi peka. Hei neto leghuau la ara, manei e deo ge boka age sinabere ghu ka ia nagoromo, vununa manei e age kurui ia fegala ta va mehai ia doli soduai.”

Zone 9:5

Ghe ka ta au ini nga ara ka malau iahi peka mu, ara lamu fegalana ka malau iahi peka.”

Ira Riva 26:23

ia ta age vavahagala ia Mesaea nia e age va kenuna tuna ta mala tetu leghuna ka ia leme, mala va boka mehaina ia fegalana ia hio va doli maladira ira noni Ziu nia heiri ira taka Ziu ghu, e ghua, neke ghuao.”

1 Koriniti 15:45

Taghe ia ta kahei la ka ira Kakangava Ta Maduana, “Adamu ia va kenuna noni, neke meha kaike noni dolina”; Ia Adamu ta va leleghu mu Kraes. Manei mu kaike Tarunga ta va meha doli.

Efesasi 5:14

vununa ia fegala ne va podolo kaverira vahina leghutau nga. Ne ghua mamu ghe di kahe ghua nga keha nonira, “Agho ta epu, o baghunu, o avohori ghu ira sasakeu, taghe ia tetu leghu ka ia leme ta ghuana, o va malumi ghu God mala vananigho doli foforuna, ianimu tuna ghe ge age pelara nga ia fegala ka Kraes ka ia hihingou.”

Kolosi 3:4

Kraes lamu ghasolonana ia doli foforu ka ghau, nia neto la leghu meha la manei ka malau iahi peka, ghe go age podolo taremehana haro nga molamo ghau, hio tufana ka ia pelarana varanga manei.

1 Zone 1:1

Ara na kakangava vanamu age ghau ghinina ia Saoro ta va meha doli ta hohoghona ka ghita. Zisas Kraes mu ia Saorona Doli. Manei neke to kusu au ghe neke va vuhai nga God malau iahi peka. Ghai nato ke nomohi nia ghai nato ke finini manei ka hibamai idi taghomai; uve, ghai nato ke finini nia nato ke posini manei ka kamemai idi haro.

1 Zone 1:2

Saoro ta va meha doli ta hohoghona iahi mu neke meha noni. Ghai nato ke finini manei. Nia ghatunaina mu ghai na va kahe ghini ghau ia hohoghona ghinina manei, taghe manei mu ia kaikena ia ta va meha doli soduai, ia ta age au tudu ma ta au ghu. Nia sepaoni manei neke au taremehana tudu ma God ia Mama, nia ghatunaina ia Mama, geto va podoli ghu manei ka ghai, e ghua.

1 Zone 5:11

Iahi ghu mu neto ke turi ghini kavena God: God neto ke vanada ia doli soduai, e meha ghu ka ia Tuuna manei mu doli iahi.

Podolo Kave 22:1

Ianimu tuna ghe neke va fini ghinagu nga ia engizeli ia leghahai ketuhuna ia kolona doli ta toraina fegala mailo, la ghasolo mehana ka ia nonohe ginitaukela nona God nia nona ia Rekahana Sipisipi, e ghua.

Podolo Kave 22:16

“Ara Zisas nato tuhu agei ia nogu engizeli, mala kahe kaverira leghu irahi nga ka ghau ira noni kiloau ta va hohoghona. Ara mu ia zaghara ta pagusuna meha Deveti, nia ia Babaghunu Leghufugho ta pelara.”