Zone 1:16 - Ia Foforuna Naiungene

¹⁶ Vununa ka ia namaha ghini ghita fuludu manei ka ia hohoghona, neke vanada ghu ia kaikadolo ta veha sepao, nga ghatunaina mu neto ke vanada kaike foforuna kaikadolo, mala holarina ia sesepana.

Zone 1:16 Iomraidhean Croise

Matiu 13:12

Ka hei ia ta kusu kurui avoavoho ghinina ia nona Ravutu mu, God e fuludu laoni avoavoho ta age vananina ghatu manei. Nga ka hei ia ta deoi avoavoho ta hohoghona mu, geta ghua ghu ia rekahana avoavoho ne kurui ia ta ghua manei ghe, e age hio kai tana ghatu.

Matiu 3:11

“Ara a seselebeanari ka kolo heiri ira ta taghuru kairi ira sasakedi, ta fihiki lao ghu ka God. Ghe kaikeu ta toraina mana fuludu lao ka ara, e deo sepana e la meha ghu. Manei e toraina mana fuludu lao, e deo ghu ghe ga fata ghu ara ta mala posi vananina ira nona sadolo, taghe kaike noni mala varituhu ta ghuana. Manei e age seselebeana ghau ghatu ka ia Tarunga Ta Maduana nia ka totoi.

Matiu 3:14

Ghe Zone e deo geke kabai seselebeani ghu manei neke kahe ghua ghu iahi, “Ara mo ta fatai mala seselebeanana ka agho. ?Ne heve agho ghe, no la meha nga agho ka ara?”

Luku 21:15

vununa ara ta vanamuna ghatu ira ngengene nia ira avoavoho e ghua, ta deo gedi boka ungene tughuri ghu ira kana, ba tadi kaheina no zea ghau, ta ghua ghini ghauna.

Zone 3:34

Ia neke tuhu mehaio God mu, e turi ka ira ngengenena God, vununa God ne vanani ia kamotona mana ka ia nona Tarunga.

Romu 5:17

Vununa ia mana ka ia leme neto tetu kopu la ka kaike mane ianimu ka ia sasakena ia kaike mane, e faa laoni mu ia varisute ta va meha kakatoi God nia ia nona kaikadolona au va lotoro, vununa heiri haroharo ta hioi ianimu edi age tetu kopu ka doli iahi ka ia kaike mane Zisas Kraes.

Romu 5:2

Vununa ghita da va hohoghonai Zisas Kraes, ne va avoavoho ghita ghu ghinina ia varisute ka God ta va meha kakatoi, ta aui iahi ghita ghatunaina. Nia ghita da va ghazaghaza, vununa ghita da rangerange ta age au taremehanana God ka ia nona pelarana varanga.

Romu 5:20

Neke va mehai nga ia vetula mu, mala ira leghu noni nga edi boka finini ghu taghe heve dike ghua rivai sasakedira maneri, neke ghua. Ghe taghe ka ia fafata dike suufuro ira noni rivai sasakedira mu, ia varisute ta va meha kakatoi God neke meha faa fuludu laoni.

Romu 8:9

Ghau mu e deo ge auleghu ghini ghau ghu ia puhi ta sasake, nga ia Tarunga ta Maduana ne auleghu ghini ghauna neto au la ia Tarunga ka God ka giliomu ghau. Nia hei neto deo la ge kurui ghu ia Tarunga ka Kraes, manei mu eka nona ghu Kraes.

Efesasi 1:23

Ira noni ta va hohoghona mu to meha tinina ghu Kraes, e fouduri ghu ia dolina Kraes. Nia ia dolina Kraes tuna ge va foudu va hokotori ghu vahina leghutau nga hae ghe hae ghu, e ghua.

Efesasi 3:19

Geta mamarutana ghu ta torai va fafahakina ia namaha ka Kraes ghe, ara a verevere fangai ta age avohina ghau namaha ianimu. Ka ia avohi ghau ia namaha ka manei, ira puhimu ghau taghe ira puhina God edi age ghua ghatu.

Kolosi 1:19

Vununa God neke vato ghini molamo Kraes ta toraina meha varifatana ka taghonai God, ka ira leghu ghaghahedi nga, ghe neke meha doli noni nga manei.

Kolosi 2:3

Kraes lama ta boka va avoavoho ghauna ta toka ghini ghauna ghu, ta mala va fafahakina ia nona nonomoho God, ia ta puina au lighorona taghe kaike popoika, ia ta ghua.

1 Pita 1:11

Ia Tarungana Kraes neke au ka maneri neke va kahe vanadi ghu ia ghaghahena ta age vavahagala Kraes nia age vanani tuna ira leghahaidi varanga ta pelara, ia ta ghua. Maneri dike hadu va gigima ghu mala toraina hadu kaveina hei mu Kraes na nia niha ta age dufuna iahi, e ghua.

1 Pita 1:2

God ia Mama neke faete ghau sepaoni ta mala au taremehana fuludaina, neto va maduana ghau ghu ka ia Tarunga. Ianimu la ghe, no leghui nga ghau Zisas Kraes, ne va mamalahu ghau ghu ira sasakemu ka ia busakana. Ara na tarai fangai ia bule nia ia nona varisute ta va meha kakatoi God, e toraina vanamu va faa ma e lao ghu.