Zone 1:13 - Ia Foforuna Naiungene

¹³ Maneri mu deo gedi ke meha nona rekaha ghu God leghuina ia uraha ka ia vilahi, ia ta doli meha ka mama ghe uke, ba ka ia lao hihingo ia tini. Taghonai God lama neke nodi Mamana maneri, neke vanadi doli foforu ghu.

Zone 1:13 Iomraidhean Croise

1 Zone 3:9

Ira noni ta tuuna God mu, edika rivai sasake ghu gedi au ghu, vununa ia toraina aꞌauna taghonai God to au ka giliodi maneri. Nia vununa God mu ne nodi Mamana maneri, e deo ghu maneri boka rivai sasake ma ta auna ghu.

Zemesi 1:18

Ka ia nona lao nanafa taghonai, neke faete ghita ghu manei ta mala vanada dolina ka ia nona saoro ta hohoghona, ta toraina mala meha tongovonana ghu ka ira leghu nona neke va vuhariro nga.

1 Pita 1:23

Riva ghini iahi vununa ghau mu noto uraha leghu. Ghau e deo goke hioi ghu foforuna doli iahi ka ira leghutau ta boka va mukori. Nga noke hioi ghau ka ira leghutau ta deo ge boka va mukori ghu. Taghonai leghutau ianimu lamu ghu mu ia saorona God ia ta au toghunai.

1 Pita 1:3

Helahela ghini God, ia nona Mama noda Lod Zisas Kraes. Vununa ka ia nona dudumana leghaha taghonai neke vanada ghu ghita ia doli foforu ka ia va tetuleghui Zisas Kraes ka ia leme. Iahi lama mu, ne va foudu ghitana ka ia rangerange ta au toghunaina,

1 Zone 5:4

Vununa leghu rekaha nga ka God mu edi boka paufi mo malau iahi peka. Ghita mu da paufi ghu malau iahi peka ka ia noda va hohoghona.

1 Zone 4:7

Ghau noni taremehaguro, ghita da toraina vari namahai, vununa namaha mu e sipa meha ka God. Hei ia noni ta namaha mu, e nona rekaha God, e avohi ghu God.

Taetusi 3:5

Vununa ka ia nona dudumana, ghe neke hio va doli ghita nga manei, nga eka ghua ghu ka ira leghutau ta veha dake to riva ghidiro ghita. Manei neke vanada ghita ia Nona Tarunga Ta Maduana ia ta tihi kairi ira muko ka ghita, vanadana ia uraha foforuna nia ia ghaghahena au ta foforu, e ghua.

Filipae 2:13

vununa God e riva tudu ma ka giliomu nira ghau mala va ohoꞌoho ghauna ta boka riva ghinina ghu heve ia ta veha vanani taghonai God.

1 Koriniti 3:6

Ara mu taghe ia neke numa ghinio ia subuna, nia Apolosi mu taghe kaikeu neke va sesele ghini ketuhuo e ghua, nga God mo mu neke va kodolo vonaina.

1 Zone 5:1

Hei ia ta va hohoghonai Zisas mu ia Kraes ia Va Doli neke naiungene ghinio God mala va mehaina mu, e kaike rekaha ka God. Nia heiri haroharo ira ta namaha ghini ia mama mu, edi namaha ghidi haro molamo ira nona rekaha.

1 Zone 5:18

Ghita mu da avohi mo ta deona ira rekaha ka God rivai sasake ma ta laona ghu, vununa ia Tuuna God ne kagara ghidira maneri, e deo ghu ia ginitauna ia muko boka ngovalarira.

Zone 3:3

Zisas neke ungene tughui, “Ara a va kahe ghinigho ghu ia hohoghona, e deo hei ta boka haghelena ka ia ravutu God neto deo la ke uraha leghunana.

Matiu 3:9

Oka re kahe ghua mo ghu iahi, ‘Ghai mu ira nake pagusu mehao ka Ebarahamu, to doli ghemai ghu,’ ta ghuana. E torai deo hohoghona mu ianimu. God e boka holarari mo ghahipa irahi e mala nona rekaha ghu Ebarahamu.

Tatanigaina 25:22

Ira palu rekaha ta sua dike vari ghiripai ka tianani manei, neke kahe ghua ghu iahi manei, “?Ne heve ghe ne dufuau nga ara kokolona leghutau iahi?” neke ghua. Manei neke notohi ghu Iahova mala vanani ungene tughuna.

1 Pita 2:2

E veha ka ghau ta hagalai namaha ghinina ia Saorona God ta hohoghona malanana ira dolimu, taghe ia rekaha gogoso ta bake doli mo ta kabai puti, o ghua. Ianimu e age toka ghini ghau kodolona, ta age hioina ghu ia hio va doli.

Tatanigaina 27:33

Aesake neke tataniga kuzo nanazara neke notoho ghu, “?Hei ghu mu neke la zorapa tagukavao neke hio vanagu mehao ghu ghano ianimu? Nogha na ghua ghu ara mahainina, na va vehai ghu manei, to la meha ma agho. Ara nato ke vanani ghu ia nogu va veha, to nona toghunai ghu manei.”

Tatanigaina 25:28

Aesake mu neke namaha ghini fuludu Iso mo, vununa manei neke kabai mahairi fuludu ira leghutau ta atungu surari manei, nga Rebeka mu neke namaha ghini Zekopu mo.

Tatanigaina 27:4

O toi va ghanoghano vanagu ka ia kokolona lingilingi ta kabai ghini ara nia hio vanagu meha tuna, o ghua. Ka leghuna tato mahainio ara ta age va kadolo vananighona ara ia veha neke naiungene vanaguo God, ghe ga leme ghegu nga.”