Zone 1:10 - Ia Foforuna Naiungene

¹⁰ Ia Saoro mu neke au mo ka giliona malau iahi peka, ghe malau iahi peka deo geke fini avohi ghu manei, geta neke riva ghini mo God malau iahi peka taremehana manei.

Zone 1:10 Iomraidhean Croise

Tatanigaina 16:13

Hegari neke vanani ghu Iahova neke ngengene laono ka manei babaolo iahi: “Agho mu ia God ta finiau ara,” vununa ka neke kahe ghuao iahi Hegari, “Ara nato finini ghatunaina Ia ta finiau ara,” neke ghuao.

Tatanigaina 17:1

Ka ia 99 komuhuna Ebaramu, Iahova neke podolo ka manei neke kahe ghua ghu iahi, “Ara mu ia God ta Torai Mana. O au va hohoghona ka ara nia o toraina kaike noni ta veha ka hoatadi ira noni, e ghua,

Tatanigaina 18:33

Ka ia nogha Iahova ngengene taremehanana Ebarahamu, manei neke ghahe, nia Ebarahamu geke leghu lao ghu ka malaunao, neke ghua.

Matiu 11:27

“Nogu Mama neto vanagu meha ara vahina mana nga nia avoavoho nga e ghua. E deo ghu hei ta torai avohina mu ia Tuuna, nga ia Mama lama, nia e deo haro hei ta torai avohina ia Mama e ghua, nga ia Tuuna nia heiri neke faeteriro ia Tuuna mala avohina ia Mama, e ghua lama.”

Zone 1:11

Manei neke meha ka nona soloso ini taghonai, ghe ira nona noni taghonai ira Ziu, e deo gedi ke hio namahi ghu.

Zone 1:18

E deo nga hei neto ke fini fatina mu God. Ia kaikena Tuuna ia ta torai God haro taghona nia ia ta torai namo ka ia Mama e ghua lama neto ke va podolo vanadana God.

Zone 1:3

Ira vahina leghutau nga mu manei neke va vuharira. E deo kaike leghutau va vuha ghu, neke deona ge riva ghini ghu manei.

Zone 1:5

Ia fegala ne pelara ka giliona ia nagoromo, toraina deona ia nagoromo ge boka paufi ghu.

Zone 17:25

“Mama agho ia ta lotoro, ira noni ka malau iahi peka deo gedi avohigho ghu agho, nga ara mu na avohigho mo agho, nia mane ta nonofoau irahi edi avohi mo noke tuhu mehauna agho ara.

Zone 5:17

Ghe Zisas neke ungene tughuri, “Nogu Mama e deo ge nodo ghu rivana, e deo ghu molamo ara ga nodo ghu rivana,” neke ghua ghidi.

Ira Riva 14:17

Ghe God neke va podoli tudu ma e torai au mamu taghonai ta ghuana, ka ira leghutau ta veha tato riva ghidi manei: ka ia va meha vanamu nanare nia ka ia va fuari ira nunuma ka ia torai fafatadi nia ka ia vanamu ghano nia hihingo ta va ghazaghaza, e ghua.”

1 Koriniti 1:21

Vununa God ka ia avoavoho taghona e deo geke va malumuri ghu ira noni ka malau iahi peka ta mala rivana ia avoavoho ka maneri mala hio avoavoho ghinina taghonai God. Nga God neke veha vanani ta mala hio va dolirira heiri ira ta va hohoghonai ia nonomoho ta tuturi beana ghini ghai, ne kingo ia ta ghua ghini ira noni ka malau iahi peka.

1 Koriniti 2:8

E deo hei ka ira ta kopu ka malau iahi peka dike va fafahakina ia avoavoho ka God, vununa gedi ke va fafahaki la maneri, geala maneri deo gedi ke tupila ghini ghu ia noda Lod ta varanga.

1 Koriniti 8:6

ghe ghita da avohi mo mu ta auna kaike God mo; ia Mama neke va vuhariro vahina leghutau nga, ia ta au vanani ghita; nia kaike Faghina mo mu ta auna. Manei mu Zisas Kraes ka neke va vuhariro God vahina leghutau nga nia ka manei neke vanadana God ia doli, e ghua.

Kolosi 1:16

Vununa manei lamu neke riva taremehanana God va vuharira vahina leghutau nga ka kolangana fate nia ka malau iahi peka e ghua; ira leghutau ta finiri nia ira taka finiri ghu, taremehadi ira leghu kokolodi mana nga ka ira engizeli, ira nazahi, ira ta kopu, nia ira ta auri mana e ghua. Vahina leghutau nga mu neke va vuhari ia Tuuna God, nia neke riva ghidi malana manei, e ghua.

Hiburu 11:3

Ka ia noda va hohoghona lamu da va fafahakina ghita malau iahi peka mu neke vuha ka ia ungene va gigima God, ta ghuana. Heve ia ta finini ghu ghita mu neke riva ghini ka heve ia ta deo gada boka fini ghu ghita.

1 Zone 3:1

!Fini, God ia Mama ne toraina namaha ghini ghita, ne kahei ghu ta nona rekahana manei mu ghita! Ianimu lamu toraina hohoghonana ghu ghini ghitana ghita. Ne ghua mamu ghe, ne deo nga ge avoho ghita ghu ghita malau iahi peka, vununa maneri e deo gedi avohi ghu God.