Zone 1:1 - Ia Foforuna Naiungene

¹ Ka ia tatanigaina mu ia Saoro neke to kusu au. Ia Saoro mu neke au taremehana God, nia ia Saoro mu neke God ma, e ghua.

Zone 1:1 Iomraidhean Croise

Tatanigaina 1:1

Ka ia tatanigaina, God neke va vuhai ia kolanga nia malau iahi peka nia ira vahina leghutau nga ka ira giliodi.

Matiu 1:23

“Ia kupi e age pote ghini ghatu kaike rekaha, Imanueli e age ghua ghini ghu babaolonana” (fafahakanana mu, “God ne au taremehada”) e ghua ghu.

Luku 24:53

Leleghu fafata maneri edi au ka giliona ia Sugana God helahela ghinina God.

Zone 1:14

Ia Saoro mu neke meha noni neke meha au ghu aiahi ka malau iahi peka vari hoataida ghita. Ghai nato ke finini ia nona varanga, ia varanga ka ia tuuna kaikena neke sipa mehao ka ia Mama, foudina ia varisute ta vanada kakato nia hohoghona.

Zone 1:18

E deo nga hei neto ke fini fatina mu God. Ia kaikena Tuuna ia ta torai God haro taghona nia ia ta torai namo ka ia Mama e ghua lama neto ke va podolo vanadana God.

Zone 1:2

Manei neke au taremehana ma God ka ia tatanigaina.

Zone 16:28

Uve, ara mu nake sipa mehagu mamu ka ia Mama, nake la meha ghu ka malau iahi peka. Nia ghatunaina tuna, ga ghahe kaini ghu malau iahi peka, gake leghu lao ghu ka ia Mama, e ghua.”

Zone 17:5

Nia ghatunaina tuna Mama, oke vanagu mehani ia varanga, ia varanga dake vari tufa ghinio, ghe neke va vuhaio nga malau iahi peka.

Zone 20:28

Ianimu tuna ghe neke kahe ghua nga iahi Tomasi, “!Nogu Lod nia nogu God!”

Zone 8:58

“!Torai hohoghonana mu, ara to kusu au, ghe neke doli nga Ebarahamu!” neke ghua ungene tughuna Zisas.

Romu 9:5

!Ira faadi maneri mu, Ebarahamu, Aesake nia Zekopu e ghua. Ka maneri lamu ta sukutu vai leghu laona mu ia meha doli noni ka Kraes ia God ka fatedi vahina leghutau nga, ia ta fata mala helahela ghini fuludaina! Amen.

Efesasi 3:9

God neke va vuhariro vahina leghutau nga, neke kabai ghinagu ta va podolo vanadina ara ira noni haroharo ia popoikana vatovato neke poikai ma neke mehao ghu manei ka ia tatanigainani.

Filipae 2:6

Kraes taghonai neke God tudu ma ka ira leghu ghaghahedi nga. Ghe manei e deo geke tuufu ghini ghu ta mala au tuduna ka papala taghe God ta ghua ianimu.

Kolosi 1:15

Kraes mu ia totoghalena ta podolo ia God taka podolo ghu. Manei mu e au ka ia papala ta vona fuludu lao, e mana kaputuri ghu ira leghu neto ke va vuhariro nga God.

Kolosi 1:17

Manei neke kusu au meha mo, ghe dike tatanigai nga ira keha vahina leghutau nga, nia ka manei tuna gedi poposi varighara ghu vahina leghutau nga, e ghua.

1 Timoti 3:16

E deo notohona ghu. God neto ke va podolo vanada ia popoikana ta torai tongovona ghini Zisas Kraes: Taghe ia ta kahei la ka ia koze: Kraes neke podolo ka ia vilahi, nia ia Tarunga Ta Maduana neke va podoli Zisas ta Tuuna Manena God. Ka ia tetuleghu manei ka ia leme, ira engizeli dike finini manei. God neke hio vonai ka ia nona malau fate. Ira ta leghui manei dike tuturi beana ghini ia nonomohona manei ka ira soloso, dike va hohoghonai ghu manei ira noni ka malau iahi peka.

Taetusi 2:13

Geala e ghua ghu ianimu auna ka ghita ka ia au afa ghini ghita rangerange ta beana ianimu, ka ia leghu mehana ka malau iahi peka Zisas Kraes ia noda God ta varanga nia Va Doli, ka ia nona varanga ta pelara.

Hiburu 13:8

Zisas Kraes mu e varifata ma norao, ravata iahi, nia e varifata toghunai, e ghua.

Hiburu 7:3

E deo tuturi ta auna mu ghinina hei mo nona mama nona ukena manei nia heiri mo faanara manei, e ghua. E deo haro ge avohi mu nihao neke dolina nia neke lemena manei. Manei mu taghe ia Tuuna God neke ghua ghu, e kaike hiama toghunai ghu.

2 Pita 1:1

Leta iahi mu sipana ka ara Saemoni Pita, ia nona mane varituhu nia nona mane nonomoho Zisas Kraes. Ara na kakangava age ka ghau haroharo noke hioio ia va hohoghona ta namanama ta varifata ka nake hioio ghai, ia va hohoghona neke vanadao Zisas Kraes, ia noda God nia ia Va Doli ta va lotoro ghita ka God.

1 Zone 5:20

Nia ghita da avohi ia Tuuna God neto ke mehana, neto ke vanada avoavoho ghu mala boka avohina ghita ia God ta hohoghona. Nia ghatunaina tuna gada to au parekete taremehana ghu ghita ia God ta hohoghona e ghua, vununa ghita da au parekete taremehana Zisas Kraes ia Tuuna manei. Iahi lamu ia God ta hohoghona, nia iahi lamu ia doli soduai, e ghua.

1 Zone 5:7

Lito leghutau mu ne va podolo kaveina heve ia ta hohoghona ghinina Zisas Kraes:

Podolo Kave 1:11

kahe ghuana iahi, “O kangava hinaeri ka kaike buka vividuhu heve ta finiri nira agho, o va ghahe laori ghu ka ira vitu suga tarai: va ghahe laori Efesasi, Samana, Pegamamu, Taeataera, Sadisi, Filadelifia, nia Leodisia, e ghua.”

Podolo Kave 1:17

Ka ia fini laoigu, ara nake riufu maimanihi habara hinae peka ka kavana ka tabalana ghahenari taghe tato leme ta ghuana. Ianimu tuna ghe neke va fara mehai nga ka ara ia kame mautuna neke kahe ghua ghu iahi, “Oka maugheu ghu. Ara mu ia ta Kenu, nia ia ta Leghu.

Podolo Kave 1:2

Ara nake tuturi ghini kave ghu ia saorona God nia ira leghutau neke kahe mehariro Zisas Kraes ka ara e ghua, nake finiri ghu ara leghutau irahi.

Podolo Kave 1:8

“Ara mu ia Alofa nia ia Omega, ia ta Kenu nia ia ta Leghu,” ne ghua ia Lod God ta Torai Mana, ia ta au ghatunaina, neke au mehao sepao, nia ia ta la meha keha nareo.

Podolo Kave 19:13

Manei neke va vona poko ta va luduru boesi ka busaka, nia babaolonana mu “Ia Saorona God.”

Podolo Kave 2:8

“O kangava laoi leta iahi ka ia engizelina ia suga tarai aianihi Samana. Iahi mu ia nonomoho sipa mehana ka ia ta Kenu nia ka ia ta Leghu, ia neke lemeo nia neke meha doli leghuo.

Podolo Kave 21:6

Nia manei neke kahe ghua molamo iahi, “To hokoto. Ara mu ia Alofa nia ia Omega, ia Tatanigaina nia ia Va Nonoghana. Ka heiri ira ta parangoso, ara a age vanadi kakato ketuhu ka ia ketuhu ta futu meha ka ia ketuhuna doli!

Podolo Kave 22:13

Ara mu ia Alofa nia ia Omega, ia Kenuna nia ia Leghuna, ia Tatanigaina nia ia va Nonoghana.”

Podolo Kave 3:14

“O kangava laoi leta iahi ka ia engizelina ia suga tarai aianihi Leodisia. Iahi mu ia nonomoho sipana ka ia ta va kudo ghini Amen, ia ta va hohoghona nia ta turi kave hohoghona, nia ia tatanigaidi ira leghu neke va vuhariro nga God, e ghua.