Zemesi 1:1 - Ia Foforuna Naiungene

¹ Leta iahi mu sipana ka ara Zemesi ia nona noniriva God nia ia Lod Zisas Kraes. E lao ghu ka ira Ziu ta noni kiloau dike pirararo hae ghe hae ghu ka malau iahi peka.

Zemesi 1:1 Iomraidhean Croise

Matiu 10:3

Filipi ghe Bafolomiu; Tomasi ghe Matiu ia ta mala hio takisi; Zemesi ia tuunamane Alofiasi nia Tadiasi;

Matiu 13:55

“Manei mu ia tuuna ma ia mane ta rivai suga nia ghita da avohi haroma ta nona ukena manei mu Mere nia tahina manera tuna mu Zemesi, Zosepu, Saemoni nia Zudasi, e ghua.

Matiu 19:28

Va kahe ghidi tuna, neke ghua Zisas, “A toraina va kahe ghini ghau ghu ia hohoghona, ka ia age va foforuri God vahina leghutau nga, ta age nohe ghu ara ia Tuuna Noni ka ia nogu nonohe ginitaukela ta varanga ka ia Ravutu, ghe go age nohe haro nga molamo ka tazoi palu nonohe ginitaukela ghau ira noke leghuauo ara, mala kopuna ghidira ira tazoi palu butubutudi Isiraeli.

Maki 3:18

Aduru, Filipi, Bafolomiu, Matiu, Tomasi, Zemesi (ia tuunamane Alofiasi), Tadiasi, Saemoni (ia mane Zeloti) nia,

Luku 22:30

ta mala mahai, ketuhu taremehaguna ka ia nogu Ravutu. Ghau o age nohe ghu ghatu ka ira nonohe ginitaukela, faterira ira tazoi palu butubutudi Isiraeli.

Luku 6:15

Matiu, Tomasi, Zemesi (ia tuunamane Alofiasi), Saemoni (ia mane Zeloti),

Zone 12:26

Heiri haroharo ira ta kabai riva vanagu ara mu, edi toraina meha leghuau ara, vununa ira nogu noniriva ara mu, edi toraina au hae ta auna ara. Nogu Mama, e va vonavonai hei ia ta riva vanagu ara.

Zone 7:35

Ira Ziu dike kahe ghua iahi ka vari taghodi. “?Hae mo ne nganai laona mu manei, ghe gada deo nga ghita boka fininina?” dike ghua notohodira. “?Haeba manei neke nganai ghahe kaini bana nga soloso ini, e la va kakahe ghidi ghu ira Ziu ka ira keha soloso, ba haeba ka ira noni taka Ziu ghu, e ghua?” dike ghua.

Ira Riva 1:13

Di la dufu ghu, maneri dike vona lao fate ka ia ringifota dike auno la. Dike aura mu, Pita, Zone, Zemesi ghe Aduru, Filipi ghe Tomasi, Bafolomiu ghe Matiu, Zemesi ia tuunamane Alofiasi, Saemoni (neke holara magara ghinio mala hio kaverira ira Ziu ka ia kopu ira noni Romu), nia Zudasi ia tuunamane Zemesi, e ghua.

Ira Riva 12:17

Pita ne ngengene kameri ta vanemohona maneri, ghe neke turi vanadi nga heve neke dufuna nia heve neke ghua ia Lod batu ghini kavena manei ka ia pipiliga, e ghua. “O va kahe ghini nga Zemesi nia ira keha noni ta va hohoghona e ghua ghinina iahi,” neke ghua ghidi. Ianimu tuna ghe, neke lao nga tuna manei ka keha malauna mo.

Ira Riva 15:13

Ka leghuna dike to age noghao tuturina maneri palu, Zemesi neke tetu vona neke kahe ghua ghu iahi, “Ghau Tahiguro, o nonomoho meha ka ara!

Ira Riva 15:21

Ira noni taka Ziu ghu edi toraina leghui ghu vetula iahi, vununa vahina leghutau irahi nga mu e toraina muko ka ghita ira Ziu. E ghua ianimu ghe, ge deo nga va mukorira ira Ziu. Sepaoni God neke vanani Mosese ia vetula. Tataniga ka fafata ianimuni, ia vetula dike tuturi beana ghini ma neke meha ghu ka ira leghu malau leghaha nga, nia dike izumi ma neke meha ghu e ghua ka ira suga mala varighara ira Ziu leleghu Ravata Mala Maghoso.”

Ira Riva 15:23

Leta dike hio taremehadi laona maneri mu, neke kahe ghua ghu iahi: “Leta iahi mu sipana ka ghai ira taremehamu noni ta va hohoghona, ira mane nonomoho nia ira nonifaa e ghua, aiahi Zerusalemu. Iahi mu nake kangava vanadi age ghu ira noni ta va hohoghona taka Ziu ghu aiamuhu Anitioko, Siria nia Silisia, e ghua. !Nomai ungene veha ka ghau!

Ira Riva 2:5

Ira Ziu dike va totoana ghinino God dike sipa mehadiro ka ira tehi soloso, dike au Zerusalemu ka fafata ianimu.

Ira Riva 21:18

Ka ia keha ravata, Polo nia ghai e ghua, nake la finini Zemesi. Ira leghu mane babatu nga ka ia kiloau dike au haroma aianimu.

Ira Riva 23:26

“Sipana ka ara Kolodiasi Lisiasi, e lao ghu ka ia leghahai faghina Gavana Filikisi. !Nogu ungene veha ka agho!

Ira Riva 26:7

Iahi lamu ghu mu ia naiungene di rangerange mala hioina ira tazoi palu butubutu ka ghai Isiraeli, edi va totoana ghini ghu God redu, ravata. Mane Ginitaukela agho, di makutuau nga ara noni Ziu irahi mu, vununa ara na rangerangei molamo naiungene ianimu.

Ira Riva 8:1

Keha mane ta va totoana ghini God, dike meha gilu ghinina ia tinina Sitivini dike toraina nakele va fafaa ghu muko hihingo ghinina. Ghe Solo neke va tabei ta vehana mo atungina maneri Sitivini. Ka ravata ianimu, neke toraina age ngiburu ngovangovalina ia kiloau aianihi Zerusalemu, dike age pirara haroharo ghu ira leghu noni ta va hohoghona nga, pelo laodira ka ira leghu pelodi nga ka ia babarana Zudia nia ka ia babarana Samaria, e ghua. Ira mane nonomoho lama dike au hinaera Zerusalemu.

Romu 1:1

Leta iahi mu sipana ka ara Polo ia nona noniriva Zisas Kraes neke kudoauno mala kaike mane nonomohona, neke hio nenemauo ghu malanana ia Nonomoho Ta Veha ka God.

Galesia 1:19

Kehanani ka ira mane nonomoho nake dufuina ara mu Zemesi, ia tahina mane ia Lod lama.

Galesia 2:12

Ka ia kusu la sabarana aianimu, Pita neke to mahai taremehadi ma neke meha ghu ira noni kiloau taka Ziu ghu, ira ta deo gedi papahe va ghilaghilari ghu. Ghe leghunana, di la meha ghu ira Ziu ta baere ka Zemesi, Pita neto ke deo ke mahai taremehadira ira taka Ziu ghu, vununa manei neto ke maughidi ghena ira Ziu ta turi va mukoina.

Galesia 2:9

Zemesi, Pita, nia Zone e ghua, ira ta toraina tongovodi ka ira hibadi ira noni kiloau, dike fini avohi neke vanaguna ara God riva iahi. Maneri dike kubae taremehana ghu Banabasi nia ara e ghua, mala va podolina ka maneri haroharo ta kaike nganganamaina ghai, dike hio ghai ghu ghai nia ia nomai vari va kakahei, e ghua. Maneri dike va uvei ghu geala ta tuturi beana ma ta laona ghu Banabasi nia ara e ghua ka ira noni taka Ziu ghu, ka ia fafata ta tuturi beana ta au ghu taghodi ka ira noni Ziu.

Filipae 1:1

Leta iahi mu sipa mehana ka ghai palu Polo ghe Timoti, ira noni mala varituhu ka Kraes Zisas, Na kangava vanamu age ghu ghau ira leghu nona noni nga God ta va hohoghona ka Kraes Zisas ka ia malau leghaha Filipae, nia ka ira noni babatu ka ia kiloau nia ka ira ta toka ghidi tudu maneri, e ghua.

2 Timoti 4:21

Mamagali o meha dufu ghu aiahi, ghe ge dufu nga ia rabongi. Iubiulasi, Piudenisi, Laenasi nia Kaladia e ghua, di va ghahe vanamu age ira nodi ungene veha nia di ghua haro molamo ira leghu tahida noni kiloau nga, e ghua.

Taetusi 1:1

Leta iahi mu sipana ka ara Polo, ia nona mane varituhu God nia ia nona mane nonomoho Zisas Kraes. Ara mu neke tuhu mehau God ta mala toka ghidira ira noni neke faeterio manei mala nona nonina taghonai. Manei neke tuhu mehau ghu mala toka ghidira ka ia nodi va hohoghona, nia mala va kakahe ghidira ia ghaghahena ta mala avohi maneri ia hohoghona, ta mala va podolo vanadina ghu heve e ghua mu auna ka maneri ka ia ghaghahena ta veha vanani God.

1 Pita 1:1

Leta iahi mu sipana ka ara Pita, ia mane nonomoho ka Zisas Kraes. Ara mu na kakangava vanamu age ghau, ira nona noni God ta au birusuna lao ma ka malau iahi peka, ta pirara lao meha ghu ka ira babaradi aiamuhu Ponitasi, Galesia, Kapadosia, Esia, nia Bitinia, e ghua.

2 Pita 1:1

Leta iahi mu sipana ka ara Saemoni Pita, ia nona mane varituhu nia nona mane nonomoho Zisas Kraes. Ara na kakangava age ka ghau haroharo noke hioio ia va hohoghona ta namanama ta varifata ka nake hioio ghai, ia va hohoghona neke vanadao Zisas Kraes, ia noda God nia ia Va Doli ta va lotoro ghita ka God.

Zudi 1:1

Leta iahi mu sipana ka ara Zudi ia mane mala varituhu ka Zisas Kraes nia ia tahina mane Zemesi e ghua. Ara na kakangava age ka ghau neto ke kudo ghauno God. Ghau mu no vari parekete taremehana God ia Mama, vununa manei ne namaha ghini ghau nia Zisas Kraes ne kopu ghini ghau va veha, e ghua.

Podolo Kave 7:4

Maneri dike va kahe ghinagu ghu taghe nihau dike nai ghidi va ghilaghilara maneri ka ia zago God: Kaike mola, rodana vuro, rodana togha (144,000) noni ka ira tazoi palu butubutudi Isiraeli dike zagorira: