Tatanigaina 9:2 - Ia Foforuna Naiungene

² Ira leghu tagukava nga, memeha nga nia namari nga edi age au mamaghu ka ghau. Maneri haroharo edi au ka pekana ia mana ghau.

Tatanigaina 9:2 Iomraidhean Croise

Tatanigaina 1:21

God neke va vuhari ghu ira leghahai va vuha ta au ka ia tahi nia ira leghu kokolodi va vuha dolidi ta rizu nga ka ia kolo nia ira leghu kokolodi memeha nga, e ghua. God neke finini ghu ianimu neke vehana.

Tatanigaina 1:26

Ianimu tuna ghe neke kahei nga God, “Kabai ghini ghita ta va vuha nonina mala taghe totoghaledana ghita nia mala taghe ghita ta ghuana, e ghua. Maneri edi age auri mana mala kopu ghidira ira namari ka ia tahi nia ira memeha ka kolangana, ira tagukava popohi, nia ira tagukava mauke nia ira leghu va vuha ta tagu nga ka ia kava, e ghua.”

Tatanigaina 1:28

Ianimu tuna ghe neke vanadi veha nga God kahe ghuana iahi, “O hugara va tehi, mala ira pagusu ka ghau edi age au ghu hae ghe hae ka malau iahi peka mala mana kaputina. O kopuna ghidi ira namari ka ia tahi, ira memeha ka ia kolanga nia ira leghu va vuha ta tagu nga ka ia kava.”

Tatanigaina 2:19

Iahova ia God neke hiori ghu keha kava neke riva ghidi ghu ira leghu tagukava nga nia ira leghu memeha nga ka kolangana. Manei neke hio vanani lao ia mane e mala vanadi ghu heve babaolo ta mala sopai va kudo ghidira. Heve babaolo neke sopai vanadira manei lamu babaolo neke sopai va kudo ghidira ghu manei.

Tatanigaina 35:5

Maneri dike ghahe, ghe deo hei neke bozo leghu laorira leghudi mo, vununa God neke va mamaghuri ira noni ka rekanana malau ianimu.

Tatanigaina 9:1

Vanani veha tuna Noa nia ira tuunamane neke ghua God neke va kahe ghidi ghu, “O hugara va tehi o va foudi ghu malau iahi peka.

Tatanigaina 9:3

Ira leghutau haroharo ta doli nia ta rizu edi mala age ghemu ghano ghau, taghe nake vanamuro la ira leghu heke ghano teri nga. Leghu irahi nga ara a vanamu mala ghemu ghano ghau.

Zemesi 3:7

Ira noni mu edi boka va namahari mo vahina kokolodi va vuha nga; taghe ira pusi meusu, ira memeha, ira zote rabaka nia ira namari e ghua,