Tatanigaina 7:4 - Ia Foforuna Naiungene

⁴ Vitu ravata tatanigai ghatunaina, ara a age va mehai ia nanare, ia ta age zoghu ma ta lao ghu ka giliodi rodana-ngavulu ravata nia redu mala takusu kai kaverira ka fatena malau iahi peka ira leghu va vuha dolidi nga nake va vuhariro ara.”

Tatanigaina 7:4 Iomraidhean Croise

Tatanigaina 2:5

e deo kaike leghutau neke kodolona ka ia kava, vununa God Iahova neke deo geke va meha nanare ghu ka malau iahi peka, nia neke deo hei ta mala rivana ka ia kava, e ghua.

Tatanigaina 6:13

Neke kahe ghua ghu iahi God ka Noa, “Ara a age hio kairi ghatu leghu noni nga, vununa maneri di va foudi malau iahi peka ka magara nia vari ngovangovala. Uve ara a age toraina hio kairi haroharo maneri nia malau iahi peka.

Tatanigaina 6:17

Ara a va mehai ghatu ka malau iahi peka kaike ologho mala toraina va eongorira vahina leghutau ta doli nga. Vahina leghutau nga ka malau iahi peka edi age leme.

Tatanigaina 6:3

Kahe ghua tuna iahi neke ghua Iahova, “Ara e deo ga age va malumuri ghu ira noni ta age doli toghunaina, vununa maneri mu di vilahi ma. Ghatunaina e vai vona ghu maneri deo gedi boka age au fuludu laoi ghu 120 komuhu.”

Tatanigaina 6:7

Neke kahe ghua ghu iahi Iahova, “Ara a age takusu kairi noni nake va vuhari irahi ka malau iahi peka—ira noni nia tagukava, ira va vuha ta tagu ka ia kava nia ira memeha ka kolangana, e ghua—vununa ara na muko hihingo ghini nato ke va vuharira maneri.”

Tatanigaina 7:10

Nia leghudi ira vitu ravata geke la meha ghu ia ologho va foudina malau iahi peka, neke ghua.

Tatanigaina 7:12

Nia ia nanare geke zoghu hinae ghu ka giliodi rodana-ngavulu ravata nia redu, neke ghua.

Tatanigaina 7:17

Rodana-ngavulu ravata neke ologho ma neke lao ghu, neke age rokasa ghu fatana ka ia zaghimaha ta felo ghale vonana ka ia fatena kava.

Tatanigaina 7:3

Hiori haro molamo vitu manedi nia vitu ghasedi ka ira leghu kokolodi memeha nga. O riva ghini iahi mala ira leghu kokolodi tagukava nga nia memeha nga, edi ke age nanakai leghu ghu maneri ka ira leghu pelodi nga ka malau iahi peka.

Tatanigaina 8:10

Manei neke afani keha vitu ravata ghe neke va alava kave laoini nga ia babahulu.

Tatanigaina 8:12

Ke afani tuna keha vitu ravatani neke ghua manei, ghe neke va alava kave laoini nga ia babahulu. Ka fafata iahi mu ia babahulu to deo ke la leghu mehana ka Noa.

Tatanigaina 8:2

Ira futudi ketuhu ka pekana ia kava nia ira ghasolodi ketuhu ka kolangana dike bakisi, neke to age nodo ghu ia nanare zoghu hinaena ka kolangana,

Podolo Kave 3:5

Heiri ta posi va gima ta paufuri ghu ira muko mu, edi age va vona pokotini ta ghiho taghe maneri la. Ara toraina deo ga age guaha kairi ghu ira babaolodi ka ia bukana doli, nga ara a age kahe kavei ka kenuna nogu Mama nia ira nona engizeli e ghua, ta nogura ara mu maneri.