Tatanigaina 4:1 - Ia Foforuna Naiungene

¹ Ianimu tuna ghe neke epu taremehana nga Adamu ia ghaseborona neke pote ghu manei va dolinina Keni. Ia fotati neke kahe ghua iahi, “Ka ia nona toka Iahova nato kuruau ghu kaike tuugumane ara.”

Tatanigaina 4:1 Iomraidhean Croise

Tatanigaina 3:15

Ara a age nakaini ia varikanai, ka varihoataiu agho nia ia fotati, nia ka varihoataidi ira pagusu ka agho nia ka ia fotati; Ia pagusu ka ia fotati e age botai pau nia agho, nia agho o age ghanini ia susubina kaikeu ka ia pagusu ia fotati.”

Tatanigaina 3:24

Leghuna gigi kaveri manei, manei neke nakairi ka visi fateona mo ia nunuma, ira engizeli nia kaike leboto sisilufu mala magara ta helupu pelara leghu kenu, mala kopu ghinina ia hangana ta ghahe lao ka ia hekena doli.

Tatanigaina 4:2

Leghunana manei neke va urahini kaike tuunamane, Ebolo neke ghua ghini ghu babaolonana. Ebolo mu neke kaike mane ta kopui sipisipi, nga Keni mu neke kaike mane ponogara.

Tatanigaina 4:25

Adamu neke epu taremehanani ia ghaseborona, neke va urahi ghu manei kaike tuudi maneni. Neke kahe ghua ghu iahi manei, “God neto ke vanagu kaike tuugumane mala holarina Ebolo neke atungio Keni.” Seti neke ghua ghini ghu manei baolina.

Tatanigaina 5:29

Noa neke ghua ghini ghu baolina ghe neke kahe ghua nga iahi, “Ka ia toraina kava neke tibirinio Iahova, rekaha iahi e age vanada maghoso ka ira leghu riva ngazuluai nga ghita,”

1 Zone 3:12

Ghita mu taghe Keni daka puina ghua la ghu. Manei mu neke nona ia ginitauna ia muko, neke atungio ghu Ebolo ia tahina mane taghonai. ?Neke heve ghe neke atungi nga manei Ebolo? Vununa Ebolo neke lotoro nia ira aꞌauna doli ka manei e ghua, neke va podoli ia aꞌauna doli ka Keni neke muko fuludu.