Tatanigaina 39:3 - Ia Foforuna Naiungene

³ Ia faghina ka Zosepu neke finini Iahova ta au taremehanana manei, neke toka ghinina ghu riva va vehana ka ira vahina leghutau neke riva ghidiro nga manei.

Tatanigaina 39:3 Iomraidhean Croise

Tatanigaina 21:20

God neke au taremehana rekaha mane foforu ani ka ia faa vonana manei. Manei neke au Parani ka ia malau koroghana ta karango neke meha kaike mane ta avohoai fefera ghu ka bokala.

Tatanigaina 21:22

Ka fafata ianimu ia mane ginitaukela Abimeleki, nia Fikolo ia manefaana ia punugara, dike kahe ghua iahi ka Ebarahamu, “God mu ne au taremehau agho ka vahina leghutau ta riva ghidi nga agho.

Tatanigaina 21:23

Va bebereana vanagu ghu aiahi ka kenuna God ta deona agho go age sesebo ghu ka ara, ira nogu rekaha, ba ka ira pagusu ara. Va podolo vanagu ara nia soloso ka ta au taghe kaike noni mehana ta ghua nia agho, ia varisute ta varifata ka taghe nake va fini ghinighono la ara.”

Tatanigaina 26:24

Ka redu ianimu, Iahova neke podolo ghini manei kahe ghuana iahi, “Ara mu ia God ka nou mama Ebarahamu. Oka maugheu ghu, vununa ara na au taremehau mo. Ara a age va vehaigho a vananigho tehi pagusu ghu, vununa ghini ia nogu naiungene nake vananio ia nogu maneriva Ebarahamu.”

Tatanigaina 26:28

Dike ghua iahi ungene tughuina, “Ghatunaina ghai na avohi ta au taremehauna agho Iahova, na nganai ghu geala e veha tada riva ghinina ka varihoataida ghita kaike varivehai ta gigima mala deona ghau go magara ghai ghu. Ghai na kabai ghini ghau ta va bebereanana

Tatanigaina 30:27

Ghe Labani neke kahe ghua iahi ka manei, “Noto veha vananigho la ka ara, o au taremehagu. Ara nato hadu kavei ka ira ghila ta va vehauna Iahova, vununa ka ira heve tato riva ghidi agho vanaguna ara.

Tatanigaina 30:30

Ia birusuna neke kuruighono agho, ghe nake mehano nga ara, to age kodolo va faa fuludu, nia Iahova neto va vehaigho agho ka ira vahina leghutau nato ke riva ghidiro nga ara. Nga ghatunaina mu to fafata ka ara mala tatanigai va ghono vanadi keha leghutau ira rekaha ka taghogu.”

Tatanigaina 39:2

Vununa Iahova neke toka ghini Zosepu, neke boka riva va veha ghu manei, nia au tuna ka ia sugana ia faghina taghona ta tanina Izipi, neke ghua.

Tatanigaina 39:21

Ghe Iahova neke hohoghona ka ia nona namaha vanani Zosepu. Ia manefaana pipiliga neke veha vanani ghu ka Zosepu.

Tatanigaina 39:23

Ia manefaana pipiliga e deo heve neke anga ghinina ka ira leghutau neke mala riva ghidiro Zosepu, vununa Iahova neke au taremehana manei, mala riva ghidi va vehara vahina leghutau neke riva ghidiro nga manei.

Matiu 5:16

Taghe iala o ghua ghu molamo ghau, o va pelara kaveri ghu ira nomu fegala ka kenudi ira noni, edi mala age finiri ghu maneri ira nomu riva ta veha, edi helahela ghini ghu nomu Mama ka malaunao fate.

1 Koriniti 16:2

Ka ia va kenuna ravata leleghu kolabana, ghau o sopai nai nenemari keha rongo ka heve rongo ta hiori ghau, mala ka ia mehagu ara, kakai iahi to kusu riva ghini va hokoto ghau.

Podolo Kave 3:9

!Fini! Ira noni ta sesebo ta nona Satana ta kahei taghodi mu noni Ziu ira ta ghua ghe ta deo ma, ara a la va mehari edi maimanihi hinae ghu ka tabalau nira. Maneri haroharo edi age avohi ta namaha ghini ghauna ara.