Tatanigaina 3:1 - Ia Foforuna Naiungene

¹ Ka ira vahina tagukava neke to va vuhariro nga Iahova ia God mu, ia adogho mo neke toraina avoavoho fuluduna ka rivai sekesekei ka maneri haroharo. Kaike ravata manei neke kahe ghua iahi ka ia fotati, “?Heve, God neke toraina kahe ghini ghau va gigima taka mahai fuadira ghu ira leghu heke nga ka giliona nunumana?”

Tatanigaina 3:1 Iomraidhean Croise

Matiu 10:16

!Nonomoho ko! Ara na tuhu kave ghau lao taghe ira sipisipi ka hoataidi ira wulufu. O banabana taghe ira adogho nia au taghe ira babahulu bora taka lelemeana ghu, o ghua.

Matiu 4:3

Lao tuna ka Zisas ge la kahe ghua ghu iahi neke ghua Satana, “Noto Tuuna la agho God, fihikiri ghahipa irahi ka bereti,” neke la ghua ghini.

Matiu 4:6

ghe neke kahe ghua nga iahi, “!Noto Tuuna la agho God, o paraku hinae! Vununa ira Kakangava Ta Maduana di kahe ghua iahi, “‘God e ungene va gigimari ghatu ira nona engizeli mala kopu ghinighona agho, edi age posi vonaigho ghu ka ira kamedi, mala eka tutu ghinigho la ghu ghaheu nira ka ira ghahipa.’”

Matiu 4:9

“Ara a vananigho haro leghu irahi nga ghatu, noto suna maimanihi hinae lama agho, va totoana ghinaguna ara,” neke ghua ghini.

2 Koriniti 11:14

!Ghe ara e deo ga nogu fere ghu! Satana harona ghe taghe engizelina fegala ne ghua nga poikaina taghonai.

2 Koriniti 11:3

Ghe na maughini gheguna ara mu, gedi age sebo ghau la keha nonira, gedi batu ghini ghau kave ghu ka ia namaha malana Kraes nia ka ia ngangana ta gigima mala leghuina manei e ghua, taghe neke ghuao la ia adogho neke seke ghinio Ivi ka ia ngengene ta sesebo manei.

1 Pita 3:7

Taghe iala o ghua ghau ira keradiau ira fotati geala o au taremehadi ghu ira keramuau ka ia ghaghahena ta va fafahaka, vununa maneri edi paeke hinae ka ghau. Nga o va vonavonari, vununa God ne vanadi haroma maneri ia kaikadolo ta vanamu niala ghau. Iahi mu ia varisute neke vanamu kakatono God ta vanamu doli hohoghona. O riva ghini iahi mala e deo ghu heve ta age va gogoharira ira nomu tarai.

Podolo Kave 12:15

Ianimu tuna ghe neke va sisiva lomohi nga fotati ini ia adogho ka ia ologhona ketuhu neke losa ghini kaveo ka ia mangana.

Podolo Kave 12:9

Leghahai daragoni iahi mu ia adoghona sepao ta va kudo ghini ia Faghinadi ira nazahi ba Satana, neke seborio ira noni ka malau kamoto iahi peka, dike kai hinaeio ghu ka malau iahi peka taremehadi ira nona engizeli.

Podolo Kave 20:2

Manei neke sakomo hioi ia daragoni ia adoghona sepao ta va kudo ghini ia Faghinadi ira nazahi, ba Satana, neke piliga va gimai ghu ka seni ka giliodi kaike togha komuhu.