Tatanigaina 26:3 - Ia Foforuna Naiungene

³ O au laona birusuna fafata ka kava iahi a age au taremehau ghu ara nia a va vehaigho ghu e ghua. Ara a age vananigho agho nia ira pagusu ka agho kamotodi kava irahi, taghe toraina va ghuduvina nake naiungene ghinio ara ka nou mama Ebarahamu.

Tatanigaina 26:3 Iomraidhean Croise

Tatanigaina 12:7

Iahova neke podolo ghini Ebaramu neke kahe ghua ghu iahi, “Ara age vanadi kava iahi ira pagusu ka agho,” neke ghua ghini. Ianimu tuna ghe neke riva ghini nga Ebaramu kaike sopebeana aianimu mala va totoana ghinina Iahova neke podolono ka manei.

Tatanigaina 13:15

Kamotona kava ta fini iamu agho, ara a mala vananigho agho nia ira pagusu ka agho e ghua, e age nomu fuludai ghu.

Tatanigaina 13:17

Lao o la mato kamoti ghu kava ani, vununa ara a age vananigho kamoto agho.”

Tatanigaina 15:18

Ka ravata ianimu Iahova neke riva ghini ia nona varivehai taremehana Ebaramu kahe ghuana iahi, “Ara nato vanadi ira pagusu ka agho kava iahi, tataniga ka ia fofotaina Izipi dufu lao ghu ka ia ketuhu leghaha Iufereti—

Tatanigaina 17:19

Ghe God neke kahe ghua iahi, “Deo. Sera ia ghaseborou e age nai vananigho kaike tuumane, Aesake o age ghua ghini ghu baolina agho. Ara a age sute toghunaini ia nogu varivehai taremehana manei nia ira pagusu ka manei e ghua. Iahi mu e toraina toghunaina varivehai.

Tatanigaina 17:8

Ara a age vananigho agho nia ira pagusu ka agho ia kava Kenani ta deo go kutana ghu ghau. Kava kamoto iamu edi age tagho fuludaini ira pagusu ka agho, nia ara ga age nodi God ghu maneri, e ghua.”

Tatanigaina 20:1

Ebarahamu neke rizu sipa Mamare neke lao ghu ka ia kobosona leghaha Negevi visi pelopekana mo Kenani, neke la au ghu ka varihoataidi ira palu hori Kadesi ghe Sua. Leghunana, ka ia fafata auna Ebarahamu ani Zera,

Tatanigaina 25:11

Leghuna ia Lemena Ebarahamu, God neke va vehai Aesake ia tuunamane manei neke auno gheremena ia seu ta va kudo ghini “Ia Seu Ka Ia Ta Doli Ia Ta Finiau Ara,” ia ta ghua ghini.

Tatanigaina 26:12

Aesake neke rivai nunuma ka malau ianimu neke age haharuiri ghu manei ka komuhu ianimu kaike ghobi fafata tehi fuludu laorira neke numa ghidiro, vununa Iahova neke va vehai manei.

Tatanigaina 26:14

Manei neke kurui tehi sipisipi nia bulumakau nia tehi noniriva e ghua, dike kakabai ghini ghu ira nonidi Filisitia.

Tatanigaina 26:24

Ka redu ianimu, Iahova neke podolo ghini manei kahe ghuana iahi, “Ara mu ia God ka nou mama Ebarahamu. Oka maugheu ghu, vununa ara na au taremehau mo. Ara a age va vehaigho a vananigho tehi pagusu ghu, vununa ghini ia nogu naiungene nake vananio ia nogu maneriva Ebarahamu.”

Tatanigaina 28:13

Ka ranganani fate, Iahova neke tetu aianimu neke kahe ghua ghu iahi, “Ara mu Iahova, ia God ka Ebarahamu ia nou kakamane nia ka Aesake ia nou mama. Ara a age vananigho agho nia ira pagusu ka agho kava iamu ka ta epu iamu agho.

Tatanigaina 28:15

Ara a age au taremehau nia kagara ghinigho hae ghe hae ta laona agho, nia ara ake age hio leghu mehaigho ka kava iahi, e ghua. Ara e deo ga age ghahe kaigho ghu a vuhai riva ghidi va hokoto ghu ira vahina leghutau nga nato ke naiungene vananighoro ara.”

Tatanigaina 31:3

Ianimu tuna ghe neke kahe ghua nga iahi Iahova ka Zekopu, “Agho o leghu lao ka ia kava ira faau nia ira taremehau agho. Ara ta age au taremehauna agho.”

Tatanigaina 35:12

Ara a age vananigho haro agho ia kava nake vanadio ara Ebarahamu ghe Aesake, nia ara a age vanadi haro molamo heiri ira ta pagusu meha ka leghuu agho, e ghua.”

Tatanigaina 39:2

Vununa Iahova neke toka ghini Zosepu, neke boka riva va veha ghu manei, nia au tuna ka ia sugana ia faghina taghona ta tanina Izipi, neke ghua.

Tatanigaina 39:21

Ghe Iahova neke hohoghona ka ia nona namaha vanani Zosepu. Ia manefaana pipiliga neke veha vanani ghu ka Zosepu.

Tatanigaina 48:21

Ianimu tuna ghe neke kahe ghua nga iahi Zekopu ka Zosepu, “Ara mu to namo leme, ghe God e age au taremehau agho e age hio leghu laoigho ghu ani Kenani, ka ia kava ira faamu.

Tatanigaina 50:24

Kaike ravata, Zosepu neke kahe ghua iahi ka ira tahinamane, “Ara mu to namo leme. Ghe God e toraina toka ghini ghau mo ghatu. Nia ghatu manei e age batu ghini ghau kave ka kava iahi e hio lao ghau ghu Kenani ka ia kava neke naiungene ghinio manei mala vanadina Ebarahamu, Aesake nia Zekopu, e ghua.”

Filipae 4:9

Ghau o riva ghidi tudu ma ira leghutau nake va kakahe ghini ghauro ara, noke hioriro ghu ghau ka ara. O riva ghidi ghu ira leghutau noke nomohoauo kaherira ara, nia noke finiauo riva ghidira ara, e ghua. Leleghonana mu, God ia ta vanamu bule, e age au taremehamu ghatu.

Hiburu 11:9

Manei neke va hohoghona, ianimula ghe neke la au taghe kaike mane mehana neke la ghua ghu ka ia malau neke naiungene vananio God ka kaike malau peghuruo. Manei neke la au ghu ka ira suga tapole, taghe iala molamo Aesake ghe Zekopu dike hioi harono molamo ia naiungene ka God taremehana Ebarahamu.

Hiburu 6:17

Ka ia fafata riva ghini God naiungene ianimu, manei neke toraina kabai va podolo va veha vanadi ira noni ta age hio kadolina heve neke naiungene ghinio manei, deona ge age holari ghu ia nganganana. Neke ghua mamu ghe neke va bebereana nga manei ka taghonai.