Tatanigaina 20:3 - Ia Foforuna Naiungene

³ Ghe kaike redu God neke podolo ka Abimeleki ka kaike epu baghunai kahe ghuana iahi, “Agho o age leme ghatu, vununa agho no hioi fotati iamu. Manei mu kaike fotati varihiona.”

Tatanigaina 20:3 Iomraidhean Croise

Tatanigaina 12:17

Ghe vununa ia mane ginitaukela neke hioi Sarai ia ghaseborona Ebaramu, neke va fogara faari ghu Iahova manei nia ira noni ka tolima ginitau ani, e ghua.

Tatanigaina 12:18

Ianimu tuna ghe neke va ghahe lao ngengene nga manei ka Ebaramu neke notohi ghu, “Geala agho e deo goke riva ghini ghu iahi ka ara. Agho mu geala oke toraina va kahe ghinagu ma ta ghaseborouna agho mu manei.” neke ghua.

Tatanigaina 20:7

Ghe ghatunaina mu, agho o hioi fotati iamu oke vanani leghu lao ghu keranau. Manei mu kaike porofeti, e age verevere toka ghinigho ghu, mala deo ghu age lemeuna. Nga noto deo la agho ke va leghu laoina fotati nia, agho nia ira noni haroharo ka agho, o toraina age leme ghatu.”

Tatanigaina 28:12

Ka ia epuna aianimu, manei neke fini ka epubaghunai kaike rangana sipana ka malau iahi peka ta dufu laona ghu ka malauo God fate, ka dike ghahe vona hinaero ira engizeli.

Tatanigaina 31:24

Ka kaike epu baghunai ka redu ianimu, God neke meha ka Labani neke la kahe ghua ghu iahi, “Agho o banabana, oka la va kahe ghini ghu Zekopu kaike leghutau tei ghu.”

Tatanigaina 37:5

Kaike redu Zosepu neke fini kaike epu baghunai. Ne va kahe ghidi ghu manei ira tahinamane ghinina epu baghunai ani, maneri dike toraina kikipana ghini laoni manei.

Tatanigaina 37:9

Zosepu neke fini keha epu baghunainani neke va kahe ghidi ghu ira tahinamane, “Ara nake fini keha epu baghunainani. Ia taunu, ia hihile nia tazoi kaike babaghunu e ghua dike mamainihi hinae meha ka ara,” neke ghua ghidi.

Tatanigaina 40:5

Kaike redu ia manefaana kopui waeni nia ia manefaana rivai bereti dike sopai fini epu baghunai ka giliona ia pipiliga ta haza ira fafahakadi.

Tatanigaina 40:8

“Ghai palu nake sopai fini epu baghunai, ghe ne deo hei aiahi ta boka va kahe vanamaina fafahakadira,” dike ghua ungene tughudira. “God lama mu ta boka va fafahakarira ira epu baghunai. Va kahe ghinagu epu baghunai nira ka ghau palu,” neke ghua Zosepu.

Tatanigaina 46:2

Ka ia reduna, God neke ngengene lao ka Zekopu ka kaike hahaima. “!Zekopu! !Zekopu!” neke ghua kudoina. “!Heve, ara aiahi!” neke ghua ungene tughuna Zekopu.

Zona 3:4

Ka ia ravata kenuna, Zona neke tatanigai la haghele ka malau leghaha ani, neke la kudo ghini kave ghu iahi: “!Rodana ngavulu ravatani ma ta mehara e age huara ghu ghatu Nineve!” ne ghua ghidi.

Matiu 1:20

Ne hadu ghini ngangana ngama manei iahi, neto podolo ghini ghu ia nona engizeli ia Lod ka ia epu baghunai, kahe ghuana iahi, “Zosepu, agho noke mehao ka ia pagusu Deveti, oka maugheu ghu hioina Mere ta mala ghaseborouna ghu, vununa gogoso ta vuha ani ka manei mu, neke sipa ka ia Tarunga Ta Maduana.

Matiu 27:19

Ne nohe ghu Paelati ka ia nonohe mala varifate, to va ghahe mehai ghu kaike nonomoho ia ghaseborona: “Oka va riva ghini ghu kaike leghutau tei ghu mane ta kalasa ghena iamu, vununa reduo, ara nake toraina age pisipasa vahagalau fuluduna ka kaike epu baghunai ghinina manei.”