Tatanigaina 2:7 - Ia Foforuna Naiungene

⁷ Ianimu tuna ghe neke hio forokuna kava nga God Iahova neke riva ghini ghu ia mane. Manei neke hingo kunu laoi ia mamaafana doli ka ia nehuna, neke meha noni dolina ghu manei.

Tatanigaina 2:7 Iomraidhean Croise

1 Koriniti 15:45

Taghe ia ta kahei la ka ira Kakangava Ta Maduana, “Adamu ia va kenuna noni, neke meha kaike noni dolina”; Ia Adamu ta va leleghu mu Kraes. Manei mu kaike Tarunga ta va meha doli.

Ira Riva 17:25

God iahi lamu ia ta vanadi doli ira noni, nia ira keha vahina leghutau nga, e ghua. Manei e deo heve toka ta hagala ghinina ka maneri; manei to kurui vahina leghutau ta kabai ghidi nga manei.

1 Koriniti 15:47

Ia va kenuna noni mu neke riva ghini ka forokuna kava, ia va paluna noni mu Kraes neke sipana mehao ka malauo God fate.

Tatanigaina 3:19

Ka ia toraina riva gotogoto agho, ta age kuru gheu ghano mala mahaina agho, o vuhai ke leghu lao ghu agho ka ia kava ka noke vuhao agho. Vununa ka forokuna kava noke vuhana agho nia ka furongona kava take leghu laona agho.”

Tatanigaina 7:22

Vahina leghutau nga ka ia kava ta hio hihingo dike lemera.

Romu 9:20

?Nga hei mu agho ia ta suna noni ma, ta vari tuufuai taremehanana God? Ia leghutau neke riva ghinio, e deo ge boka notoho ghua ghu iahi ka ia noni neke riva ghinio leghutau ianimu, “?Neke heve ghe, noke riva ghua ghinagu nga iahi agho?” ta ghuana.

Tatanigaina 3:23

Va kaveri tuna ka ia nunumana Ideni neke ghua Iahova ia God neke va rivari ghu ka ia kava dike vuha mehao.

Hiburu 12:9

Kehanani mu ira noda mama ka malau iahi peka mu edi va lotoro ghita, da heluhelu ghidi ghu ghita. Geala e toraina veha fuludu ghu ta va malumina ghita noda Mama ka malaunao fate ta va lotoro ghitana ta hioina ghu ghita ia doli hohoghona.

2 Koriniti 5:1

Ira tinida ghita ka malau iahi peka mu taghe suga tapole edi ghua ma. Ka ia age huara ira suga tapole ka ghita, ghatu ghita da age kuru sugada ka malauo God fate, ia foforuna tini ta au toghunai neto ke vatana vanadao taghonai God, ta deo ge riva ghini ghu noni.

2 Koriniti 4:7

Ghai mu nake hioi ka God leghutau ta namanama iahi, ghe ghai mu taghe ira raro ta riva ghidi ka kava palaki a ghua ma. Iahi mu ne va podoli ghu ta nonana God ia mana leghaha, eka nomai ghu ghai.

Zone 20:22

Ianimu tuna ghe, neke hingo kunuri nga neke va kahe ghidi ghu, “!O hioi ia Tarunga Ta Maduana!

1 Timoti 2:13

Vununa God neke kusu va vuhaina Adamu, ghe neke va vuhai nga Ivi leghunana.

Tatanigaina 2:6

Nga ketuhu mo neke la futu kave mehana gilio ka ia kava neke va boesina ghu ia kamotona fatena kava.

Tatanigaina 1:27

God neke va vuha noni ghu ka ia totoghalena taghonai, ka ia totoghalena taghonai neke va vuharina manei, manei neke va vuha mane ghaseri.