Tatanigaina 16:3 - Ia Foforuna Naiungene

³ Leghuna au tazo komuhu Ebaramu ani Kenani, Sarai ia ghaseborona manei neke hioi Hegari ia tanina Izipi ia noni mala varituhu ka taghona neke vanani lao ghu Ebaramu mala taghe kaike keranau ta ghua harona.

Tatanigaina 16:3 Iomraidhean Croise

Tatanigaina 16:16

Ka ia dolina Isimaeli, Ebaramu neke to 86 komuhuna.

Tatanigaina 16:4

Epu taremehana tuna Hegari neke ghua Ebaramu neke pote ghu manei. Ne hadu kavei ghu ta potena taghonai, manei neke tatanigai age mato va hinaei Sarai ia ghasefaana.

Tatanigaina 16:5

Kahe ghua tuna iahi ka Ebaramu neke ghua Sarai, “Paluhau agho ghe ne deo nga Hegari ge va vonavonau ghu ara. Ara mu nake vananigho agena manei, ghe ghatunaina ka ta avohini ta potena taghonai, manei to deo ge va vonavonau ghu ara. Iahova ta age va podolina hei mo ne zeana ka ghita palu, agho, ba ara.”

Tatanigaina 21:21

Ka ia fafata auna manei Parani ka ia malau koroghana ta karango, nona uke neke hio vanani kaike ghaseborona ka ia malau Izipi.

Tatanigaina 25:6

Ghe ka ia fafata neke dolino nga Ebarahamu neke namaha vanadi leghutau ghu manei ira keha tuunamane ka ira keha fotati ghaseborona manei. Ianimu tuna ghe neke va ghahe laori nga manei tuunamane irahi ka kaike kavana fateo mo mala va au varihaurina ka Aesake.

Tatanigaina 28:9

Manei neke lao ghu ka Isimaeli ia tuunamane Ebarahamu neke la varihio ghu ka Mahalati ia tuunaghase Isimaeli. Mahalati mu neke kerana fotati Nebaioti.

Tatanigaina 30:4

Manei neke vanani lao ghu Biliha mala taghe kaike keranauna Zekopu, neke epu taremehana ghu manei.

Tatanigaina 30:9

Ne finini ghu Lea neke to nodona taghona nai rekahana, manei neke hioi Zilipa ia ghaseriva ka taghona neke vanani lao ghu Zekopu mala taghe kaike ghaseborona ta ghua ghinina.

Tatanigaina 32:22

Ka redu ianimu Zekopu neke baghunu vona neke hiori ghu ira palu ghaseborona, ira palu nona ghaseriva nia ira tazoi kaike tuunamane neke kadoli ghu ia Ketuhu Zaboko.

Tatanigaina 35:22

Ka ia auna Zekopu ka kava ianimu, Rubeni neke haghele la epu taremehana Biliha, kaikeu ka ira ghaseboro irogha nona mama, neke nomohi ghu Zekopu. Zekopu mu neke kurui tazoi palu tuunamane:

Galesia 4:25

Hegari mu e totoghalena ghu ia Vuhukuna Saenae aianihi ka ia Babarana Arabia, e totoghalena haroma ghu molamo Zerusalemu ia malau leghaha ghatunaina, nia ira noni ta au aianimu e ghua. Ne ghua nga iahi mu, vununa maneri di au taghe noni mala varituhu di ghua leghuina ia vetula.