Tatanigaina 13:8 - Ia Foforuna Naiungene

⁸ Ebaramu neke kahe ghua ghu iahi ka Loti, “Ghita mu kaike noni mo. Ghita palu, ba mane nira ka agho nia mane idi ka ara e ghua, geala daka vari magara ghu.

Tatanigaina 13:8 Iomraidhean Croise

Tatanigaina 13:9

Ghita da fota ghu. Faeti agho hae mo kobosona kava no kabai ghinina agho. Noto kabai ghini la agho mairi mo, ara a lao mautu mo, noto kabai ghini la agho mautu mo, ara a lao mairi mo, e ghua.”

Tatanigaina 14:14

Ne nomohi ghu Ebaramu dike sakomo hioina maneri Loti ia tuunamane ia tahinamane taghonai, manei neke kudo kaveri ira 318 manemagara dike au taremehanaro, dike bozo leghu laori ghu pelovona mo ira rodana mane ginitaukela dike vuhai la dufuri ghu ka ia malau leghaha ta va kudo ghini Dani.

Tatanigaina 45:24

Ianimu tuna ghe neke va ghaheri nga Zosepu ira tahinamane neke kahe ghua ghu iahi manei ka ia ghahedi, “!Oka varihahala ghu ka ghahe ta lao nia ghu ghau!” neke ghua ghidi.

Tatanigaina 46:34

o toraina va kahe ghini noke kopui tagukava popohina ghau ka ia kamotona dolimu taghe dike ghuaro ira faamu ta ghuana. Ka ghaghahena iahi ta age va malumu ghauna manei auna ka ia horina Goseni.’ Neke kahei nga iahi Zosepu mu vununa ira noni Izipi edi hakohako ghidi ghedi ira noni ta kopui sipisipi.”

Matiu 5:9

God e va beanari heiri ira ta riva ghini ia va bubule, maneri e age va kudo ghidi nona rekaha God.

Ira Riva 7:26

Ia keha ravata manei neke la finirini keha palu mane Isiraeli magaradira, neke la va sisiva buleri ghu, kahe ghuana iahi. ‘?Palu mane, ghau palu mu tanimu haroma Isiraeli, ne heve ghe no magara nga?’ neke la ghua ghidi.

Romu 12:10

O vari namahai ghemu taghe tatahina haro ta ghuana, nia o vari va vonavona ka ia va manemane.

Filipae 2:14

Ka ira leghu ta riva ghidi nga ghau, oka gumigumi ghu, ba vari tuufuai ghu.

1 Tesalonaeka 4:9

Eka mala ke kakangava ghini age ghu ara ka ghau mu, ghinina ia vari namahai ka ia kiloau ia ta mala va podoli vari hoataidi ira nona noni God. Vununa taghonai God to va kakahe ghini ghau ta vari namahaina.

Hiburu 12:14

O va sisiva ta auna ka bule taremehadi ira noni haroharo, nia ta au maduanana e ghua, vununa ira noni taka au maduana ghu mu, e deo gedi boka age finini ghu ia Lod.

Hiburu 13:1

O vari namahai ghemu tudu taghe tatahina noni kiloau, ta ghuana.

1 Pita 1:22

Ira tarungamu ta au sasakedi dike va mamalahuri ka ia hioi ghau ia hohoghonana ia Nonomoho Ta Veha. Leleghonana iahi mu, ghau no vari namahai taghe ira tatahina mane ghase no ghua. O toraina namaha ghidi ghu leghu noni nga vari hoataimu ghau ka ira hihingomu kamoto.

1 Pita 2:17

Ghau o va vonavonari ira leghu noni nga, namaha ghidi ira keha noni kiloau, heluhelu ghini God, nia va vonavonai ia mane ginitaukela, e ghua.

1 Pita 3:8

Va nonoghanana, ghau haroharo ta va hohoghona ka Kraes geala o kaike nganganamu ma foudu ghauna vari dudumanai, vari namahai taghe tatahina ta ghuana ka hihingo ta varisute.

1 Pita 4:8

Ta tongovona fuludu laonani mu, o toraina vari namahai ghemu tudu ma ka ira hihingomu kamoto, vununa namaha mu e toufu kaputuri tehi sasakeni.

2 Pita 1:7

o hio suteri ira noni ta va hohoghona ka Kraes, nia namaha ghidi ira noni haroharo, e ghua.

1 Zone 4:7

Ghau noni taremehaguro, ghita da toraina vari namahai, vununa namaha mu e sipa meha ka God. Hei ia noni ta namaha mu, e nona rekaha God, e avohi ghu God.