Tatanigaina 1:3 - Ia Foforuna Naiungene

³ Ianimu tuna ghe neke kahei nga God, “Na kabai ghini ta auna ia fegala.” Nia au tuna ia fegala, neke ghua.

Tatanigaina 1:3 Iomraidhean Croise

Tatanigaina 2:4

Iahi mu ia tuturina ia vuhana ia kolanga nia malau iahi peka. Ka ia fafata va vuhai God Iahova malau iahi peka nia ia kolanga,

Matiu 8:3

Zisas neke haghara lao neke posini ghu, “Ara na lao nanafagu mo. !Oke veha gheu!” neke ghua ghini. Selu laoi ma ianimu neto ke age mamalahu ghena ghu ia mane ka ia fogara lepa.

Zone 1:5

Ia fegala ne pelara ka giliona ia nagoromo, toraina deona ia nagoromo ge boka paufi ghu.

Zone 1:9

Ia toraina fegala ta hohoghona ta vanadi fegala ira leghu noni nga mu, neke la mala meha ka giliona malau iahi peka.

Zone 11:43

Leghuna kahe ghuana ianimu, manei neke kudo va fafaa vona, “!Lazarusi, o kave meha!”

Zone 3:19

Ia varifate mu e dedeke ka iahi. Ia fegala mu neto ke meha ka malau iahi peka, ghe ira noni di namaha ghini ia nagoromo mo, nga eka ghua ghu ia fegala, vununa ira riva ka maneri di muko.

2 Koriniti 4:6

Ka ia va vuhai malau iahi peka God, manei neke kahei, “Va pelara kavei ia fegala ka giliona ia nagoromo,” neke ghua. Nia ghatunaina God ne va rivai ia nona fegala ta mala pelara haghelena ka ira hihingoda ghita, e mala vanada ghu ia avoavohona ia pelarana varanga ka God ia ta finini ghita ka ia hihilina Zisas Kraes.

Efesasi 5:14

vununa ia fegala ne va podolo kaverira vahina leghutau nga. Ne ghua mamu ghe di kahe ghua nga keha nonira, “Agho ta epu, o baghunu, o avohori ghu ira sasakeu, taghe ia tetu leghu ka ia leme ta ghuana, o va malumi ghu God mala vananigho doli foforuna, ianimu tuna ghe ge age pelara nga ia fegala ka Kraes ka ia hihingou.”

Efesasi 5:8

Ka kaike fafata, ghau noke au ka giliona ia nagoromo, ghe vununa ghau noto meha nona noni ia Lod ghatunaina, noto au ghu ka ia fegala. O au taghe ira noni ta nona ia fegala, o ghua ghu.

1 Timoti 6:16

God lama mu ta doli fuludaina, e au ghu ka ia fegala ta deo hei noni ta boka namo laoina. E deo nga hei neke to finina, ba, ta boka finina. Nona manei ia heluhelu nia ia mana ta au toghunai. Amen.

1 Zone 1:5

Iahi mu ia Nonomoho nato ke nomohio ghai ka ia Tuuna God, na kahe kave vanamu age ghu ghau: God mu fegala, e deo nagoromo ghu ka giliona manei.

1 Zone 2:8

Nia geta dato ke kusu nomohi mo ghita ghe, manei mu taghe kaike foforuna ungene va gigima, e ghua. Vununa ia namaha ta vanada ghita Kraes mu, ne va podolo vanada ia hohoghonana hangana mala namahai noni. Nia ia namaha ta kuru ghau tuna ghau malamu vari taghomughi, ge va podoli molamo vetula iahi mu taghe kaike foforuna vetula ta ghuana, e ghua. Nia dato vari namahai la ghita, ira puhi ta nagoromo edito tatanigai ogoro nia ia puhina ta veha Kraes tuna ge podolo kave ghu taghe fegala ta ghuana ka giliodi ira dolida ghita, e ghua.