Tatanigaina 1:1 - Ia Foforuna Naiungene

¹ Ka ia tatanigaina, God neke va vuhai ia kolanga nia malau iahi peka nia ira vahina leghutau nga ka ira giliodi.

Tatanigaina 1:1 Iomraidhean Croise

Matiu 11:25

Ianimu tuna ghe neke tarai ghua nga iahi Zisas ka fafata ianimu: “Mama, agho ia Lod kakaputuna ia kolanga fate nia malau iahi peka, ara na kudo vehaigho agho vununa agho noke va podolo vanadi ira tare noni ghedi mo, ira leghutau noke va poika ghidiro ira noni ta auri vahina kokolodi avoavoho nga.

Maki 13:19

Vununa ravata iranimu mu, edi age vavahagaladi fafata, fuludu laorini ira keha fafata ka ia tatanigaina va vuhai God malau iahi peka ta dufu ghu ghatunaina. Kokolona vavahagala iahi mu, e deo kalasu kai ke age dufu leghunani ghatu.

Ira Riva 14:15

“?Ghatomane, heve ghe no riva ghini nga iahi ghau? !Ghai mu noni taghe ghau lama! Ghai mu na hio mehai ia Nonomoho Ta Veha, o mala taghuru kairi ghu ghau leghutau ta deo lighorodi irahi, o ke fihiki lao ghu ka ia God neke va vuhaio ia kolanga, ia kava, ia tahi nia ira leghutau haroharo ka ira giliodi, e ghua.

Ira Riva 17:24

“Ia God neke va vuhaio malau kamoto iahi peka nia ira vahina leghutau nga ka ia giliona e ghua mu, ia Lod na ia kava nia ia kolanga e ghua, eka au la ghu ka giliodi ira Ringifota ta Maduana ka God ta riva ghidi ira noni.

Ira Riva 4:24

Di nomohi ghu turi ianimu ira leghu noni ta va hohoghona nga, maneri dike tarai varighara kahe ghuana iahi: “Agho Lod, agho noke va vuhaio ia kolanga, ia kava, ia tahi nia ira vahina leghutau ta au nga ka ira giliodi.

Romu 11:36

Vununa vahina leghutau nga mu neke va vuhari God nia vahina leghutau nga mu edi au meha ka ia mana manei nia vahina leghutau nga mu e malana manei, e ghua. Vanani God ia varanga, ta au toghunai. Amen.

1 Koriniti 8:6

ghe ghita da avohi mo mu ta auna kaike God mo; ia Mama neke va vuhariro vahina leghutau nga, ia ta au vanani ghita; nia kaike Faghina mo mu ta auna. Manei mu Zisas Kraes ka neke va vuhariro God vahina leghutau nga nia ka manei neke vanadana God ia doli, e ghua.

Efesasi 3:9

God neke va vuhariro vahina leghutau nga, neke kabai ghinagu ta va podolo vanadina ara ira noni haroharo ia popoikana vatovato neke poikai ma neke mehao ghu manei ka ia tatanigainani.

Hiburu 1:10

Manei neke kahei molamo iahi ka ia Tuuna, “Agho Lod ka ia tatanigaina noke va vuhai ia pakaraina malau iahi peka. Nia noke va vuhai ka kameu nira taghou ia kolanga fate nia ira vahina leghutau nga ka ia giliona.

Hiburu 1:2

Nga ka va nonoghadi ravata irahi mu, manei neto va mehai ia Tuuna mala meha turina ka ghita. God neke faeti ia Tuuna ta mala hio kadolorira vahina leghutau nga nia manei neke riva taremehanana ia Tuuna va vuharira vahina leghutau nga ka kolangana fate nia ka malau iahi peka.

Hiburu 11:3

Ka ia noda va hohoghona lamu da va fafahakina ghita malau iahi peka mu neke vuha ka ia ungene va gigima God, ta ghuana. Heve ia ta finini ghu ghita mu neke riva ghini ka heve ia ta deo gada boka fini ghu ghita.

Hiburu 3:4

Vununa ira leghu suga nga mu, e au mo hei neke riva ghidira, nga vahina leghutau nga mu God neke riva ghidira.

2 Pita 3:5

Taghe ianimu edi ghua kabai velavela ghini ghauna, vununa maneri edi deo gedi kabai nganai ghu neke va vuhaio sepao laoni God kolanga ani fate nia malau iahi peka e ghua ka ia nona saoro. Manei neke va podolo vonai malau iahi peka ka ia kolo va kolo lilohina.

1 Zone 1:1

Ara na kakangava vanamu age ghau ghinina ia Saoro ta va meha doli ta hohoghona ka ghita. Zisas Kraes mu ia Saorona Doli. Manei neke to kusu au ghe neke va vuhai nga God malau iahi peka. Ghai nato ke nomohi nia ghai nato ke finini manei ka hibamai idi taghomai; uve, ghai nato ke finini nia nato ke posini manei ka kamemai idi haro.

Podolo Kave 10:6

Nia manei neke va bebereana lao ka ia babaolona ia ta au toghunai neke va vuhaio ia kolanga nia ira leghutau ka ia giliona, nia ia kava nia ira leghutau ka ia giliona, nia ia tahi nia ira leghutau ka ia giliona, e ghua. Neke kahe ghua ghu iahi, “E deo ke age mamahugenani God.

Podolo Kave 14:7

Manei neke kudo ghua iahi, “O heluhelu ghini God nia va varangi e ghua, vununa ia fafata mala varifate ka manei to dufu. O va totoana ghini manei neke va vuhario ira leghutau ka kolangana, malau iahi peka, ia tahi, nia ira leghu ketuhu futu nga, e ghua.”

Podolo Kave 21:6

Nia manei neke kahe ghua molamo iahi, “To hokoto. Ara mu ia Alofa nia ia Omega, ia Tatanigaina nia ia Va Nonoghana. Ka heiri ira ta parangoso, ara a age vanadi kakato ketuhu ka ia ketuhu ta futu meha ka ia ketuhuna doli!

Podolo Kave 22:13

Ara mu ia Alofa nia ia Omega, ia Kenuna nia ia Leghuna, ia Tatanigaina nia ia va Nonoghana.”

Podolo Kave 3:14

“O kangava laoi leta iahi ka ia engizelina ia suga tarai aianihi Leodisia. Iahi mu ia nonomoho sipana ka ia ta va kudo ghini Amen, ia ta va hohoghona nia ta turi kave hohoghona, nia ia tatanigaidi ira leghu neke va vuhariro nga God, e ghua.

Podolo Kave 4:11

“E fatau mo agho Lod nomai God, ta hio varangana, va vonavonana nia gigimana. Vununa agho noke va vuharira vahina leghutau nga dike vuha ghu ka ia nou lao nanafa, vanadina ia au nia doli.”