Taetusi 3:3 - Ia Foforuna Naiungene

³ Kaike fafata, ghita dake kingo molamo deona gada ke ungene nonomoho ghu ka God. Ghita dake va hohoghonari ira sesebo, dake riva ghidi tudu ghu ira vahina kokolodi leghutau ta muko nga to age paufu ghita ghu ira dake hagalai riva ghidiro, nia va ghazaghaza ghidiro riva ghidira, e ghua. Ira doli ka ghita dike foudui muko nia konokono e ghua. Ira noni dike kikipana ghini ghita nia ghita gada ke kikipana ghidi ghu maneri dake ghua.

Taetusi 3:3 Iomraidhean Croise

Tatanigaina 38:9

Ghe Onani neke deo ge lao hihingona ghu ta nai rekaha ta deona ge age tuuna ghu taghonai. Leleghu fafata epu varighara maneri palu ia ghaseboro nabokona ka ia tahinamane, manei e oranga kairi ka kavao ira kolona mala va vuha rekaha taghona. Iahi mu neke age va nodoi ia fotati ta boka nai rekaha vananina ia keranau neke lemeo.

Tatanigaina 39:16

Manei neke la sute taremehana ghu ia poko ka Zosepu neke vuhai sura ghu ia faghina ka manei.

Matiu 21:29

“Ghe manei neke kahe ghua iahi, ‘Ara e deo ga lao ghu,’ neke ghua ghini. Ghe leghunana manei neke holari ia nganganana neke lao ghu.

Luku 21:8

Zisas neke ungene tughuri, “O banabana, mala edika batu ghini ghau va zea la ghu hei noni. Vununa tehi nonini ta la mehara ghatu ka babaologu ini ara, ta meha kahe ghuana ghu iahi, ‘!Ara mu ia Mesaea’, nia ‘Ia fafata to dufu!’ edi meha ghua. Ghe oka va hohoghonari ghu.

Zone 8:34

“A va kahe ghini ghau ghu ia hohoghona, leghu noni ta riva ghidi nga ira ta muko mu, to paufuri ia sasake.

Romu 11:30

Sepao, ghau ira noni taka Ziu ghu noke huhughi God, ghe ghatunaina mu ghau noto hioi ia dudumana ka God, vununa ira noni Ziu dike huhughu.

Romu 6:12

Oka va malumi la ghu ia sasake ta paufurira tinimu nira, ta leghurira ghu ghau ira lao hihingo ta muko ka manei.

Romu 6:17

!Ghe kudo vehai God! Geta fani noni mala varituhu mo ghau ka sasake ghe, ghatunaina mu ghau noto ke toraina leghui ka hihingomu nira ia ghaghahena vari va kakahei nake vanamuo ghai.

Romu 6:22

Ghe ghatunaina manei neto va kalasa ghau ka sasake, noto ke meha noni mala varituhu vanani ghu God, nia ia veha ta hioi ghau mu ia ta va maduana ghau, leleghonana ghu mu, doli soduai.

Romu 6:6

Vununa ghita da avohi neke tupila ghinina ka ia hekefalahata taremehana manei ia a'auda sepa, mala va nodorira ira puhida ta muko, e deo ghu ia sasake age paufu ghita ma ta auna ghu,

2 Koriniti 12:20

Vununa ara na maughegu ta age fini ghauna ka ia mehagu, ta hazana ira dolimu nake nganai age finiriro ara ka ghau nia ta deona ghau go kabai finiau ghu ara ta age burua ghauna, e ghua. Ara na maughegu age finina ka vari hoataimu ghau ia vari giuruai, kakabai, tuma ngaziri, luluto, turi ghidi sebo ira keha noni, turituri noni, hadu varanga nia deo ge leghu puhi mala leghuri ghu, ia ta ghua.

Galesia 6:3

Hei noni neto nai va vonai la taghonai neto pake ghena ghu tokai nonina, manei mu ne seboi ma taghonai, vununa manei mu eka tongovonana noni ghu.

Kolosi 1:21

Kaike fafata ghau noke varihau ka God. Ghau noke huhai God, vununa ka ira nganganamu ta muko, nia ka ira riva ta muko noke riva ghidiro, e ghua.

Kolosi 3:7

Sepao, ghau noke fani au haro molamo ka ghaghahena doli iahi, ka ia fafata au leghu ghini ghau nga ia dolimu sepa.

2 Timoti 3:13

Nga ira noni ta muko nia sesebo e ghua mu, edi age muko laoni. Maneri edi sebori ma edi lao ghu ira keha noni nia age sebori haroma taghodi, edi ghua.

2 Timoti 3:6

Kehara ka maneri edi hagheleri ira sugadi ira noni, edi la batu ghidi va zea ghu ira fotati ta paeke ta tahuri ira muko ka maneri nia ta auri leghu kokolodi lao hihingo ta muko nga, e ghua.

Taetusi 1:16

Maneri edi kahei ta avohina God, ghe ira riva ka maneri mu edi muko, ne va podoli ghu ta deona maneri gedi avohi ghu God. Maneri mu edi mumukoana, huhughu nia e deo lighorodi ma mala riva ghidira ira leghutau ta veha, e ghua.

Taetusi 2:12

Vununa ka ia nona varisute, manei ne va kakahe ghini ghita ta nai kairira ira au dolida ta muko ta deo ge veha vanani ghu taghonai, nia ta nodona kuhanai ghidira ira leghutaudi ka malau iahi peka, e ghua. Ghita mu geala da au ghu ka malau iahi peka ka ia doli ta banabana, lotoro nia ka ira doli ta veha vanani God, e ghua.

Zemesi 1:26

Taghou mu noni kiloau noto ghua la agho, ghe deo tuna go boka vato ghini ghu lalameu nia, noto ghua la, agho mu no sunare va kingoigho mo taghou nia ia kiloau ka agho tuna ge deo lighorona ghu, e ghua.

1 Pita 1:14

O leghui God vununa ghau mu nona rekaha manei. Oka ke riufu leghu lao ghu riva ghidira ira nomu puhi sepa ta muko ta puina kuhana ghidi fuludu ghau; ka fafata iranimu, ghau e deo nga goke avohi ghu ia Nonomoho ta Veha ghinina Zisas Kraes.

Podolo Kave 12:9

Leghahai daragoni iahi mu ia adoghona sepao ta va kudo ghini ia Faghinadi ira nazahi ba Satana, neke seborio ira noni ka malau kamoto iahi peka, dike kai hinaeio ghu ka malau iahi peka taremehadi ira nona engizeli.

Podolo Kave 13:14

Nia ka ira leghu hahaima neke malumuo nga manei riva vananina ia va vuha ta mamaghuana ta kenu, manei neke sebori ira noni haroharo ta nona malau iahi peka. Manei neke kahe ghidi va gigima ira noni ta mala riva ghinina kaike nguzunguzuna ia kusu va vuha ta mamaghuana neke nona leme ghinio ia bakorana, ghe neke doli leghuno mo manei.

Podolo Kave 18:2

Manei neke kaini kaike leghahai kudo kahe ghuana iahi: “!Babiloni neto riufu! !Ia leghahai malau ta Varanga neto riufu! Manei to meha malau mala audi ira nazahi, nia malau mala poikadi ira tarunga ta muko, malau mala poikadi ira memeha ta muko, nia mala poikadi ira leghu va vuha ta mumukoana nia sota e ghua.