Taetusi 3:2 - Ia Foforuna Naiungene

² Maneri edika ungene va mukoi ghu ia keha noni nia edika vari hahala ghu e ghua. Nga maneri geala edi au ka ia bule, edi au unuhu hohoghona ghu taremehadira ira leghu noni nga.

Taetusi 3:2 Iomraidhean Croise

Matiu 11:29

O hioau ara taghe mala babatu ghini ghauna, o hio avoavoho ghu ka ara, vununa ara mu a unuhu nia bule, mala leleghonana o age hadu dufui ghu ia maghoso.

Ira Riva 23:5

“Ghau tahigumanedi Isiraeli, ara e deo gake avohi ghu, manei mu ia hiama pauna, ta ghuana,” neke ghua ungene tughurina Polo. “Gake avohi la ara ianimu, geala ara toraina deo gake kahe ghua ghu ianimu, vununa ta kaheina ka ira Kakangava Ta Maduana mu, ‘Agho oka ungene va mukoi ghu hei ia ta kopu ghidi ira noni ka agho,’ e ghua.”

1 Koriniti 6:10

e deo hei ka ira ta sisiko, e deo hei ka ira ta kabakabai leghutau, e deo hei ka ira ta ketuhu gogosu, e deo hei ka ira ta ungene va mukori ira keha noni, e deo hei ka ira ta seke ghidi ira keha noni mala hio tadira ira nodi leghutau, ta age hio kadolina ia Ravutu God.

1 Koriniti 9:19

Vununa ara na deo ga hioi ghu ia tabaragu e deo ghu hei ka malau iahi peka ta faghina kaputu auna, taghe nona mane mala varituhu ta ghua ghinaguna. Ghe ara nato ke meha kaike mane mala varituhu ka ira noni haroharo mala hio haghele meharira ka Kraes tehi noni.

2 Koriniti 10:1

Kehara ka ghau no kaheina mu, “Polo mu eka ngengene va gigima ghu neto au taremehamai la ghai, nga neto au meha la varihau mu manei e toraina ngengene va gigima,” no ghua. E deo ge ghua ghu ianimu. Taghonai Zisas na neke varisutena nia vari amotona.

2 Koriniti 12:20

Vununa ara na maughegu ta age fini ghauna ka ia mehagu, ta hazana ira dolimu nake nganai age finiriro ara ka ghau nia ta deona ghau go kabai finiau ghu ara ta age burua ghauna, e ghua. Ara na maughegu age finina ka vari hoataimu ghau ia vari giuruai, kakabai, tuma ngaziri, luluto, turi ghidi sebo ira keha noni, turituri noni, hadu varanga nia deo ge leghu puhi mala leghuri ghu, ia ta ghua.

Galesia 5:22

Nga fuanana ia Tarunga Ta Maduana mu irahi: namaha, va ghazaghaza, bule, au afa, varisute, veha, au ka ia hohoghona,

Galesia 6:1

Ghau tahiguro ka Kraes, kaike noni ta va hohoghona neto riufu la ka ia sasake, ghau ira ta gigima ka ia nomu va hohoghona ka Kraes, geala o tokeni o toka ghini ghu noni ianimu mala ke leghuna manei ka ia doli ta lotoro. Ghe o balau ghini ghau taghomu e ghua, ghatu o ke riva ghini haroma taghomughi kokolona sasake ianimu.

Galesia 6:10

Leleghu fafata kuru ghita ia fafata vehana, ghita geala da toka rivai vehana ka leghu noni nga, sughavona ghu ka ia toka ghidi ira tahida noni ta va hohoghona ka Zisas.

Efesasi 4:2

O au unuhu nia bule, e ghua. O au afa vanemoho ma, vari va fafahakarira ira nomu va zezea, vununa ka ia nomu namaha.

Efesasi 4:31

Nai kairi agho ira vahina ta minga vananigho nga, ira vari kanai, ira haala, ira rarautu, ira turi ghidi va muko ira keha noni nia ira leghu kokolodi vari kikipanai nia vari ngaziriai nga, e ghua.

Filipae 4:5

Va fini ghidi heiri haroharo ta bulena nia vari susutena ghau. Ia Lod to namo meha.

1 Tesalonaeka 2:7

Vununa ghai mu nona mane nonomoho Kraes, a au ghu ka ia papala fateni, geala a boka mo ghu ta fanga ghauna ka heve ta kabai ghinina, ghe ghai nake au unuhu taremehamu taghe ta ghua niala kaike uke, ta hio suteri ira nona rekaha nake ghua ghini ghau.

1 Timoti 3:11

Taghe iala edi ghua molamo ira ghaseborodi, edi au va lotoro ghu, nia edika turi va mukori ghu ira keha noni, e ghua, mala ira noni edi heluhelu ghidi haro ghu. Maneri edi toraina au banabana ghidi taghodi nia edi toraina hohoghodi ka ira vahina leghutau ta riva ghidi nga, e ghua.

1 Timoti 3:3

Manei e toraina deo ge suri ketuhu gogosu ghu, nia eka tuma ngaziri ghu e ghua, nga geala e au namaha ma, bule ma, nia eka hagalai rongo ghu, e ghua.

Zemesi 3:17

Nga ira noni ta auri ia ngangana ta veha neke vari va kakahe ghinio God mu, edi toraina kalasa; kabai au tudu ka ia bule taremehadi ira keha noni; edi unuhu, ungene nonomoho, vari dudumanai nia riva va veha tudu; edika toka kaike pelo ghu ka ira noni nia edika tatangana kobiri ghu, e ghua.

Zemesi 4:11

Ghau taremehaguro, oka vari ungene va muko ghu. Noto ngovali, ba, fatei la ghau ia keha taremehamu noni kiloau, ghau mu no ngovali nia fatei ma ia Vetula. Ghau mu eka mane varifate ghu go boka kahei ghu ne lotoro ba ne zea ia vetula ta ghuana. Nga rivana ka ghau mu mala leghui ma.

1 Pita 2:1

O va kalasa ghau taghomu ka ira vahina muko nga. Oka sesebo ghu, tatangana kobiri ghu, kakabai ghu, ba turi ghidi va muko ghu ira keha noni, e ghua.

1 Pita 3:10

Ne kahei ghu iahi ka ira Samu, “Hei ia ta kabai ghini ia doli ta au va manemane nia ira ravata ta veha, manei e toraina posi va gimai ia lalamena ka ira ngengene ta muko nia e toraina posi kaputuri ira pepeuna ka ia turi sebo, e ghua.

1 Pita 3:8

Va nonoghanana, ghau haroharo ta va hohoghona ka Kraes geala o kaike nganganamu ma foudu ghauna vari dudumanai, vari namahai taghe tatahina ta ghuana ka hihingo ta varisute.

1 Pita 4:4

Ghe ghatunaina mu ira noni taka va hohoghona ghu, di ungene va muko ghau, vununa di puina nodi fere ta deo nia goke la holara taremehadi ghu ka ira leghutau ta muko ta riva ghidi maneri.

2 Pita 2:10

Iahi mu e hohoghona sughavona ghu ka ira ta leghuri ira dolidi ta muko, ghahe leghuina ia hanganana nonoro nia edi mumukori ia mana mala kopu ka ia Lod, e ghua. Noni ta sebo ghau irahi ka ira nodi vari va kakahei ghinina Kraes mu, edi va varavaranga edika tuu la ghu, nia edika nanazara ghu maughedira ka ia kahe va mukomukori ira varanga ka ia Lod, e ghua.

Zudi 1:10

Ghe ira noni ta vari va kakahei sesebo, edi mala vela nodi nia kahe va mukori edi ghua ira leghutau ta deo gedi avoho va fafahakari ghu maneri. Noni iranimu ghu mu, taghe ira va vuha, taghe pusiri meusuri ira taka va fafahaka ghu ghidira ira leghutau, edi ghua. Vununa maneri di suna riva ghidi ma ira leghutau ta kuhana ghidi ira tinidi, e age ngovala va mukori ghu ghatu God.

Zudi 1:8

E ghua molamo ianimu ka ira noni ta vari va kakahei ta sesebo ta au ka vari hoataimu ghau. Noni irahi mu edi kahe va gigimai ta kururi manana ka ira nodi epu baghunai ta mala kikirasena. Maneri edi sokei ghu ia mana mala kopu ka God nia maneri edi ungene va mukori molamo ira engizeli ta muko nia ta veha, ta kururi mana, e ghua.