Taetusi 3:1 - Ia Foforuna Naiungene

¹ Taetusi, va ngana ghidi leghu tudu ira noni ta mala va vonavonarira ira ta babatu ka ia gaumani nia ka ira malau teri, e ghua. Maneri geala edi nomohori nia va tana tudu riva ghinina heve ia ta veha ka ira leghu ghaghahedi nga.

Taetusi 3:1 Iomraidhean Croise

Matiu 22:21

“Sisa,” dike ghua. “Neto ghua la ianimu, vanani lao Sisa nonara manei nia vanani tuna God nonara God, e ghua.”

1 Koriniti 15:58

Ghau taremehagu noni ta va hohoghona, o tetu va gima. Oka va malumi ghu kaike leghutau ghu ta rizu ghauna. O riva va gigima tudu ma riva vananina ia Lod, vununa ghau no avohi mo ta kuru lighorodira ira riva ka ghau malana ia Lod.

Efesasi 2:10

God neto ke nai ghua ghini ghitana iahi, ne va foforuri ghu ira dolida, vununa ghita da au parekete taremehana Kraes, mala da riva ghidi ghu ghita ira riva ta veha, neke va tana vanada mehao manei sepaoni mala riva ghidira ghita.

Filipae 1:11

Ira doli ka ghau mu, e age foudu ka ira fuadi ira riva ta lotoro, ia ta boka meha ma ka Zisas Kraes lama, malana ia varanga nia helahela ka God.

Kolosi 1:10

E ghua ianimu ghe, go boka age au leghui nga tuna taghe ia ta kabai ghini ia Lod, age riva ghidi tudura ira ta veha vanani manei. Ira doli ka ghau edi age fua ghidi ira leghu kokolodi riva ta veha nga, nia ianimu tuna ghe ge toka ghini ghau nga God mala avoho va veha laoinani taghonai.

1 Timoti 2:2

Taghe iahi o ghua, tarai toka ghidira ira mane ginitaukela nia heiri haroharo ira ta auri mana e ghua, mala da boka au ghu ka ia doli ta au vanemoho ka ia bule, heluhelu ghinina God nia va vonavonarira ira keha noni, e ghua.

1 Timoti 4:6

Noto va fafahaka vanadi la agho leghutau irahi ira tahida, agho mu o age nona noniriva ta veha Kraes Zisas. Agho o age va podoli ghu noke faa vonana agho, ka ira vari va kakaheina ia noda va hohoghona nia ka ia leghuri ta au ghu agho ira ghaghahedi ta veha, e ghua.

1 Timoti 5:10

Ira leghu noni nga edi toraina heluhelu ghini, vununa ghidi ira leghu kokolodi veha neke riva ghidiro nga manei, taghe pausu va vehari ira nona rekaha, hio suteri ghedi ira keha noni haza, riva vanadi ira nona noni God ka ia unuhu ka ira tehi ghaghahedini, toka ghidi ira ta kururi mamarutana nia va tana tudu riva ghidira vahina leghutau ta veha nga, ia ta ghua.

2 Timoti 1:6

Ianimu la ghe na va ngana ghinigho leghu nga ara, ta tehu va burungina ia kaikadolo ka ia tarunga neke vananighono God, ka ia fafata va fara ageri ara kamegu idi ka pau nia.

2 Timoti 2:14

O va ngana ghidi leghu tudu ira noni haroharo ghidi leghutau irahi, nia o kahe ghidi va gigima ka ia babaolona God taka vari tuufuai ghidira ghu ira ngengene. Vari tuufuai ta ghuara irahi mu e deo lighorodi ma, nia edi boka ngovalari mo heiri ira ta nonomoho, e ghua.

2 Timoti 2:21

Noto sute va mamalahuigho la taghou ka ira leghutau ta muko, agho lamu disi ta boka mala rivana God ka ira nona riva ta tongovodi. Ia doli ka agho e age mamalahu nia maduana e ghua, va tana riva vananina ia Faghina ka ira leghu riva ta veha nga.

Taetusi 1:16

Maneri edi kahei ta avohina God, ghe ira riva ka maneri mu edi muko, ne va podoli ghu ta deona maneri gedi avohi ghu God. Maneri mu edi mumukoana, huhughu nia e deo lighorodi ma mala riva ghidira ira leghutau ta veha, e ghua.

Taetusi 2:14

Manei neke va malumi taghona ta mala leme vanadana ta hio va doli ghitana ghu ka ira leghu muko nga, nia ta mala va kalasa ghitana e ghua. Manei neke riva ghini iahi mala meha va nona noni ghitana taghonai, ta torai kuhana ghini hohoghonana ghu ia riva ta lotoro.

Taetusi 3:14

Agho o va kakahe ghidi ma au ghu ira ta va hohoghona ka ia ghizuna Kiriti ta va hoto laorira ira nganganadi ka ia riva ghidi ira riva ta veha maladi ira noni ta deori leghutau taghe ghanori nia pokori e ghua, leleghu ravata. Maneri geala edika au ghu ka ira doli ta deo lighorodi.

Taetusi 3:8

Leghutau to va kahe ghinigho irahi ara mu, edi hohoghodi haroharo. Ara na kabai ghinigho ghu ta kahe va gigimari tudura, mala maneri ira ta va hohoghona ka God edi banabana ghu mala riva ghidira ira riva ta veha vanadira ira keha noni leleghu fafata. Leghutau irahi mu edi veha nia e kuru lighorodi ka ira noni haroharo.

2 Pita 1:12

Geta to kusu avohori mo ghu ghau leghutau irahi, kusu tetu va naduna ka ia hohoghona ghe, ara a age va ngana ghini ghau leghu tudu ma leghu irahi nga.

Zudi 1:5

Geta to avohori mo ghau leghu irahi nga ghe, ara na kabai ke va kahe ghini ghau leghuni neke hio va dolirio ia Lod ira nona noni Ziu ka ia hio kaveri aianihi Izipi. Ghe leghunana, manei neke age atunguri soni mo ira noni dike deoro gedi va hohoghona ghu ka manei.