Taetusi 2:2 - Ia Foforuna Naiungene

² O va kakahe ghidi ira mane ta sepa lao edi paufuri ghu ira lao hihingo ka ira tinidi, ta mala fatana ghu maneri va vonavonarira, nia ta auna ka avoavoho, e ghua. Maneri edi toraina auri ia va hohoghona ta gigima, nia edi namaha ghidi ira keha noni, e ghua. Maneri edi au va nadu tudu ma ka ia nodi va hohoghona geta dufuri ghu ghe ira vavahagala nia mamarutana.

Taetusi 2:2 Iomraidhean Croise

Maki 5:15

Ira noni dike magali ma dike meha varighara lilohi ghu Zisas, dike fini laoi ghu ia mane neke sukuio ira nazahi. Manei neke nohe aianimu poko nona va veveha nia toke toraina lotorona ira nganganana e ghua, dike maughedi fuludu ghu maneri haroharo.

Luku 8:35

Magali ma dike to meha vari bubu ghini ghu Zisas ira tehi noni, vununa dike toraina kabai fini hibadi heve neke dufuno. Di la finini tuna dike ghua ia mane neke sukuio ira nazahi, nohe vanemoho ta auna ghu ka ira ghahena Zisas, poko nona va vevehana, nia to ke avoavohona, e ghua. Ia varigharana noni kamoto dike age maughedi.

Ira Riva 24:25

Ghe Filikisi neke age maughena ka ia tuturi Polo ghinina ia au va lotoro nia ia au banabana ka ira noni nia ghinina ia fafata ta age fateri God ira leghu noni nga e ghua, neke kahe ghua ghu iahi, “!O nodo, to fata! Oto boka ke ghahe mo agho. To age au la ghatu keha fafata ta veha, ghe gake kudo leghuigho nga ara.”

Romu 12:3

Vununa ka ia nona varisute God ta vanagu kakato manei, a kahei ghu ara ka ghau haroharo: Oka va ngana ghinigho ghu taghou ta veha fuludu laoina ia papala ta toraina aui agho, nga o hohoghou ka ia va fafahakigho taghou, leghuina ia tahuna nou va hohoghona neke vananighono God.

1 Koriniti 15:34

O leghu meha ka ira nganganamu ta lotoro, o nodo ghu ka ira puhimu ta sasake. Vununa kehara ka ghau mu e deo go avohi ghu God. Ara na kahei iahi mala va haghava ghauna.

1 Koriniti 9:25

Leghu ta varighohi nga ka ira hilava mu, edi toraina leghuri ira puhi mala leghuri ka ia sikolui hilava va veha, e mala fata ghu ka varighohi ira tinidi. Maneri edi riva ghini ianimu mala hioina ia tabara ta age nogha, nga ghita mu da riva ghini mala hioina ia tabara ta age au toghunai.

2 Koriniti 5:13

Ghai na gogosu, dito ngana ghua ghini ghai la maneri, ia riva va gigima ka ghai vanani God ne ghua ghini ghaina ianimu. Nga nato au ghai ngangana ta veha la ghai, ianimu vununa ghai na riva va gigima mala toka ghini ghauna ghau.

Galesia 5:23

va totokei, nia banabana ghinigho taghou. E deo vetula ta va zeaina ghau noto riva ghidi la leghutau irahi.

Filipae 4:8

Va nonoghanana, ghau tahiguro ka Kraes, va fouduri ira nganganamu ka ira leghutau ta veha ta boka mala helahela ghidi, ira leghutau ta hohoghodi, heheluana, lotoro, kalasa, namanama, nia ngangaguana, e ghua.

1 Tesalonaeka 5:6

O va tana ghu, oka fatadi la ghu ira ta epu melukai. O baghunu ghu auna ka ia avoavoho.

1 Tesalonaeka 5:8

Ghe ghita ira ta au ka ia fegala, da au ka ia ngangana ta kalasa. Taghe ira mane magara ta va tanai magara, da ghua molamo da toraina va tana ghu. Ira mane magara mu edi fani va vona poko mala magara, mala bara kaputurira ira tinidi. Geala da ghua molamo ianimu, da va tana ghu ka ia noda va hohoghona ka Zisas nia ka ia noda vari namahai, e ghua. Nia taghe ia mane magara ta barai la ia pauna ka ia tarapae magara da ghua molamo, geala da bara kaputuri ghu ira nganganada ka ia rangerangei Kraes, ta toraina hio va doli ghitana.

1 Timoti 1:10

e maladi ira ta kikirase nia e maladi ira ta babaere vari mamanei nia vari ghaghasei, e maladi ira ta siko noni ta tatabara ghidi ghu, e maladi ira ta sesebo nia ira ta va bebereana sesebo ka giliona ia koti, nia e maladi heiri ira ta riva ghidi ira leghutau taka leghuri ghu ira vari va kakahei ta lotoro

1 Timoti 1:14

Ia nona varisute ia noda Lod ta vanada kakato, neke va losa kakai vanagu meha taremehana ia va hohoghona nia ia namaha ka Kraes Zisas, e ghua.

1 Timoti 1:2

Vananigho ghu agho Timoti ia torai tuugu mane ka ia va hohoghona. Na tarai fangai ghu ara God ia noda Mama nia Kraes Zisas ia noda Lod e ghua, edi vananigho ghu ia varisute, dudumana nia bule, e ghua.

1 Timoti 1:5

Torai fafahakanana nakai ungene va gigima iahi ka ara mu, mala ira leghu noni kiloau nga aiamuhu, edi fouduri ghu ia namaha ta sipa ka ia hihingo ta fegala, ngangana ta kalasa nia ka ia toraina va hohoghona ka God, e ghua.

1 Timoti 3:11

Taghe iala edi ghua molamo ira ghaseborodi, edi au va lotoro ghu, nia edika turi va mukori ghu ira keha noni, e ghua, mala ira noni edi heluhelu ghidi haro ghu. Maneri edi toraina au banabana ghidi taghodi nia edi toraina hohoghodi ka ira vahina leghutau ta riva ghidi nga, e ghua.

1 Timoti 3:2

Ianimu lamu ghe, ia mane babatu ka ia kiloau mu e toraina veha puhina, mala e deo ghu hei ta boka ngengene va mukoina manei ka ira puhina, ne ghua nga. Manei e toraina kaike ghaseborona ma nia e hohoghona ka keranau, e ghua. Manei e toraina au banabana, kurui ngangana, nia veha tuturina, e ghua. Manei e hio suteri ghedi ira keha noni nia manei e boka vari va kakahei haroma, e ghua.

1 Timoti 3:4

Manei e toraina kopu ghini va veha ia fototatamana ka taghonai nia e finiri ira tuuna ta ungene nonomohona ka taghonai ka ia va vonavona ta totonu.

1 Timoti 3:8

Ira nenemadi noni mala toka ka ia kiloau mu, taghe ira ta babatu la, edi ghua molamo edi veha ghu ka ira dolidi, mala ira noni edi heluhelu ghidi ghu. Maneri edika turi lao meha ghu, edika ketuhu fuludu ghu gedi age gogosu ghu, ba, edika lulutoi rongo ghu, e ghua.

1 Timoti 5:1

Oka puina rarautu ghini ghu hei ia ta mamanekusu, nga o va kahe ghini ma ka ia ghaghahena ta namanama heluhelu ghinina, taghe nou mama ta ghua ghinina. Taghe tahiu mane taghoughi o ghua ghidi ira mane foforu.

Taetusi 1:13

Iahi mu e torai tuturi hohoghonana ghu. Ka va fafahaka iahi lamu ta toraina kahe ghidi va gigimana agho ira noni ta va hohoghonai ia vari va kakahei ta sesebo tadi zeana maneri, edi age leghuri ghu maneri ira vari va kakahei ta hohoghodi ghinina Zisas Kraes.

Taetusi 1:8

Nga manei mu e toraina hio suteri ghedi ira noni ta hio hagheleri ka ia sugana nia e toraina va manemane riva ghidira heve ira ta veha, e ghua. Manei e toraina hadu ngangana ghe ge riva nga, au va lotoro, au ka ia doli ta veha vanani God nia paufuri ira lao hihingo ka ia tini, e ghua.

Taetusi 2:7

Ka ira vahina leghutau nga, agho taghou o riva ghidi ira leghutau ta veha taghe mala fini kadolona ka maneri. Agho o vari va kakahei ka ia ghaghahena ta hohoghona nia ta heheluana e ghua.

Filimoni 1:9

Ghe vununa ka ia vari namahai ghita palu, na suna fangaigho ma ghu ara ia nou mane baere Polo, ia manekusu ta au ka pipiliga vanani Kraes Zisas ghatunaina.

1 Pita 1:13

O ngangana va veveha nia banabana ghini ghau taghomughi, e ghua. O nai laori ira leghu nomu rangerange nga ka ira leghutau ta veha ta age vanamu ghatu God ka ia nona varisute. Manei e age vanamu ghau leghutau iranimu ka ia fafata podolona Zisas ka ia leghu mehana.

1 Pita 4:7

Malau iahi peka mu, to namo meha ka ia va nonoghana. Ianimu la ghe, go toraina ngangana va veveha nga, nia banabana ghini ghau taghomughi go ghua haro nga, o mala age boka tarai va veha ghu.

1 Pita 5:8

!O banabana! O mato va veha ghau ghu taghomu. Ia kana ka ghau, Satana mu, taghe kaike laioni ta urungu va fafaa lao meha e ghua, zorapina hei ta boka toraina va muko kainina.

2 Pita 1:6

paufuri ira ta riva ghidi nia ta kaheri ghau, tetu va gima ka ia dufu ghau ira mamarutana, au ka ia ghaghahena ta veha vanani God,