Taetusi 1:9 - Ia Foforuna Naiungene

⁹ Manei e toraina posi va gima ka ia nonomoho ta hohoghona neke va kakahe ghinio. Ka ghaghahena ianimu ghe, ge boka va gigimari nga manei ira keha noni ka ia vari va kakahei ta hohoghona, e mala age podolo ghu ia zea ka heiri ira ta huhai nonomoho iahi.

Taetusi 1:9 Iomraidhean Croise

Ira Riva 18:28

Ka ira nona vari tuufuai ta toraina gigima ka kenudi ira noni, manei neke paufuri ira Ziu, va fini ghidira ka ira Kakangava Ta Maduana ghinina Zisas lamu ghu mu ia Mesaea, ta ghuana.

1 Koriniti 14:24

Nga dito haghele lao la ira ta deo gedi va hohoghona ghu, ba ira keha taka va fafahaka va vehari ghu ira vari va kakahei ka ia kiloau ka ia fafata tuturi ghidi kave ghau ira nonomoho ta hiori ka God, maneri edi age hio va hohoghona ghatu ka ira leghu tadi nomohori nga edi ngana avohi ghu ta kuru sasakedira taghodi ta fatana ghu hioina ia va kilasa, vununa ka ira leghu noke kahe kaveriro nga ghau.

1 Tesalonaeka 5:21

nga o fini avohori, ne meha ka Tarunga Ta Maduana, ba deo, ta ghuana, ira leghu nonomoho ta kaheri nga ira noni, ne va podolo vanadi ia Tarunga Ta Maduana, ira ta ghua. Posi va gima ka ira leghutau ta veha.

2 Tesalonaeka 2:15

Ka ngangana irahi, ghau tahimairo, o tetu va gima ghu, posi va gima tuduna ka ira vahina leghutau nga, nake va kakahe ghini ghauro ka ia fafata dufu ghau, nia ka ia kusu nomai leta, e ghua.

1 Timoti 1:10

e maladi ira ta kikirase nia e maladi ira ta babaere vari mamanei nia vari ghaghasei, e maladi ira ta siko noni ta tatabara ghidi ghu, e maladi ira ta sesebo nia ira ta va bebereana sesebo ka giliona ia koti, nia e maladi heiri ira ta riva ghidi ira leghutau taka leghuri ghu ira vari va kakahei ta lotoro

1 Timoti 1:15

Ngengene iahi mu e hohoghona, geala ghita haroharo da va hohoghonai ghu: Kraes Zisas neke meha ka malau iahi peka mala hio va dolirira ira ta kururi muko. Ara lamu nake toraina muko fuludu laona ghu ka maneri haroharo.

1 Timoti 1:19

O posi va gima ghu ka ia nou va hohoghona ka Kraes, nia ta riva ghidi tudura ira ta lotoro ta avohori agho e ghua, ta mala auigho tuduna ghu ia ngangana ta kalasa. Keha nonira dike deo gedi va ghunaghuna ghu riva ghidira ira leghutau ta lotoro ta avohori maneri, dito ke age ngovalari ghu ira nodi va hohoghona, taghe ta ghua nia ia vaka ta nohe ta muko ghu.

1 Timoti 4:9

Iahi mu e hohoghona, geala ghita haroharo da kabai ghini ghu.

1 Timoti 6:3

Keha ta sesebora ka ira ta vari va kakahei, haeba edi va sesebori leghu irahi nga, ghe irahi mu ira torai vevehadi nia namanamadi ungene babatu ka ia Lod Zisas Kraes e ghua, ia torai vununa ia doli ta veha vanani God.

2 Timoti 1:13

O posi va gima ka ia ghaghahena vari va kakahei ta lotoro noke avohoriro agho ka ara. Nia o ke nganai haroma ta auna ka ia va hohoghona nia namaha ta auigho agho ka Kraes Zisas, e ghua.

2 Timoti 2:2

Agho noto ke nomohoau mo vari va kakahe ghidira ara tehi leghutauni ka kenudi ira tehi noni. O vari va kakahe ghidi leghutau hohoghodi leghaha irahi ka ira noni ta rangerangeri ghita, ta boka ke va kadolo laori maneri ka ira keha noni.

2 Timoti 2:25

Maneri geala edi areha ghidi va kakahe ghidira ira noni ta gorai ia hohoghona. Haeba God e age va malumuri mo ghatu ta taghuru kairira ira sasakedi edi va hohoghonai ghu ia hohoghona.

2 Timoti 3:14

Ghe agho mu, o au hohoghou tudu ma ka ira leghutau dike va kakahe ghinighoro maneri. Avohi mo agho mu ta hohoghodira leghutau iranimu, vununa agho no avohori nia rangeri e ghua, heiri dike va kakahe ghinighoro.

2 Timoti 4:3

Vununa ia fafata e la meha ta age pake ghediro ghatu va melongona ira noni ka ira vari va kakahei ta hohoghona. Maneri edi age leghuri ma ghatu ira nodi lao hihingo taghodi, edi age haduri ghu ira noni ta vari va kakahei ta va kahe ghidira leghu ta kabai nomohori nga taghodi lama.

Taetusi 1:11

Agho o toraina va nodori noni ta vari va kakahei sesebo irahi ta va kakahe ghidira ira ta va hohoghona, vununa maneri di vari va kakahe ghidi ira leghutau taka mala vari va kakahe ghidi ghu. Maneri di age va ghonari ira kamotodi fototatamana ta va hohoghonana ka vari va kakahei iranimu di age taghuru kairi ghu ira vari va kakahei ta hohoghodi ghini Zisas Kraes. Noni ta vari va kakahei sesebo irahi mu, edi suna kabai hio rongo ma ka ira noni.

Taetusi 2:1

Nga agho Taetusi mu, o toraina va kakahe ghidi tudu ma ira ta va hohoghona mala leghuina ia hangana ta fata ka heiri ira ta va hohoghonari ira vari va kakahei ta hohoghodi ka God.

Zudi 1:3

Vanamu ghau ira nogu baere ta namaha ghini ghau ara. Sepao ara nake to puina hagala ghini ta kakangava vanamu age ghinina ia hio va doli neke to vanadao God ghita haroharo. Ghe ghatunaina mu ara na puina hivoroau ta torai mala kakangava vanamu ghinina keha leghutauna mo. Ara na kabai va gigima ghau ghu ta tetu va gima kaputurira, ira ta kabai va sisiva holari ia vari va kakahei ta hohoghodi. God neke vanada ghita ira nona noni, vari va kakahei iahi malana leleghu fafata, deona ghe ge holara ghu manei.

Podolo Kave 2:25

Nga o posi va gima ma o au ghu ka ia nomu va hohoghona a vuhai ke la meha ghu ara.

Podolo Kave 3:11

Ara mu e deo sepana a meha ghu. O posini ma au ghu ia nomu va hohoghona, e deo ghu hei ta hio tamuna tabaramu nira.

Podolo Kave 3:3

O ngana laoi ghu ia vari va kakahei noke hioio nia nomohio ghau. O posi va gima o fihiki leghu meha ghu ka ara taghuru kairira ira sasakemu. Noto deo la ghau go baghunu ghu, ara a la meha taghe kaike mane ta sisiko a ghua deona go avohoau ghu ghau ka fafata heve ta la mehana ara.