Taetusi 1:8 - Ia Foforuna Naiungene

⁸ Nga manei mu e toraina hio suteri ghedi ira noni ta hio hagheleri ka ia sugana nia e toraina va manemane riva ghidira heve ira ta veha, e ghua. Manei e toraina hadu ngangana ghe ge riva nga, au va lotoro, au ka ia doli ta veha vanani God nia paufuri ira lao hihingo ka ia tini, e ghua.

Taetusi 1:8 Iomraidhean Croise

Luku 2:25

Ka fafata ianimu, kaike mane, Simoni e ghua ghini babaolonana, neke au haro aianihi Zerusalemu. Mane Simoni iahi mu kaike mane ta lotoro ka ia nahalina God nia e toraina heluhelu ghini nia nomohi God, e ghua. Manei neke foudi ia Tarunga Ta Maduana, neke toraina au afa ghini ghu ia Mesaea ta ke meha hio va dolinina Isiraeli.

Ira Riva 24:25

Ghe Filikisi neke age maughena ka ia tuturi Polo ghinina ia au va lotoro nia ia au banabana ka ira noni nia ghinina ia fafata ta age fateri God ira leghu noni nga e ghua, neke kahe ghua ghu iahi, “!O nodo, to fata! Oto boka ke ghahe mo agho. To age au la ghatu keha fafata ta veha, ghe gake kudo leghuigho nga ara.”

1 Tesalonaeka 2:10

Taghomughi nia God e ghua noke to finini, o boka kahei mo ghu ghau to beana ghemaina ghai, lotoro ghemaina, nia kalasa ghemaina e ghua, ka ghau ira noni haroharo ta va hohoghona.

1 Timoti 3:2

Ianimu lamu ghe, ia mane babatu ka ia kiloau mu e toraina veha puhina, mala e deo ghu hei ta boka ngengene va mukoina manei ka ira puhina, ne ghua nga. Manei e toraina kaike ghaseborona ma nia e hohoghona ka keranau, e ghua. Manei e toraina au banabana, kurui ngangana, nia veha tuturina, e ghua. Manei e hio suteri ghedi ira keha noni nia manei e boka vari va kakahei haroma, e ghua.

1 Timoti 4:12

Oka va leleghu ghini ghu hei noni ta fini hinaeighona, vununa ta mane foforu nia agho. Agho mu edi mala age fifini kadolo ka ira noni kiloau ka heve ta vari va kakahe ghidi nia riva ghidira agho, nia ka ira nou namaha, va hohoghona, nia puhiu ta lotoro, e ghua.

1 Timoti 6:11

Agho Timoti mu nona God, o au va takale ghu ka leghu muko irahi nga. O toraina va sisiva deke leghui God, e veha vanani ghu manei ka agho. O au ka ia doli ta lotoro, ta namaha, ta nadu nia ta varisute, e ghua, ka ia va hohoghonai God.

2 Timoti 2:22

Pelo kairi ira leghutau ta va hugahugari ira noni foforu ka ia muko. O riva ghidi tudu ma agho ira leghutau ta lotoro. Ghorevaha ghini ia va hohoghona, ia namaha, nia ia bule e ghua, taremehadi ira ta helahela ghini ia Lod ka ira hihingodi ta mamalahu.

2 Timoti 3:3

Maneri edi age deori namaha, deori dudumana, turi ghidi sebo ira keha noni, deori banabana, noni ngongovaladi, nia edi hakohako ghidi ghedi ira leghutau ta veha, e ghua.

Taetusi 2:7

Ka ira vahina leghutau nga, agho taghou o riva ghidi ira leghutau ta veha taghe mala fini kadolona ka maneri. Agho o vari va kakahei ka ia ghaghahena ta hohoghona nia ta heheluana e ghua.

1 Zone 3:14

Dato namaha ghidi la ghita ira tahida ka Kraes, ianimu ne va podoli ta kalasana ghita ka ia manana ia leme nia tato hioina ghita ia doli fuludai, e ghua. Nga ia noni ta deo ge namaha ghidi ghu ira tahina ka Kraes mu, e au ka pekana ia manana ia leme.

1 Zone 5:1

Hei ia ta va hohoghonai Zisas mu ia Kraes ia Va Doli neke naiungene ghinio God mala va mehaina mu, e kaike rekaha ka God. Nia heiri haroharo ira ta namaha ghini ia mama mu, edi namaha ghidi haro molamo ira nona rekaha.