Taetusi 1:3 - Ia Foforuna Naiungene

³ Nia ka ia torai fafatana, manei neke va podoli ia Nonomoho Ta Veha ka ira noni ka ia rivai tuturi beana ara. Nia God ia noda Va Doli neke ungene va gigimau ta tuturi beana ghinina heve neke kaheio manei.

Taetusi 1:3 Iomraidhean Croise

Maki 1:15

Neke ghua ghu iahi neke va ongahina manei, “!To dufu tuna ia toraina fafata ka ia ta age namo meha God mala kopu ghidira ira noni! !O fihiki lao ghu ka God, taghuru kairira ira sasakemu, o va hohoghona ghu ka Nonomoho Ta Veha iahi!”

Maki 13:10

Ghe ge la meha nga ia va nonoghana, ia Nonomoho Ta Veha e toraina kusu tuturi ghinina, ka ira leghu kokolodi butubutu noni nga ka malau iahi peka.

Maki 16:15

Ianimu tuna ghe neke va kahe ghidi nga, “O lao ka ira leghu malau nga ka malau iahi peka, o la tuturi ghini ghu ia Nonomoho Ta Veha ka ira noni haroharo hae ghe hae ghu.

Luku 1:47

!Ara na puina va ghazaghaza ghini God ia nogu Va Doli!

Ira Riva 10:36

Ghau to avohi ia nonomoho neke va ghahe laoio God ka ira nonidi Isiraeli, tuturi ghinina ia Nonomoho Ta Veha ghinina ia bule ka Zisas Kraes ia Lod ka ghita haroharo.

Ira Riva 17:26

Ka kaike mane mo ka ia tatanigaina, neke va vuharira manei ira sopai kokolodi butubutu noni, mala au kamotina malau iahi peka. Manei neto ke kusu nai vanadi meha ia toraina fafata nia hae dike torai mala auna maneri, e ghua.

Romu 15:19

Nia ara nake riva ghidi ira hahaima ka ia mana ia Tarunga ta Maduana, e ghua. Ara nato ke tuturi beana ghini va hokoto ghu ia Nonomoho Ta Veha ka Kraes sipana Zerusalemu ta hio kamoto dufu laoina ghu Ilirikamu.

Romu 16:25

!Ghita da va varangi ghu God! Manei mu e boka va tetu nadu ghau mo ka ia nomu va hohoghona, leghuina ia Nonomoho ta Veha ta tuturi beana ghini ara ghinina Zisas Kraes nia leghuina ia podolona ia hohoghona ta poika, neke poikao ka ira tehi komuhu dike to fuludu agero sepao.

Romu 16:26

Ghe ghatunaina mu ia hohoghona neto ke va podolo kavei ka ira kakangavadi ira porofeti nia ka ia ungene va gigima ia God ta au toghunai e ghua, mala ira leghu noni nga edi va hohoghona ghu nia leghui ghu manei, e ghua.

Romu 5:6

Ka ia dake deo ghita gigimano nga ghita, neke leme vanada ghu Kraes ghita ira noni dake deono gada leghui ghu God.

1 Koriniti 9:17

Nato ke riva ghini la ara iahi ka ia lao hihingo taghogughi, e lotoro mo ta age hioina ara ia tabaragu. Ghe e deo heveni ta boka riva ghinina ara vununa God neke faeteauna ghe na riva ghini nga ara riva iahi.

Galesia 4:4

Ghe ne dufu ghu ia torai lotorona fafata, God neke tuhu mehai ia Tuuna, neke doli ghu ka kaike fotati, ka pekana ia vetula ira Ziu,

Efesasi 1:10

Iahi ghu mu vatovatona ka manei: Ka ia lotorona fafata ta naini taghona, manei e age hio varighara ghidi ghatu ka pekana ia mana mala kopu Kraes ira vahina leghutau nga ka malauo God fate nia ka malau iahi peka, e ghua.

Efesasi 2:17

Kraes neke meha tuturi ghini beana ghu ia Nonomoho ta Veha ghinina ia bule ka ghau ira taka Ziu ghu noke varihauo ka manei, nia ka ghai ira Ziu nake namo laono ka manei, e ghua.

Filipae 1:13

Leleghonana mu ira mane magara haroharo ta kopu ka ia malau ginitau nia heiri haroharo aiahi e ghua, di avohi ta auna ara ka pipiliga, vununa ara na riva vanani Kraes.

Kolosi 1:23

Ghe ghau o toraina va hohoghona ma o au ghu, tetu va gimana ka ia nomu va hohoghona. Ghau o toraina ka rizu kaini ghu ia rangerange noke hioio ghau ka ia nomohi ia Nonomoho Ta Veha. Nonomoho Ta Veha iahi mu dito ke tuturi ghini beana hae ghe hae ghu ka malau iahi peka. Ara Polo mu, neke faete kaveau ghu God ta mala va ongahina nonomoho iahi.

Kolosi 1:6

Nonomoho Ta Veha haro neke meha iahi ka ghau mu, neto kave laona ka ira leghu pelodi nga ka malau iahi peka. Manei neto holarari ira doli hae ghe hae ghu taghe neke holarariro la ira dolimu ghau ka ia toraina ravata tatanigaina noke nomohio noke va fafahakaio ghu ghau ia hohoghona ghinina ia nona varisute ta varanga God ta vanadi kakato ira noni ta muko.

1 Tesalonaeka 2:4

Nga ghai mu, na ngengene taghe ira mane ta va hesiri God neke faeteriro ghu a ghua ma, mala tuturi beana ghinina ia Nonomoho Ta Veha ka ia hohoghona. Nganganana riva ini ka ghai mu, e mala veha vanani ghu God ia ta fini avohori ira hihingoda ghita, nga eka mala veha vanani ghu ia noni.

1 Timoti 1:1

Leta iahi mu sipana ka ara Polo, ia nona mane nonomoho Kraes Zisas, neke faeteauo ka ia ungene va gigima God ia noda Va Doli nia Kraes Zisas ia noda rangerange, e ghua,

1 Timoti 1:11

ia ta meha ka ia Nonomoho Ta Veha, neke vanaguo ia noda God ia ta beana nia varanga sughavona, e ghua.

1 Timoti 2:3

Kokolona tarai iahi mu e veha, e veha vanani ghu God ia noda Va Doli,

1 Timoti 4:10

Ghita da riva va ngazuluai nia ghorevaha e ghua, edi mala va hohoghonai ghu ia hohoghona ira noni, vununa ia rangerange ka ghita mu e lao ka ia God ta au toghunai, ia Va Doli ka ira noni haroharo, sughavona ghu ka heiri ira ta va hohoghona.

2 Timoti 4:17

Ghe ia Lod neke tetu taremehaguna ara, neke vanaguna ghu ia gigima, a mala boka tuturi beana ghini va hokoto ghu ara ia Nonomoho Ta Veha mala nomohina ira noni haroharo taka Ziu ghu. Manei ghu neke hio va doliauna ka ia leme.

Taetusi 2:10

ba edika sikori ghu. Nga maneri edi toraina va podolori taghodi ta vehana nia ta hohoghona tuduna, e ghua. E ghua ianimu ghe, ge boka age kakabaiana nga mu ia vari va kakaheina God ia noda Va Doli ka ira vahina ghaghahedi nga.

Taetusi 2:13

Geala e ghua ghu ianimu auna ka ghita ka ia au afa ghini ghita rangerange ta beana ianimu, ka ia leghu mehana ka malau iahi peka Zisas Kraes ia noda God ta varanga nia Va Doli, ka ia nona varanga ta pelara.

Podolo Kave 14:16

Ianimu tuna ghe neke va purua ghini nga malau iahi peka ia ta nohe ka tobana ka ia nona leboto ta peleku haharuinina malau kamoto iahi peka.