Taetusi 1:2 - Ia Foforuna Naiungene

² Hohoghona iahi e vanadi rangerange ghinina ia doli soduai, neke naiungene ghinio God vanadina maneri, ghe neke tatanigao nga malau iahi peka. Ghita da avohi mo ta hohoghonana mu naiungene iahi, vununa God mu eka sesebo ghu.

Taetusi 1:2 Iomraidhean Croise

Matiu 25:34

“Ianimu tuna ghe, ge age kahe ghua nga iahi ghatu ia mane ginitaukela, ka ira ta au mautuna mo, ‘!Meha, ghau ira ta va beana ghau nogu Mama! Meha o hioi ghu ia hio kadolona ia ravutu neke va tana vanamuo ka ia tataniga vuha mehanaoni malau iahi peka.

Matiu 25:46

“Noni iranimu ghu mu, edi age hioi ghu ghatu ia vavahagala ta deo va nonoghana, nga ira noni ta lotoro mu edi lao ghatu ka ia doli ta au toghunai.”

Maki 10:17

Neke tatanigai ghahe kave lao ghu Zisas ka ia hangana, kaike mane neke purudu lao, neke la torongaghituturu hinae ghu ka manei, ghe neke fangai nga, “?Mane Vari Va Kakahei Ta Veha Agho, heve mo ta riva ghinina ara ghe, ga boka hio kadoli nga ia doli toghunai?” neke la ghua.

Maki 10:30

e age hioi ghatunaina ka malau iahi peka, kaike ghobi fafata ka fatedi lao ira nona suga, ira tahina mane, ira tahina ghase, ira nona uke, ira nona rekaha nia ira nona galahedi kava, e ghua. Ira noni edi age ngovali molamo noni ianimu, ghe ka fafata ta meha ani nga, manei e age hioi ia doli ta toghunai.

Zone 10:28

Ara a vanadi ia doli soduai, e toraina deo ghu boka age lemedira. E deo ghu hei ta boka hio kaverina ka ara.

Zone 17:2

Taghe noke vanaguo la ia mana mala kopu ka fatedi leghu noni nga a ghua, a boka ghu molamo ara ta vanadi doli soduaina, heiri haroharo noke vanaguo agho.

Zone 17:24

Mama, ara na kabai ghidi ira noni noke vanagu meharo agho tadi au taremehaguna hae ta auna ara. E ghua ianimu ghe, gedi boka finini nga ia varanga noto ke vanaguo agho, vununa agho noke namaha ghinagu ara ghe neke va vuhai nga malau iahi peka.

Zone 5:39

“Ghau no toraina izumu va vehari ira Kakangava Ta Maduana, vununa ka ira nganganamu, maneri edi age vanamu ia doli soduai no ghua. !Ghe Kakangava Ta Maduana irahi mu edi toraina tuturi ghinagu ma ara, e ghua!

Zone 6:54

Nga ira ta mahaini ia vilahigu, nia ketuhi ia busakagu ara mu, edi auri ia doli soduai, ake age va tetu leghuri ghu ara ka ia va nonoghana ravata.

Zone 6:68

Pita neke ungene tughui, “?Lod, ka hei mo ta boka laona ghai? Agho lama ta auighona ira ngengene ta vanamai ia doli soduai,” neke ghua Saemoni Pita.

Ira Riva 15:18

neke riva va podoloriro leghutau irahi sepaoni.’

Romu 1:2

God neke naiungene ghini Nonomoho Ta Veha iahi sepaoni ka heve neke kangavariro ira nona porofeti ka giliodi ira Kakangava Ta Maduana.

Romu 16:25

!Ghita da va varangi ghu God! Manei mu e boka va tetu nadu ghau mo ka ia nomu va hohoghona, leghuina ia Nonomoho ta Veha ta tuturi beana ghini ara ghinina Zisas Kraes nia leghuina ia podolona ia hohoghona ta poika, neke poikao ka ira tehi komuhu dike to fuludu agero sepao.

Romu 2:7

God e age vanadi doli soduai heiri ira ta tetu va gima ta rivai veha ma ta age ghu, nia maneri di kabai hioi ia varanga nia va vonavona nia ia au toghunai ia ta va mehai God.

Romu 5:2

Vununa ghita da va hohoghonai Zisas Kraes, ne va avoavoho ghita ghu ghinina ia varisute ka God ta va meha kakatoi, ta aui iahi ghita ghatunaina. Nia ghita da va ghazaghaza, vununa ghita da rangerange ta age au taremehanana God ka ia nona pelarana varanga.

Romu 5:21

Mala taghe dike ghuao la ira leghu noni nga dike auro ka pekana sasake dike hioio ia leme e ghua, da au ghu ghita ghatunaina ka pekana ia varisute ta va meha kakatoi God, va lotoro ghitana ka kenuna God mala hio mehaina ia doli soduai ka Zisas Kraes ia noda Lod.

Romu 5:4

ia tetu va nadu mu e vanada puhi ta lotoro, nia ia puhi ta lotoro ge vanada rangerange ghu, e ghua.

Romu 6:23

Vununa ia tabarana sasake mu leme, nga ia kaikadolo ka God mu, doli soduai ka Zisas Kraes ia noda Lod.

Kolosi 1:27

God neke veha vanani ta mala avohina ira nona noni ghinina popoika ta fefereana nia namanama ta kurui iahi God maladira leghu noni nga hae ghe hae ghu. Iahi ghu mu popoikana, Kraes mu e au molamo ka giliomu ghau, o age hio tufa haro ghu ghau ka ia nona pelarana varanga.

1 Tesalonaeka 2:15

dike atungio ghu ia Lod Zisas nia ira porofeti, e ghua, bozo kave ghai harona ghai. Maneri di va muko hihingoi God nia gorari leghu noni nga e ghua,

1 Tesalonaeka 5:8

Ghe ghita ira ta au ka ia fegala, da au ka ia ngangana ta kalasa. Taghe ira mane magara ta va tanai magara, da ghua molamo da toraina va tana ghu. Ira mane magara mu edi fani va vona poko mala magara, mala bara kaputurira ira tinidi. Geala da ghua molamo ianimu, da va tana ghu ka ia noda va hohoghona ka Zisas nia ka ia noda vari namahai, e ghua. Nia taghe ia mane magara ta barai la ia pauna ka ia tarapae magara da ghua molamo, geala da bara kaputuri ghu ira nganganada ka ia rangerangei Kraes, ta toraina hio va doli ghitana.

1 Timoti 6:12

Magara ghini va veha ia ta va hohoghonai ghita. O poposi va gima ka ia doli soduai neke vananighono God, ka ia fafata kahe kave va vehai agho ia nou va hohoghona ka kenudi ira tehi noni.

1 Timoti 6:19

Ka ia riva ghini iahi, maneri di nai teghina ia nodi bokaboka taghe pakarai ghini va gimana ia veha malana keha nareo, edi boka hioi ghu ia torai doli ta hohoghona.

2 Timoti 1:1

Leta iahi mu sipana ka Polo leghuina ia lao hihingo ka God, neke meha mane nonomohono ghu manei ka Kraes Zisas, neke tuhu kaveio ta mala va kahe ghidira ira keha noni ghinina ia doli neke naiungene ghinio God, ia ta mala hioi ka ia va hohoghonai Kraes Zisas.

2 Timoti 1:9

God lamu neke hio va doli ghitana, nia neke faete ghitana e ghua, ta mala auna ka ia doli ta maduana. Ghe neke riva ghini nga manei iahi mu, ghita da puina fata ma ta ghua ghini ghitana eka ghua mo, nga vununa manei neto ke kusu pakara ghini meha sepaoni ia nona vatovato, ghe neke vuha nga malau iahi peka, mala va podolo vanadana ia nona namaha nia varisute ka Kraes Zisas.

2 Timoti 2:10

Ara na lao hihingogu mo ta tetu va naduna ka vahina leghutau nga, neto mala age toka ghidi la ira neke faeteriro God ta mala hioina ia hio va doli ka manei nia ia pelarana varanga ta au toghunai ka Zisas Kraes, e ghua.

2 Timoti 2:13

Geta ka suteri ghu ghita ira noda naiungene ghe, manei e suteri tudu ma ira nona naiungene, vununa manei e deo ge boka huhai ghu ia nona naiungene taghonai.

2 Timoti 2:15

O riva va gigima, e mala kudo vehaigho ghu God ka nou riva nira. O riva va veha taghe kaike maneriva taka boka haghava ghena ghu o ghua, vari va kakahei va lotorina ia nonomoho ta hohoghona ka God.

Taetusi 2:13

Geala e ghua ghu ianimu auna ka ghita ka ia au afa ghini ghita rangerange ta beana ianimu, ka ia leghu mehana ka malau iahi peka Zisas Kraes ia noda God ta varanga nia Va Doli, ka ia nona varanga ta pelara.

Taetusi 2:7

Ka ira vahina leghutau nga, agho taghou o riva ghidi ira leghutau ta veha taghe mala fini kadolona ka maneri. Agho o vari va kakahei ka ia ghaghahena ta hohoghona nia ta heheluana e ghua.

Taetusi 3:7

Geta deo ghu ghita gada ke fata ghu, God neto ke kahei ta lotorona mo ghita ka ira nahalina, vununa ka ia nona varisute ta vanada kakato. God neke riva ghini iahi, da boka mala meha nona rekaha ghu ghita neke ghua, nia ta avohina ia ta age vanadana ghatu manei ia doli soduai, e ghua.

1 Zone 2:25

Au vari parekete varighara iahi lamu ghu mu ia doli soduai neke naiungene ghinio taghonai Kraes vanadana ghita.

1 Zone 5:20

Nia ghita da avohi ia Tuuna God neto ke mehana, neto ke vanada avoavoho ghu mala boka avohina ghita ia God ta hohoghona. Nia ghatunaina tuna gada to au parekete taremehana ghu ghita ia God ta hohoghona e ghua, vununa ghita da au parekete taremehana Zisas Kraes ia Tuuna manei. Iahi lamu ia God ta hohoghona, nia iahi lamu ia doli soduai, e ghua.

Zudi 1:21

Ghau o au ka ia kokolona au doli ta boka va beana ghau ka ia nona namaha God, ka ia au afa ghini ghau ia noda Lod Zisas Kraes mala vanamuna ia doli soduai ka ia nona dudumana.

Podolo Kave 13:8

Ira leghu noni ta nona nga malau iahi peka, edi age va totoana ghini va vuha ta mamaghuana iahi. Maneri mu ira leghu dike deoro nga ge kangavari ghu ira babaolodi ka ia bukana doli, ia buka ka ia rekahana sipisipi dike to atungio maneri ghe neke va vuhaio nga malau iahi peka.

Podolo Kave 17:8

Ia va vuha ta mamaghuana noke fininio mu neke doli sepao, nga ghatunaina mu to leme. Ghe manei e deo sepana eke la kave meha soni mo ghu ka ia golava ta lao gilioni, God e age va muko purukuti ghu manei ghatu. Nia ira nona noni malau iahi peka neke deoro God geke kangavari ghu ira babaolodi ka ia bukana doli, ghe neke va vuhaio nga malau iahi peka mu, edi age nodi fere ka ia finini maneri podolonana ia va vuha ta mamaghuana, vununa neke leme sepao nia ke doli tuna nia ke la leghu mehani tuna, ne ghua.