Taetusi 1:1 - Ia Foforuna Naiungene

¹ Leta iahi mu sipana ka ara Polo, ia nona mane varituhu God nia ia nona mane nonomoho Zisas Kraes. Ara mu neke tuhu mehau God ta mala toka ghidira ira noni neke faeterio manei mala nona nonina taghonai. Manei neke tuhu mehau ghu mala toka ghidira ka ia nodi va hohoghona, nia mala va kakahe ghidira ia ghaghahena ta mala avohi maneri ia hohoghona, ta mala va podolo vanadina ghu heve e ghua mu auna ka maneri ka ia ghaghahena ta veha vanani God.

Taetusi 1:1 Iomraidhean Croise

Luku 18:7

?Ka ia nganganamu ghau mu e heve; God e deo ge boka vanadi ghu ia totonuna ira nona noni faetaidi ta fangai manei redu ravata, no ghua? ?Heve, manei e age mamahuge toka ghidira ghatu, no ghua?

Ira Riva 13:48

Di age nomohi ghu tuturi iahi ira noni taka Ziu ghu, maneri dike puina age va ghazaghaza, dike helahela ghini ghu ia nonomohona ia Lod; ira noni haroharo neke faeteriro God ta mala hioina ia doli soduai, dike age va hohoghona haroma.

Romu 1:1

Leta iahi mu sipana ka ara Polo ia nona noniriva Zisas Kraes neke kudoauno mala kaike mane nonomohona, neke hio nenemauo ghu malanana ia Nonomoho Ta Veha ka God.

2 Koriniti 1:1

Leta iahi mu sipa mehana ka ara Polo neke faeteau no ka ia nona lao nanafa God ta mala nona mane nonomohona Kraes Zisas. Ghai palu Timoti na kakangava vanani age ia kiloau ka God aiamuhu Koriniti nia ka ira leghu noni kiloau nga ka giliona ia babarana Akaea, e ghua.

Efesasi 2:8

God neke hio va doli ghau ka ia nona varisute ta vanamu kakato manei, ka ia fafata va hohoghonamu ghau ka Kraes. Vununa neke ghidi keha leghutau noke riva ghidi ghau ghe neke hio va doli ghau nga God eka ghua ghu. Iahi mu kaike kaikadolo sipa mehana ka God.

Filipae 1:1

Leta iahi mu sipa mehana ka ghai palu Polo ghe Timoti, ira noni mala varituhu ka Kraes Zisas, Na kangava vanamu age ghu ghau ira leghu nona noni nga God ta va hohoghona ka Kraes Zisas ka ia malau leghaha Filipae, nia ka ira noni babatu ka ia kiloau nia ka ira ta toka ghidi tudu maneri, e ghua.

Kolosi 2:2

Ara na kabai va gigima ghau, o mala kaike ghu ghau ka ia vari namahai. Ara na kabai ghini ghau haroharo ta au ghauna ira va beana ta namanama, ta meha ka ia toraina va fafahaki ghau ia nonomoho ka God, nia ta toraina avohina ne hohoghona ta ghuana, e ghua. Ara na kabai ghini ghau ta toraina avohina iahi, o mala age avohi ghu ghau ia nona vatovato God, neke deono geke va podoli ghu manei ka ira noni sepao. Fafahakanana iahi mu, ara na kabai ghini ghau ta avohina taghonai Kraes.

1 Timoti 2:4

vununa manei ne kabai ghini ta hio va dolirira ira noni haroharo nia ta torai avohina maneri ia hohoghona e ghua.

1 Timoti 3:16

E deo notohona ghu. God neto ke va podolo vanada ia popoikana ta torai tongovona ghini Zisas Kraes: Taghe ia ta kahei la ka ia koze: Kraes neke podolo ka ia vilahi, nia ia Tarunga Ta Maduana neke va podoli Zisas ta Tuuna Manena God. Ka ia tetuleghu manei ka ia leme, ira engizeli dike finini manei. God neke hio vonai ka ia nona malau fate. Ira ta leghui manei dike tuturi beana ghini ia nonomohona manei ka ira soloso, dike va hohoghonai ghu manei ira noni ka malau iahi peka.

1 Timoti 6:3

Keha ta sesebora ka ira ta vari va kakahei, haeba edi va sesebori leghu irahi nga, ghe irahi mu ira torai vevehadi nia namanamadi ungene babatu ka ia Lod Zisas Kraes e ghua, ia torai vununa ia doli ta veha vanani God.

2 Timoti 2:10

Ara na lao hihingogu mo ta tetu va naduna ka vahina leghutau nga, neto mala age toka ghidi la ira neke faeteriro God ta mala hioina ia hio va doli ka manei nia ia pelarana varanga ta au toghunai ka Zisas Kraes, e ghua.

2 Timoti 2:23

Oka holara ghu ka ira vari tuufuai ta kingo kaputu, vununa agho no avohi mo e va memeha magara, ta ghuana.

2 Timoti 2:25

Maneri geala edi areha ghidi va kakahe ghidira ira noni ta gorai ia hohoghona. Haeba God e age va malumuri mo ghatu ta taghuru kairira ira sasakedi edi va hohoghonai ghu ia hohoghona.

Zemesi 1:1

Leta iahi mu sipana ka ara Zemesi ia nona noniriva God nia ia Lod Zisas Kraes. E lao ghu ka ira Ziu ta noni kiloau dike pirararo hae ghe hae ghu ka malau iahi peka.

2 Pita 1:3

God ka ia nona mana ta maduana, neto vanada ira vahina leghutau nga ta hagala ghidi ghita mala auna ka ia doli ta veha vanani manei. Ghita dato hiori leghu irahi nga ka ia meha avohi manei, ia neke kudo ghita laono ka taghonai ka ia nona varanga ta namanama nia ka ia nona veha, e ghua.

2 Pita 3:11

?Dito age ogoro haro la vahina leghutau irahi nga ka ghaghahena iahi, geala taghe kokolona noni heve o age ghua ngaini ghau? Ira doli ka ghau geala e beana nia nai ghau taghomu vanani God, e ghua,

1 Zone 2:23

Vununa heiri ira ta sokei ia Tuuna mu, edi sokei haro molamo ia Mama. Heiri ira ta hioi ia Tuuna tuna, ge auri haro ghu molamo ia Mama, e ghua.

Podolo Kave 1:1

Iahi mu ia va podolo kave neke vananio God Zisas Kraes ta deo sepana ta toraina age dufu ghu ghatu mala va podolo vanadira manei ira nona noniriva. Zisas neke tuhu mehai ghu ia nona engizeli ka ara Zone ia nona maneriva mala va podolo vanaguna leghutau irahi.