Matiu 4:3 - Ia Foforuna Naiungene

³ Lao tuna ka Zisas ge la kahe ghua ghu iahi neke ghua Satana, “Noto Tuuna la agho God, fihikiri ghahipa irahi ka bereti,” neke la ghua ghini.

Matiu 4:3 Iomraidhean Croise

Matiu 14:33

Ianimu tuna ghe dike va totoana ghini nga Zisas ira keha mane ta nonofoi dike auro ka ia koaka, dike kahe ghua ghu iahi. “!Hohoghona mamu, agho mu torai Tuuna mamu God!”

Matiu 16:16

“Agho mu ia Mesaea, ia Tuuna God ia ta au toghunai,” neke ghua ungene tughuna Pita.

Matiu 26:63

Ghe Zisas neke vanemoho ma neke au ghu. Kahe ghua lao tuna iahi neke ghua ia hiama pauna, “Ka ia babaolona ia God ta doli, agho o toraina va kahe ghini ghai meha ka ia va bebereana, neto agho la mamu ia Mesaea, ia Tuuna God,” neke ghua ghini.

Matiu 3:17

Ianimu tuna ghe neke la meha nga ia leo ka malauo God fate, kahe ghuana iahi, “Iahi mu ia Tuugu ta namaha ghini ara, na toraina va manemane ghini fuludu ghu.”

Maki 1:1

Aiahi e tataniga ghu ia Nonomoho Ta Veha ghini Zisas Kraes, ia Tuuna God.

Maki 3:11

Leleghu fafata ira noni ta sukuri tarunga ta muko, edi fini fata laoi ghu Zisas, edi la riufu maimanihi hinae kenuna manei, gedi kudo va gigima nga, gedi kahei ghu, “!Agho mu ia Tuuna God!” ta ghuana.

Maki 5:7

Manei neke azili ghe neke kudo nga, “?Zisas, agho ia Tuuna God ta Varanga Sughavona, heve no kabai va riva ghinaguna ara? !Ara na torai fangaigho ka ia babaolona God, taka va vavahagalauna ghu!”

Luku 1:35

Ia engizeli neke ungene tughui, “Ia Tarunga Ta Maduana e meha au ka agho, nia ia mana ka God ia ta Varanga Sughavona ge age toufigho ghu, e ghua. Rekaha gogoso ta doli mehana ghu ka agho mu, e Maduana, e age va kudo ghini Tuuna ghu God.

Luku 22:70

Maneri haroharo dike notoho lao, “?Agho lamu Tuunana ghu God?” Ungene tughuri tuna neke ghua manei, “Hoghomu mamu, ara, ta ghua nia ghau.”

Luku 4:3

Kahe ghua tuna iahi ka Zisas neke ghua ia Faghinadi ira nazahi, “Noto Tuuna la agho God, o kahe ghini ghahipa iahi e ke fihiki ghu ka bereti.”

Luku 4:41

Kehara mu dike sukuri nazahi; ka ia va kahe ghidi va gigima Zisas, dike kave ghu ira nazahi kudo ghuadina iahi, “!Agho mu ia Tuuna God!” Ghe vununa maneri dike to avohi manei mu ia Mesaea ta ghuana, neke va nodori ghu Zisas, nia neke va kahe ghidi haro ta vanemohona, neke ghua.

Luku 4:9

Leghuna ianimu, ia Faghinadi ira nazahi neke hio laoi Zisas ka ia leghahai malau Zerusalemu neke la va tetui ghu ka fatena ia lobosaina ia riringina Sugana God, ghe neke kahe ghua nga iahi, “Noto Tuuna la agho God, O paraku hinae!

Zone 1:34

A va kahe ghini ghau ghu ta toraina Tuunana mamu God manei, vununa ara nake torai finini neke dufuna iahi ka Zisas”

Zone 1:49

“Mane Vari Va Kakahei Agho, agho mu ia Tuuna God, ia Mane Ginitaukelana Isiraeli,” neke ghua ungene tughuna Nafaneli.

Zone 20:31

Ne kangava hinaeri nga irahi mu, o mala va hohoghonai ghu ghau Zisas mu ia Mesaea, ia Tuuna God ta ghuana, mala ka ia va hohoghonai manei, o boka age hioi ghu ghau ia doli soduai.

Zone 9:35

Ka ia age nomohi Zisas heve neke to dufuna, manei neke la dufui ia mane, neke kahe ghua ghu iahi, “?No va hohoghona mo agho ka ia Tuuna Noni?” neke ghua ghini.

Ira Riva 9:20

Magali ma neke to la tataniga tuturi beana ghini ghu manei Zisas, ka giliodi ira suga mala varighara ira Ziu, ghinina manei mu toraina Tuuna mamu God, ta ghuana.

2 Koriniti 1:19

Vununa Zisas Kraes ia Tuuna God nake tuturi beana ghinio ka ghau ara, Saelasi nia Timoti e ghua mu, eka boka kahe “Uve” nia “Deo” ghu ka kaike fafata mo. Zisas ne va podolo kavei ta hohoghona tuduna God.

Galesia 2:20

Eka ara la ghu mu ta doli ini, nga Kraes mo mu ta doli ini ka ara. Ghatunaina mu ara na au ghu ka ia doli ta va hohoghona lao ka ia Tuuna God, neke namaha ghinaguo, neke vanaguo ghu ia dolina taghonai.

1 Tesalonaeka 3:5

Ianimu la ghe, nake va agei nga Timoti ka ia hangapuaha ara, e mala age hadu kavei ghu manei ia va hohoghona ka ghau, ne gigima nga, ba deo, ta ghuana. Ara nake maughini ghegu, geto auau ghau la Satana, geto age deo lighorodi ghu ira riva baelu ka ghai, nake ghua.

Hiburu 12:16

Oka va malumi ghu hei ta zave lao mehana, nia ghatu o va malumuri agho kehara ta deona gedi va vonavonai ghu God taghe Iso, neke tatabara ghidiro ka kaike disi ghano ma ira nona kaikadolodi ira manadi hio kadolo ta malana ia mane ta kusu doli.

Hiburu 4:14

Ghita da posi va gima ghu ka ia va hohoghona ta turi ghini tudu ghita. Vununa ghita mu da kuru ghita kaike hiama pauna ta varanga mala toka ghini ghitana. Hiama pauna iahi mu, Zisas ia Tuuna God neto ke vona laono ka malauo God fate.

Hiburu 7:3

E deo tuturi ta auna mu ghinina hei mo nona mama nona ukena manei nia heiri mo faanara manei, e ghua. E deo haro ge avohi mu nihao neke dolina nia neke lemena manei. Manei mu taghe ia Tuuna God neke ghua ghu, e kaike hiama toghunai ghu.

1 Zone 3:8

Hei noni ta rivai sasake ma ta au ghu mu, e nona ia Faghinadi ira nazahi, vununa ia Faghinadi ira nazahi mu, neto ke rivai sasake ka ia torai tatanigainani. Ghe ia Tuuna God mu neke meha mala huarari riva irahi ka ia Faghinadi ira nazahi.

Podolo Kave 2:10

Oka maughemu ghu ka heve leghutau tato namo vavahagala ghinina ghau. Ia Faghinadi ira nazahi e age kai laori kehara ka ghau ka pipiliga mala va sisiva ghini ghauna, o age au vavahagala ghu ka giliodi tazo ravata. Ghe noto tetu va gima la ghau ka ia nomu va hohoghona, va malumu ghauna ghe taghomu ka leme, ara a age vanamu ia tabarana doli soduai.