Matiu 3:2 - Ia Foforuna Naiungene

² “Taghuru kairi ira sasakemu o fihiki lao ghu ka God, vununa ia Ravutu ka ia malau God fate to namo.”

Matiu 3:2 Iomraidhean Croise

Matiu 4:17

Ka ia fafata rizu ta la au ghu Zisas ani Kapaniumu, manei neke to tatanigai tuturi beana, kahe ghuana iahi, “Taghuru kairi ira sasakemu, o fihiki lao ghu ka God, vununa ia Ravutu ka malauo God fate to namo meha.”

Maki 1:15

Neke ghua ghu iahi neke va ongahina manei, “!To dufu tuna ia toraina fafata ka ia ta age namo meha God mala kopu ghidira ira noni! !O fihiki lao ghu ka God, taghuru kairira ira sasakemu, o va hohoghona ghu ka Nonomoho Ta Veha iahi!”

Luku 24:47

Ka ia babaolona ghu manei, ia nonomohona taghuru kai sasake ta ke fihiki lao ghu ka God mala kai hazarira ira sasakedi mu, e toraina age tuturi beana ghini ka ira leghu soloso nga, tatanigaina aianihi Zerusalemu.

Matiu 6:10

Meha va tetui ia nou ravutu, mala ira noni haroharo ka malau iahi peka edi age riva ghini ghu ia nou lao nanafa, taghe maneri ta au nira la ka nou malau nia fate, tadi riva ghini ia nou lao nanafa.

2 Koriniti 7:10

Vununa God e boka va rivai mo ia muko hihingo ka ira dolida ghita mala toka ghini ghitana taghuru kairira ira sasake, ta hioina ghu ghita ia doli soduai. Ghita e deo gada boka age muko hihingo ghini ghu ianimu. Nga ia muko hihingo ta sipa meha ka malau iahi peka mu, e vanadi leme ira noni.

Matiu 10:7

‘Ia Ravutu ka malauo God fate mu to namo,’ o la ghua ghu tuturi vanadi beanana.

Ira Riva 3:19

O taghuru kairi ghu ira sasakemu, o fihiki lao ghu ka God mala kai hazarira manei ira sasake ka ghau.

Luku 15:10

E ghua molamo e age au ghu ia va manemane ka kenudiro ira engizeli ka God, ghini kaike noni ta aui sasake ta holara hihingo.”

Luku 13:3

“!E toraina deo! Ghau o leme haro molamo noto deo la go taghuru kairi ghu ira sasakemu, ta fihiki laona ghu ka God.

Luku 11:20

Nga ara nato tavusu kai nazahi la ka ia mana God, fafahakanana mu, ia Ravutu ka God to dufu ka ghau, e ghua ghu.

2 Pita 3:9

Nganganadira keha nonira mu ia Lod ne mamahuge va ghuduvina ia nona naiungene ghinina ia leghu meha ka taghonai edi ghua, ghe manei e deo ge mamahuge ghu. Nga manei mu ne au afa ghini ghau malana ia veha ka ghau mo. Manei e deo ge kabai va mukoi ghu kaike noni ghu, nga ne kabai vanadi hei noni ta ghuana ia vehana fafata mala va hohoghonana, ta taghuru kairira ghu ira sasakedi.

Ira Riva 17:30

Sepao, ira noni deo gedi ke va fafahaki ghu God, neke deo ghu God va ghunaghunarira ira leghutau dike riva ghidi va zearo maneri ka fafata ianimu. Nga ghatunaina mu, God ne ungene va gigimari ira leghu noni nga hae ghe hae ghu, ta taghuru kairira ira dolidi ta sasake.

Ira Riva 11:18

Di nomohi ghu iahi maneri, dito nodo ma vari tuufuaina, dito ke helahela ghini ghu God kahe ghuana iahi, “God neto va malumuri haro ghe ira noni taka Ziu ghu, ta fihiki laona ka taghonai, ta hioina ghu ia doli soduai,” dike ghua.

Ira Riva 2:38

Pita neke ungene tughuri, “Ghau haroharo o toraina taghuru kairi ira sasakemu nia o seselebeana ka ia babaolona Zisas Kraes mala kai hazadira ira muko ka ghau, e ghua. Ianimu tuna ghe go hioi nga ghau mu ia Tarunga Ta Maduana, ia kaikadolo sipana ka God.

Luku 6:20

Ianimu tuna ghe neke fihiki lao nga Zisas ka ira nona mane ta nonofoi, neke kahe ghua ghu iahi, “God e va beana ghau, ghau ira ta malanga, vununa ia nona Ravutu God ne vanamu ghau.

Matiu 13:52

Ke kahe ghuani tuna iahi neke ghua Zisas, “Leghu noni ta vari va kakahei ghini nga ia vetula beana, ta meha mane nonofoi ghu ka ia Ravutu ka malauo God fate mu, taghe ta ghua nia la ia noni ta hio kave mehari ira foforudi nia ira sesepadi leghutau ta kuru lighorodi ka giliona ia nona ringifota mala nanakai, e ghua.”

Matiu 13:47

“Kehanani mu, ia Ravutu ka malauo God fate mu, taghe kaike voloizoghu ta va zoghui ka ia giliona kaike loka ta la gepa ghu leghu kokolodi namari nga, e ghua.

Matiu 13:33

Zisas neke turi vanadini kaike ungene talevara: “Ia Ravutu ka ia malau God fate mu taghe ia isi neke mala rivao kaike fotati ka ia rivai bereti, e ghua. Ne faa leghaha mo ia falao neke gaginio ghe, ia birusuna isi tei ne soni suku kamoti mo.”

Matiu 12:41

Ira nonidi Nineve edi tetu vona ghatu ka ia ravata mala varifate edi makuti ghu ubalana noni iahi ghatunaina, vununa noni Nineve irahi dike age taghuru kairi ira sasakedi ka ia fafata nomohi maneri ia tuturi beana ka Zona, ghe ghatunaina mu, kaike ta varanga fuludi Zona ta auna aiahi.

2 Timoti 2:25

Maneri geala edi areha ghidi va kakahe ghidira ira noni ta gorai ia hohoghona. Haeba God e age va malumuri mo ghatu ta taghuru kairira ira sasakedi edi va hohoghonai ghu ia hohoghona.

Kolosi 1:13

Vununa manei neto ke hio va doli ghita ka hei ia ta kopu ka ia ravutuna ia nagoromo, neke hio haghele ghita ghu ka ia ravutu ia Tuuna ta toraina namaha ghini manei.

Ira Riva 20:21

Ara nake va kahe ghidi ira noni Ziu nia ira noni taka Ziu ghu e ghua, ta taghuru kairira ira sasakedi ta fihiki laona ghu ka God nia va hohoghona tuna ka ia noda Lod Zisas, ta ghuana.

Luku 15:7

!E age ghua molamo ghatu, e age au ghu ia leghahai va manemane ka malauo God fate, ghinina kaike noni ta kurui sasake ta taghuru kairi ira sasake ka manei take fihiki lao ghu ka God, fuludu laoina ia va manemane ta vanadi ira leghaha ngavuluai leghaha noni ta lotoro taka ghahe va zea ghu!

Luku 13:5

!E toraina deo! A ke va kahe ghini ghau sonini ara, ta leme harona molamo ghau, noto deo la go taghuru kairi ghu ira sasakemu.”

Luku 9:2

Ianimu tuna ghe neke tuhu kaveri nga ta mala la tuturi beana vanadina ira noni haroharo ghinina ia Ravutu ka God, nia ta mala va veharira ira ta fogara, e ghua.

Maki 6:12

Ianimu tuna ghe dike kave lao nga ira mane nonomoho, dike la va kahe ghidi ghu ira noni haroharo dike dufuriro, ta mala taghuru kairira ira sasakedi.

Maki 1:4

Mane ta mala hio nonomoho iahi mu Zone neke meha seselebeanariro ira noni. Manei neke au ka ia malau koroghana ta karango, taka tehi nonina ghu ka ia Babarana Zudia, neke tuturi vanadi beana ghu ira noni, geala ta mala seselebeanana maneri, mala va podolina dito taghuru kairi ira sasakedi to fihiki lao ghu ka God, ta ghuana, mala God e kai hazari ghu ira sasake ka maneri dike riva ghidiro.

Matiu 5:10

God e va beanari heiri ira ta ngovangovalari ka ia riva ghini maneri heve ia ta lotoro, ia Ravutu ka malauo God fate e nodi maneri.

Matiu 5:3

“God e va beanari ira noni ta va ghighiu ka manei ka vahina leghutau nga, ia Ravutu ka malauo God fate mu e nodi maneri.

Podolo Kave 2:21

Ara nake vanani fafata ta mala taghuru kairira manei ira sasakena, ghe manei deo geke kabai nai kaini ghu ia zave lao meha ka manei.

Matiu 13:31

Zisas neke turi vanadi kaike ungene talevarani: “Ia Ravutu ka ia malau God fate mu taghe kaike subuna masitadi neke hioio kaike mane neke numa ghinio ghu ka ia giliona kaike galahena kava, e ghua.

Matiu 13:11

Va fafahaka vanadi tuna neke ghua Zisas, “Ia avoavoho ghidira ira ta poika ka ia Ravutu ka malauo God fate mu to vanamu ghau, nga eka ghua ghu ka maneri.

Matiu 6:33

Nga nai va kenui ia Ravutu ka God nia riva ghidi ira ta kabai ghidi Manei e ghua, ghe ge age vanamu nga manei leghu irahi nga.

Podolo Kave 2:5

!O ngana laoi ko agho ta riufuna ia namaha ka agho ka kaike malau ta toraina vona! O taghuru kairi ira sasakemu o riva ghini ghu heve noke kusu riva ghinio ka ia tatanigaina. Noto deo la ghau go taghuru kairi ghu ira sasakemu, ara a la meha ghatu a hio kaini ghu ia leghutau mala va nohena zuta ka ghau ka ia mala auna.

Hiburu 6:1

Ghita daka turi ghidi la ghu gada au ghu ira vari va kakahei ghinina Kraes ta nanamo va fafahakarira. Ghita da rizu vona ka ira vari va kakahei ta fatadi ira ta zeolo ka ia nodi va hohoghona ka manei. E deo ge fata ghu take tataniga leghunani ghita ka ira leghutau dato ke kusu nomohoriro ghita: taghe ia ghaghahena mala va hohoghonai God nia ia ghaghahena mala taghuru kairi ira sasake ta boka hio lao ghita ka leme fuludai, e ghua.

Ira Riva 26:20

Ara nake tatanigai va kahe ghidi ira noni, geala maneri edi taghuru kairi ira sasakedi, edi fihiki lao ghu ka God, nia edi riva ghidi ghu ira leghutau ta veha mala va podolina dito holara hihingo mamu, ta ghuana, e ghua. Ara nake kusu va kahe vanadi ghu iahi ira nonidi Damasikasi, ghe nake lao nga Zerusalemu nia ka ia kamotona babarana Zudia e ghua, nia ke lao haro tuna ka ira noni taka Ziu ghu nake ghua.

Matiu 22:2

“Ia Ravutu ka malauo God fate mu, taghe kaike mane ginitaukela neke va tanaio kaike mahai varigharana varihio ka ia tuunamane, e ghua.

Matiu 25:1

“Ka fafata ianimu, ia Ravutu ka God mu taghe iahi e age ghua. Kaike fafata, tazo ghase foforu dike hiori ira nodi zuta dike kave lao ghu mala la dufuina kaike mane ta va tanai varihio.

Matiu 23:13

“Ka age mamaghuana fuludura ka ghau ira ta vari va kakahe ghini ia vetula beana nia ka ghau ira Farisi. !Ghau ta tatangana kobiri! Ghau ta bakisi va gimai ia makatana mala haghele ka ia Ravutu ka Malaunao God fate. Taghomu go deo ghu boka haghelemuna no ghua, ghe go va gogohari nga ira keha noni ta va sisiva haghele ghedi.

Matiu 20:1

“Ia Ravutu ka malauo God fate mu, taghe ia ta kutamai kava neke magali kave fufugho la hadu noni mala rivai tabarao ka ia nona nunuma gerepi, e ghua.

Matiu 18:23

“Vununa ia Ravutu ka malauo God fate mu, taghe iahi e ghua. Kaike fafata kaike mane ginitaukela neke kabai ke kudo hagheleri ira nona maneriva, e mala hadu kaveri ghu taghe niha ghu dike kaoni tanara maneri.

Matiu 11:20

Ianimu tuna ghe neke tatanigai ungene tonori nga Zisas ira noni ka ira malau leghaha ka neke la torai riva va tehi hahaimao manei, vununa maneri deo gedi ke taghuru kairi ghu ira sasakedi ta fihiki laona ghu ka God.

Luku 21:31

Taghe iala molamo, noto finiri la ghau leghutau nake turi ghidiro ara age dufudira, to avohi ma ghau ia Ravutu ka God ba neto namo, ta ghuana.

Luku 16:30

“Ghe ia mane ta taghotagho neke ungene tughui, ‘!E deo, Mama Ebarahamu! Ge lao lama ka maneri aianimu kaike ghu ka ira ta leme, maneri geala edi age nonomoho edi taghuru kairi ghu ira sasakedi, edi fihiki lao ghu ka God.’

Matiu 25:14

“Ia Ravutu ka malauo God fate mu, taghe kaike mane neke kave laono ka kaike ghaghahe e ghua haroma. Manei neke kudori ira nona noniriva neke vanadi rongo ghu mala va tehi vananina ka ia fafata ta ghahe taghonai.

Matiu 13:24

Zisas neke turi vanadini keha ungene talevara iahi: “Ia Ravutu ka malauo God fate mu, taghe ta ghua kaike mane ponogara ta fusai subu ta veha ka ia nona galahena kava, e ghua.

Matiu 4:23

Zisas neke ghahe kamoti Galili vari va kakaheina ka ira suga mala varighara ira Ziu, tuturi beana ghinina ia Nonomoho Ta Veha ghinina ia Ravutu, nia ke va veharira ira noni dike dufuriro leghu kokolodi lelemeana nga nia fogara nga, e ghua.

Luku 1:16

Manei e age batu ghidi tehi nonini ani Isiraeli mala ke fihiki leghuna ka ia Lod ia nodi God.