Matiu 2:2 - Ia Foforuna Naiungene

² dike la notoho ghu, “?Hae mo mu ne urahana ia gogoso ta mala meha mane ginitaukeladi ira Ziu? Ghai nake finini ia nona babaghunu vona mehanana visi fateo mo, nake meha ghu mala va totoana ghinina.”

Matiu 2:2 Iomraidhean Croise

Matiu 2:3

Ne nomohi ghu iahi Herodi ia Mane Ginitaukela, manei neke puina age anga ghena fuludu neke pisipasa ghini ghu, taghe iala molamo dike ghua ira leghu noni haroharo nga Zerusalemu, e ghua.

Matiu 21:5

“Va kahe ghidi ira nonidi Isiraeli, ‘!Fini, ia nomu mane ginitaukela tato meha ini ka ghau! Manei mu e unuhu, nia haghe ka kaike dongiki, mehana ka kaike rekahana tuuna dongiki.’ ”

Matiu 27:11

Zisas neke tetu ka kenuna Paelati ia mane gavanana Romu nia notohi tuna neke ghua Paelati. “?Agho lamu ghu mu ia mane ginitaukeladi ira Ziu?” neke ghua notohona ia mane gavana. “Uve, taghe ta kaheinia lamu agho,” neke ghua ungene tughuna Zisas.

Luku 19:38

“!Va beani ia Mane Ginitaukela ta meha ka ia babaolona ia Lod! !Bule ka malauo God fate, nia heluhelu ghini God ia ta varanga sughavona ka malaunao fate!”

Luku 2:11

!Redu iahi ka ia malau fafaana Deveti aianihi Betilehemu, ia nomu Va Doli, Kraes ia Lod neto uraha!

Luku 23:3

Paelati neke notohi ghu Zisas, “?Agho lamu ghu mu, ia Mane Ginitaukeladi ira Ziu?” Zisas neke ungene tughui, “To kahei nia ma taghou,” neke ghua.

Luku 23:38

Kaike takifi dike tupila ghini laona ka ia hekefalahata fatena Zisas ta au lao kakangava irahi: “Iahi Mu Ia Mane Ginitaukeladi ira Ziu.”

Zone 1:49

“Mane Vari Va Kakahei Agho, agho mu ia Tuuna God, ia Mane Ginitaukelana Isiraeli,” neke ghua ungene tughuna Nafaneli.

Zone 12:13

Hio balatadi taghe balatadi tubo ghua tuna gedi kave lao ghu mala la dufuina manei dike ghua daghoro ghuadira iahi, “!Helahela ghini God! !God, o va beani manei ia ta meha ka ia babaolona ia Lod! God, o va beani ia Mane Ginitaukelana Isiraeli,” dike ghua daghorodira.

Zone 18:37

Ke notohi tuna neke ghua Paelati, “?Kaike mane ginitaukela ghu mu agho?” neke ghua ghini. “Agho mo no kaheina, ara mu mane ginitaukela ta ghuana, ne hoghou ghu mamu,” ne ghua Zisas. “Ara nake doli meha ka malau iahi peka mala va kahe ghidira ira noni ghinina ia hohoghona. Heiri haroharo ta hagala ghini heve ia ta hohoghona mu, edi ungene nonomoho ka ara.”

Zone 19:19

Ianimu tuna ghe, neke va kahe ghidi nga Paelati ta kangavina maneri kaike kodakana takifi, dike tupila ghini lao ghu ka fatena Zisas ka ia hekefalahata. Kakangava neke au laora mu, “Zisas na Nazareti, ia Mane Ginitaukeladi ira Ziu,” e ghua lao.

Zone 20:28

Ianimu tuna ghe neke kahe ghua nga iahi Tomasi, “!Nogu Lod nia nogu God!”

Zone 5:23

Ne riva ghini nga ianimu ia Mama mu, vununa manei ne kabai ghidi ira noni ta heluhelu ghinaguna ara ia Tuuna, taghe ta heluhelu ghini ani la maneri taghonai. Hei ia ta deo ge heluhelu ghinagu ghu ara ia Tuuna mu, manei e deo ge heluhelu ghini ghu ia Mama neke tuhu mehauo ara.

Zone 9:38

“!Uve Lod,” neke ghua ia mane, “ara na va hohoghona mo!” Ianimu tuna ghe neke torongaghituturu hinae nga manei, neke va totoana ghini ghu Zisas.

Hiburu 1:6

Nia ka ia fafata tuhu mehai God ia va kenuna Tuuna ka malau iahi peka, manei neke kahe ghua iahi, “Ira leghu engizeli nga ka God, edi toraina va totoana ghini manei.”

Podolo Kave 22:16

“Ara Zisas nato tuhu agei ia nogu engizeli, mala kahe kaverira leghu irahi nga ka ghau ira noni kiloau ta va hohoghona. Ara mu ia zaghara ta pagusuna meha Deveti, nia ia Babaghunu Leghufugho ta pelara.”