Matiu 10:3 - Ia Foforuna Naiungene

³ Filipi ghe Bafolomiu; Tomasi ghe Matiu ia ta mala hio takisi; Zemesi ia tuunamane Alofiasi nia Tadiasi;

Matiu 10:3 Iomraidhean Croise

Matiu 18:17

Neto deo soni la nga manei ge nonomoho ghu, o hio vonai puhi iahi ka ia kiloau. Neto deo haro la ge nonomoho ghu manei ka ia kiloau, taghe kaike mane taka va hohoghona ghu ka God, ba taghe kaike mane ta muko mala hio takisi, oto ghua ghini ma.

Matiu 27:56

Dike meha taremehadira mu, Mere tanina Magidala, Mere ia nodi uke Zemesi ghe Zosepu, nia ia nodi uke Zemesi ghe Zone ira palu tuunamane Zebedi, e ghua.

Matiu 9:9

Ka ia sipana aianimu Zisas, ta ghaghahe ta hinae ghu ka ia hangana, manei neke finini Matiu nohe ta auna ghu ka ia nona suga mala hio takisi. “Meha leghuau,” neke ghua ghini lao. Matiu neto ke tetu vona ma toke leghui ghu Zisas.

Maki 15:40

Keha fotatira dike au meha varihauni aianimu dike mato meha ghu. Dike au taremehadira mu, Mere tanina Magidala, Salome, nia Mere ia nodi uke Zemesi ia rekaha foforu nia Zosepu, e ghua.

Maki 2:14

Ka ia fafata ta ghaghahe ta lao ghu Zisas, manei neke fini fata laoi Livae, ia tuuna Alofiasi, nohe neke auna ghu ka ia nona suga mala riva, ta hio takisi ghu. “O meha, o nogu mane mala nonofoau ghu,” neke ghua ghini. Ianimu tuna ghe neke tetu vona nga Livae, neke la leghui ghu Zisas.

Maki 3:18

Aduru, Filipi, Bafolomiu, Matiu, Tomasi, Zemesi (ia tuunamane Alofiasi), Tadiasi, Saemoni (ia mane Zeloti) nia,

Luku 18:10

“Palu mane dike vona la tarai ka ia Sugana God. Kaike ghu mu mane Farisi, nia kehana tuna ge mane sekesekeina ghu ka hio takisi, e ghua.

Luku 18:11

Ia Farisi ta va varavaranga, neke la tetu kakaike taghonai ghe neke verevere ghua nga iahi: ‘!Ara na kudo vehaigho God, ta deo ini ga sesebo ghu, luluto ghu, nia taka zave kunuini ghu keraguau e ghua, taghe ta ghua ira leghu noni nga, sughavona ghu taghe mane mala hio takisi ta tetu ianihi!

Luku 18:13

“Nga ia mane mala hio takisi mu, neke la tetu ghena meha varihauni, deona ghe ge mato vona ghu ka kolangana fate, ghe neke tarai nga. Manei neke dupai ia hihingona ka muko hihingo, ghe neke kahe ghua nga iahi, ‘God, o dudumana ghinagu, vununa ara mu ia noni ta kuruau sasake,’ neke ghua.

Luku 19:2

Kaike mane, babaolonana Zakiusi, neke auna aianimu. Manei mu neke mane kenuna ka ia pukuna dike hio takisiro, neke puina taghotagho ghu.

Luku 5:27

Leghuna ianimu, ne ghahe kaini ghu Zisas ia malau fafaana, manei neke la fini fati ia mane ta mala hio takisi, babaolonana Livae, neke nohe neke au ghu ka ia nona ringifota mala hio takisi. “O meha o mala nogu mane mala nonofoau ghu,” neke la ghua ghini.

Zone 1:48

“?Heve ghe no avohoau nga ara mu agho?” neke ghua notohona Nafaneli. “Ara nake finigho ka ia fafata au agho ka ia pekana heke figi, ghe neke age kudoighono nga Filipi.”

Zone 11:16

Tomasi, ia dike va baolo ghini Sua no maneri, neke kahe ghua iahi ka ira keha taremehana mane nonofoi, “Ghita da age haro molamo, da age leme taremehana ghu Zisas,” neke ghua.

Zone 14:22

Zudasi (eka ghua ghu Zudasi Isikarioti) neke kahe ghua iahi, “?Lod, ne heve ghe no vato ghini nga agho ta va podolighona taghoughi ka ghai lama, ne deo ghu ka malau kamoto iahi peka?” neke ghua notohonana.

Zone 14:5

“?Lod, ghai deo ga avohi ghu hae mo ta laona agho,” ne ghua Tomasi, “heve e ghua ghe, ga boka avohi nga ghu ghai mu hangana mala laona?”

Zone 14:9

Zisas neke ungene tughui, “?Filipi, ia au tamu ta meha ghu ara, to soduai fuludu, ghe deo ngama go avohoau ghu agho? !Hei neto ke finiau ghu ara, manei neto ke finini ia Mama! ?Heve no ghua ghu agho ghe, no fangai nga ta kabai fininina manei?

Zone 21:2

Saemoni Pita, Tomasi (Sua ia ta ghua ghini), Nafaneli ia tanina Kena ka ia Babarana Galili, ira palu tuunamane Zebedi, nia keha palu mane nonoforani e ghua, dike au varighara haroharora aianimu.

Ira Riva 1:13

Di la dufu ghu, maneri dike vona lao fate ka ia ringifota dike auno la. Dike aura mu, Pita, Zone, Zemesi ghe Aduru, Filipi ghe Tomasi, Bafolomiu ghe Matiu, Zemesi ia tuunamane Alofiasi, Saemoni (neke holara magara ghinio mala hio kaverira ira Ziu ka ia kopu ira noni Romu), nia Zudasi ia tuunamane Zemesi, e ghua.

Ira Riva 12:17

Pita ne ngengene kameri ta vanemohona maneri, ghe neke turi vanadi nga heve neke dufuna nia heve neke ghua ia Lod batu ghini kavena manei ka ia pipiliga, e ghua. “O va kahe ghini nga Zemesi nia ira keha noni ta va hohoghona e ghua ghinina iahi,” neke ghua ghidi. Ianimu tuna ghe, neke lao nga tuna manei ka keha malauna mo.

Ira Riva 15:13

Ka leghuna dike to age noghao tuturina maneri palu, Zemesi neke tetu vona neke kahe ghua ghu iahi, “Ghau Tahiguro, o nonomoho meha ka ara!

Ira Riva 21:18

Ka ia keha ravata, Polo nia ghai e ghua, nake la finini Zemesi. Ira leghu mane babatu nga ka ia kiloau dike au haroma aianimu.

Galesia 1:19

Kehanani ka ira mane nonomoho nake dufuina ara mu Zemesi, ia tahina mane ia Lod lama.

Galesia 2:9

Zemesi, Pita, nia Zone e ghua, ira ta toraina tongovodi ka ira hibadi ira noni kiloau, dike fini avohi neke vanaguna ara God riva iahi. Maneri dike kubae taremehana ghu Banabasi nia ara e ghua, mala va podolina ka maneri haroharo ta kaike nganganamaina ghai, dike hio ghai ghu ghai nia ia nomai vari va kakahei, e ghua. Maneri dike va uvei ghu geala ta tuturi beana ma ta laona ghu Banabasi nia ara e ghua ka ira noni taka Ziu ghu, ka ia fafata ta tuturi beana ta au ghu taghodi ka ira noni Ziu.

Zemesi 1:1

Leta iahi mu sipana ka ara Zemesi ia nona noniriva God nia ia Lod Zisas Kraes. E lao ghu ka ira Ziu ta noni kiloau dike pirararo hae ghe hae ghu ka malau iahi peka.

Zudi 1:1

Leta iahi mu sipana ka ara Zudi ia mane mala varituhu ka Zisas Kraes nia ia tahina mane Zemesi e ghua. Ara na kakangava age ka ghau neto ke kudo ghauno God. Ghau mu no vari parekete taremehana God ia Mama, vununa manei ne namaha ghini ghau nia Zisas Kraes ne kopu ghini ghau va veha, e ghua.