Matiu 1:2 - Ia Foforuna Naiungene

² Ebarahamu mu neke nona mamana Aesake. Aesake mu neke nona mamana Zekopu. Zekopu mu neke nona mamana Zuda nia ira tahina mane.

Matiu 1:2 Iomraidhean Croise

Tatanigaina 25:19

Iahi mu ia tuturina ia pagusu ka Aesake ia tuunamane Ebarahamu. Ebarahamu neke meha nona mamana Aesake,

Tatanigaina 25:26

Leghuna iahi ia keha rekaha mane tahina manei neke dolina, neke rauku lao ghu ia kamena ka ia susubina ghahena Iso. Zekopu dike ghua ghini ghu baolina. Aesake mu neke 60 komuhuna ka ia fafata dolidi palu rekaha ta sua irahi.

Matiu 1:1

Irahi mu ira babaolodi ira faana Zisas ia Mesaea, neke pagusu mehao ka Deveti ia Mane Ginitaukela nia ka Ebarahamu e ghua:

Matiu 1:3

Zuda mu neke nodi mamana Perezi ghe Zera (nodi ukena maneri palu mu Tamari). Perezi mu neke nona mamana Hezironi. Hezironi mu neke nona mamana Rami.

Ira Riva 7:8

Vanani tuna Ebarahamu ia varivehaina papahe va ghilaghila neke ghua God, ge ungene va gigimai ghu ka varivehaina papahe va ghilaghila ianimu geala ta mala hioina ia papahe va ghilaghila manei, ira leghu mane nga ka ia butubutu taghonai nia ira mane haroharo ta age pagusu meha ka manei ghatu, e ghua. Iahi mu e age va podoli ta taghorira God maneri haroharo, edi age leghui ghu heve neke kaheino God ka Ebarahamu ta mala riva ghinina manei. Ebarahamu neke age papahe va ghilaghilai ghu Aesake ia tuunamane ka ia fafata age kaike kolabanana manei. Aesake geke age papahe va ghilaghilai haroma ghu Zekopu ia tuunamane, nia Zekopu tuna geke ghua ghidi haroma ghu ira tuunamane ira tazoi palu faadi ira noni Ziu ka ghita, neke ghua.

Hiburu 11:11

Geta to manekusu mo Ebarahamu, nia Sera geke sasahaka haro ghu dike ghua mo ghe, maneri palu dike boka age nai rekaha mo, vununa Ebarahamu neke va hohoghonai God ta va ghuduvina manei ia nona naiungene.

Hiburu 7:14

Vununa to avoavohoana fuludu mu neke sipa mehana ia Lod Zisas ka ia pagusu Zuda mo, neke deo ghu Mosese ge turi hiama ghu ta mehana ka pagusu ianimu.

Podolo Kave 7:5

Ka ia butubutu Zuda mu kaike vuro, palu togha (12,000) dike zagorira, ka ia butubutu Rubeni mu, kaike vuro, palu togha (12,000), ka ia butubutu Gadi mu kaike vuro, palu togha (12,000),