Matiu 1:1 - Ia Foforuna Naiungene

¹ Irahi mu ira babaolodi ira faana Zisas ia Mesaea, neke pagusu mehao ka Deveti ia Mane Ginitaukela nia ka Ebarahamu e ghua:

Matiu 1:1 Iomraidhean Croise

Tatanigaina 12:3

Ara a age va vehari heiri ira ta va vehaigho agho, nia heiri ta tibirigho agho, ara a tibiriri maneri; nia leghu noni nga ka malau iahi peka edi age hioi ia veha ta ghasolo kadolo meha ka agho.”

Tatanigaina 2:4

Iahi mu ia tuturina ia vuhana ia kolanga nia malau iahi peka. Ka ia fafata va vuhai God Iahova malau iahi peka nia ia kolanga,

Tatanigaina 22:18

Ira leghu noni nga ka malau iahi peka edi age hioi ia va veha ta ghasolo kadolo meha ka ira pagusu agho, taghe nake va vehariro ara ira pagusu ka agho, vununa agho noke leghui ia ungene va gigima ka ara.”

Tatanigaina 5:1

Iahi mu ia tuturina ia pagusu ka Adamu. Ka ia fafata va vuhari ira noni God, manei neke riva taghe taghonai neke ghua ghidi.

Matiu 1:18

Taghe iahi neke ghua mu ia uraha meha ka Zisas ia Mesaea. Mere ia nona uke, neke paru ka Zosepu mala varihiona maneri palu. Ghe deo ngama gedi ke varihio ghu maneri palu ghu, neto ke age avohi ghu taghonai tato potena ka ia Tarunga Ta Maduana.

Matiu 1:2

Ebarahamu mu neke nona mamana Aesake. Aesake mu neke nona mamana Zekopu. Zekopu mu neke nona mamana Zuda nia ira tahina mane.

Matiu 15:22

Kaike fotatina Kenani taka Ziu ghu ta au aianimu, neke la meha ka Zisas neke toraina meha kudo ghu, “!Dudumana ghinagu Lod, agho ia Tuuna Deveti! Ia tuugu ghase ara ne sukui nazahi ne toraina au vavahagala ghu.”

Matiu 3:16

Ka ia leghuna seselebeanana Zisas ta ke kave meha ghu ka ia ketuhu, God neke tobehe vanani manei ia nona malau fate, neke fini ghu manei ia Tarunga ka God hinae meha taghe babahulu bora ta ghuana ta meha nohena ghu ka fatena taghonai.

Matiu 9:27

Leghuna ia ghahe kaini malau ianimu Zisas, palu mane ta kivi dike ghahe leghu laoi leghuna mo dike kudo lao ghu, “!Tuuna Deveti, dudumana ghini ghai!” dike ghua kudodira.

Luku 1:33

Manei e age au toghunai, ginitau kamotina Isiraeli. Ia ravutu ka manei e toraina deo kalasu kai ge age nogha ghu.”

Zone 7:42

“Ira Kakangava Ta Maduana dike kaheina mu, ia Mesaea mu e la meha ka ia pagusu ia Ginitaukela Deveti, e age uraha ghu ghatu ka ia malau fafaana Betilehemu, ka neke urahao Deveti, neke ghua.”

Ira Riva 2:30

Ghe Deveti mu neke mane porofeti, neke avohi ghu ta naiungenena God ka ia va bebereana vananina taghonai Deveti, ghinina kaike ghu ka ia pagusu taghonai Deveti e ke meha mane ginitaukela ghatu, neke ghuao.

Romu 1:3

Nonomoho ta veha iahi mu e ghini ia Tuuna, neke pagusu laono ka Deveti ka ia au noni manei.

Romu 4:13

Ia naiungene ka God mala vananina Ebarahamu nia ira pagusu ka manei e ghua malau iahi peka, eka au mo ka ia leghui ia vetula ka God, nga ka ia au va lotoro ka ia nahalina God ia ta meha ka ia va hohoghona.

Romu 9:5

!Ira faadi maneri mu, Ebarahamu, Aesake nia Zekopu e ghua. Ka maneri lamu ta sukutu vai leghu laona mu ia meha doli noni ka Kraes ia God ka fatedi vahina leghutau nga, ia ta fata mala helahela ghini fuludaina! Amen.

Galesia 3:16

God neke vanani Ebarahamu nia kaike noni ka ia pagusu manei e ghua, ia naiungene. Ira Kakangava Ta Maduana e deo ge kahei ghu “ka ira noni ka ia nona pagusu,” ta ghuana, nga “ka kaike noni ka ia nona pagusu,” ne ghua ma. Kaike noni mo, e ghua ghu mu iahi fafahakanana, Kraes ghu babaolonana.

1 Timoti 2:5

Vununa kaike mo mu God ta auna nia kaike mo mu ta mala va bubulena ka vari hoataina God nia ghita, e ghua. Manei mu Kraes Zisas ia noni.

2 Timoti 2:8

Ngana avohi Zisas Kraes mu kaike mane neke doli meha ka ia pagusu Mane Ginitaukela Deveti, neke tetu leghu ghu ka ia leme, ta ghuana. Iahi lamu ghu mu ia Nonomoho Ta Veha ta tuturi ghini beana ini ara.

Podolo Kave 22:16

“Ara Zisas nato tuhu agei ia nogu engizeli, mala kahe kaverira leghu irahi nga ka ghau ira noni kiloau ta va hohoghona. Ara mu ia zaghara ta pagusuna meha Deveti, nia ia Babaghunu Leghufugho ta pelara.”