Luku 9:51 - Ia Foforuna Naiungene

⁵¹ Ne namo dufu ghu ia fafata ta mala ke leghu taghonai ka malauo God fate, Zisas neke toraina kuhana ghini ta mala laona aianihi Zerusalemu.

Luku 9:51 Iomraidhean Croise

Maki 16:19

Ne nogha ghu ia Lod Zisas turi taremehadina maneri, neke to hio vonai ma ka malauo God fate, neke la nohe ghu ka ia nonohe va vonavona ka ia kame mautuna God.

Luku 12:50

Kaike seselebeana mu ta mala hioina ara, na au ghu ara ka pekana gapa ta tahu ta toraina mala va hokoti.

Luku 13:22

Zisas neke ghaheri ira leghu malau fafaadi nga, nia ta rekahadi nga e ghua, vari va kakahei ta ghahena ghu ka ia vai laona visi Zerusalemu mo.

Luku 17:11

Ka ia ghahe ta lao ghu Zisas aianihi Zerusalemu, manei neke ghahe leghui neke lao ghu ia fofotaina ia Babarana Samaria nia Galili, e ghua.

Luku 18:31

Zisas neke hio nenemari ira tazoi palu mane ta nonofoi, ghe neke va kahe ghidi nga, “To avohi ghau mu ta vona agena ghita Zerusalemu. Dato age dufu la ghita aianimu, ira leghu dike kangavariro nga ira porofeti ghinina ia Tuuna Noni mu, edi age hohoghona ghatu.

Luku 19:11

Ia varigharana noni dike va melongo lao ngama ka ira vari va kakahei Zisas, neke to turi vanadi ghu manei kaike ungene talevara. Vununa manei neke to namoi Zerusalemu, neke turi ghini ghu kaike tuturi mala va lotorina ia ngangana ka ira noni ghini ia Ravutu ka God mu, to podolo ma ghatunaina lama, ia ta ghua.

Luku 19:28

Leghuna turi ghinina tuturi iahi, Zisas neke ghahe vai lao Zerusalemu kenudi ira nona mane ta nonofoi.

Luku 24:51

Ka neke va beanario lama manei, to hio vonai ma ghu ka kolangana fate, ghahe kairira.

Luku 9:57

Ka ia ghaghahe ta lao ghu maneri, kaike noni neke kahe ghua iahi ka Zisas, “Ghatu ara a ghahe leleghuigho hae tei ta laona agho.”

Zone 13:1

Ponoena fafata tei ma ghe neke dufu nga ia nganaleghuna ia Ghahe Fuludu, Zisas neke avohi neke to dufuna ia fafata ka manei mala ke ghahe kainina malau iahi peka ta ke leghu laona ghu ka nona Mama. Manei neke toraina namaha ghidi ira dike ghahe leghuio taghonai ka malau iahi peka, namaha ghidi tuduna ma neke dufu ghu ka ia lemena taghonai.

Zone 16:28

Uve, ara mu nake sipa mehagu mamu ka ia Mama, nake la meha ghu ka malau iahi peka. Nia ghatunaina tuna, ga ghahe kaini ghu malau iahi peka, gake leghu lao ghu ka ia Mama, e ghua.”

Zone 16:5

“Ghe ghatunaina mu, ara ato lao ka manei neke tuhu mehauo, ghe deo ma hei ka ghau ne notohoauna, hae mo na laona ara.

Zone 17:11

Ara mu to deo ga au ghu ka malau iahi peka, nga maneri mu di au nga ka malau iahi peka. Ara mu nato meha ghu ka agho ghatunaina. Mama agho ia ta Maduana, o kagara ghidi ka ia manana ia babaolou, ia babaolo noke vanaguo, edi mala kaike ghu maneri, taghe ghita palu la ta kaike ini.

Zone 6:62

“?Heve o age ghua ghu ghau mu nganganamuna, noto finiau la ghatu ara ia Tuuna Noni, ke leghu laoguna ka malauo God fate?

Ira Riva 1:2

neke vuhai dufuno ghu ia ravata neke vonao manei ka malauo God fate. Iahi mu leghuna ia vanadi ungene babatu manei ka ia mana ia Tarunga Ta Maduana ira nona mane nonomoho faetaidi.

Ira Riva 1:9

Leghuna kahei lama manei iahi, neke to hio vonai ghu God ka kolangana, poika laona ka ira giliodi toba ka ia fafata mato ta au ghu maneri.

Efesasi 1:20

ka ia va tetu leghui manei Kraes ka ia leme, neke va noheio ghu ka ia nonohe va vonavona ka mautunao mo God ka nona malauo fate.

Filipae 3:14

Ara na toraina purudu lotoro lao ghu ka ia mala sabara, mala hioina ia tabara ka malauo God fate. Tabarana ghu mu, God ne kudo vona laoau ka nona malauo fate, vununa Kraes Zisas neke leme vanagu ara.

1 Timoti 3:16

E deo notohona ghu. God neto ke va podolo vanada ia popoikana ta torai tongovona ghini Zisas Kraes: Taghe ia ta kahei la ka ia koze: Kraes neke podolo ka ia vilahi, nia ia Tarunga Ta Maduana neke va podoli Zisas ta Tuuna Manena God. Ka ia tetuleghu manei ka ia leme, ira engizeli dike finini manei. God neke hio vonai ka ia nona malau fate. Ira ta leghui manei dike tuturi beana ghini ia nonomohona manei ka ira soloso, dike va hohoghonai ghu manei ira noni ka malau iahi peka.

Hiburu 12:2

Mala riva ghinina ghu iahi mu, ghita da nai va gima ageri ira hibada ka Zisas, ka ia ta tataniga nia hokoto ia va hohoghona ka ghita. Manei neke va malumi taghona ta va vavahagalana ta lemena ghu ka ia hekefalahata, deona ge nganai ghu ia haghava ta au ka kokolona leme iahi, vununa manei neke mato vai kenui ia va ghazaghaza ta age hioi taghona ghatu. Ghatunaina mu manei neto nohe ghu ka mautunao mo ia nonohe ginitaukela ka God.

Hiburu 6:20

Zisas to kusu la haghele aianimu vanada ghita. Manei neto ke meha noda Hiama Pauna leghuina ia kokolona hiama taghe neke ghuao la Melekizedeki, e age kaike hiama toghunaina ghu.

1 Pita 3:22

Ghatunaina mu Kraes neto lao ka malauo God fate. Nia manei ne nohe gheremena God ka ia nonohe papala ta mana. Nia ira leghu engizeli nga, nia ira ta auri mana mala babatu nia ira ta gigima e ghua, edi au haro ka pekana ia mana mala kopu manei.