Luku 9:42 - Ia Foforuna Naiungene

⁴² Ne ghahe vai lao ghu ia rekaha mane, ia tarunga ta muko neke pisena ghini hinae ka kavao peka, torai va nanazara va mukoina. Ghe Zisas neke buruai ia tarunga ta muko, neke va vehai ghu ia rekaha mane. Ianimu tuna ghe neke vanani leghu lao nga nona mama.

Luku 9:42 Iomraidhean Croise

Maki 9:20

Di hio vanani lao tuna ia rekaha mane, dike ghua. Ghe ia nazahi ne fini laoi ghu Zisas, neke fera pisena ghini hinae ia rekaha mane ka kavana, va nanazara pilakuina ta va ngorongoroina ghu ia mangana.

Luku 7:15

Ia mane foforu neke lemeo, neke to nohe vona ma, neke tatanigai ngengene lao ghu ka ira noni dike au lilohio. Hioi tuna Zisas mane foforu ini, ge vanani lao ghu nona uke, neke ghua.

Luku 9:39

Kaike nazahi ta muko e suku va mukoi tudu ma e au ghu va azili akeakeina, ghe ge fera pisena ghini hinae nga va gagahetaina, nia va ngorongoroina e ghua paetena ini. Nazahi ini e deo ghe ge ghahe kaini ghu, ne torai ngovali ghena ghu.

Luku 9:41

“!Ghau ira noni noka va hohoghona ghu, no toraina zea ghu!” neke ghua Zisas. “?Taghe niha nare ta au tamu ma ta auna ghu ara, ghe go va hohoghona nga? O hio mehai ko tuu mane nia aiahi.”

Luku 9:43

Maneri haroharo dike puina nodi ferei ia mana ka God neke va podolio Zisas ka ira riva manei. Ira tehi noni dike nodi fere ngama ka ira vahina leghutau ta namanama neke riva ghidiro manei, ka ia fafata neke ngengene ghuao iahi Zisas ka ira nona mane ta nonofoi,

Zone 6:19

Neke to age nona au ka gaha, ba onomo kilomita hauaidira dike fini laoi ghu maneri Zisas aianimu ghaghahe vai laona ka koaka ani ka ia fatena kolo. Maneri dike age puina maughedi fuludu,

Ira Riva 9:41

Posi laoi tuna ia kamena ge toka ghini ghu tetu vonana neke ghua Pita. Ianimu tuna ghe neke kudo hagheleri haroharo nga ira ta va hohoghona nia ira fotati ta lemekai e ghua, neke va fini ghidi ghu tato ke doli leghuna manei.

Podolo Kave 12:12

O va ghazaghaza ghu, ghau ta au ka malauna God fate! Nga lelemeana mu ta la mehana ka malau iahi peka nia ka ia tahi. !Vununa ia Faghinadi ira nazahi neto hinae meha ka ghau! Manei mu ne toraina faa vanani haala, vununa manei ne avohi ta ponoena ia fafata ka manei.”