Biblia Todo Logo
Bìoball air-loidhne

- Sanasan -




Luku 9:41 - Ia Foforuna Naiungene

41 “!Ghau ira noni noka va hohoghona ghu, no toraina zea ghu!” neke ghua Zisas. “?Taghe niha nare ta au tamu ma ta auna ghu ara, ghe go va hohoghona nga? O hio mehai ko tuu mane nia aiahi.”

Faic an caibideil Dèan lethbhreac




Luku 9:41
31 Iomraidhean Croise  

Kahe ghua tuna iahi neke ghua Zisas, “Meha ka ara, ghau haroharo ta baelu hurerira ira gapa ta tahu, a vanamu ghu ara ia maghoso.


Ghe Zisas neke ungene tughuri, “Ia ubalana noni ta muko taka va hohoghona ghu lama ta boka fanga hahaima va ghilaghilana; ghe va ghilaghila ta vanadira ara ghatu mu, ia va ghilaghila neke dufuo lama ka Zona.


Ianimu tuna ghe geke kave laoni nga tuna manei, geke la hio mehari ghu keha vitu tarunga ta muko ta muko fuludu laoini taghonai, gedi la au haro ghu aianimu, e ghua. Va nonoghanana mu, noni ianimu to age muko fuludu laoini ia kusu auna sepao. Ianimu lamu ghu mu ta age dufuna ghatu ka ubalana noni ta muko iahi ghatunaina.”


Ira noni ta muko ta deori va hohoghona lama mu ta fanga hahaima va ghilaghilana, ghe va ghilaghila ta age vanadina ara ghatu mu, ia va ghilaghila neke dufuio lama porofeti Zona,” ne ghua ghidi, ghe neke ghahe kairi nga tuna.


Zisas neke ungene tughuri, “Ghau noni taka ungene nonomoho ghu ta deo ghau va hohoghona. ?Taghe niha nare ta au tamuna ara, ghe go va hohoghona nga ghau? ?Niha fafata ta au afa ghini ghau ma ta auna ghu ara? Hio vanagu meha aiahi rekaha mane nia.”


A toraina va kahe ghini ghau ghu ka ia hohoghona, ghau ira noni ka ubalana noni iahi ghatunaina mu, ta age zoghu ghauna ghatu ira vavahagaladi leghu vari atungu irahi nga.


Ghe ne finiri ghu manei laodira ira tehi noni ka ia butubutu Farisi nia ka ia butubutu Sadiusi e ghua ta mala la seselebeanana, manei neke kahe ghua iahi, “!Ghau ira toraina tuudi adogho minga! ?Hei neke va kahe ghini ghauna ta boka pelo kainina ia varifate ta la meha ka God?


Ne finini ghu Zisas dike ghuana ianimu maneri, manei neke age hali ghena, neke va kahe ghidi lao ghu, “Va malumuri edi meha ghu ka ara rekaha nira. !Oka va nodori ghu! Vununa Ia Ravutu ka God mu, e mala nodi mamu kokolodi noni taghe rekaha irahi ira ta ghua ira doli ka maneri.


Ka ia fafata nomohi Zisas kudonana Batimeasi, Zisas neke nodo, ghe neke kahe ghidi lao nga ira noni, “O va kahe ghini e meha ghu aiahi,” neke ghua ghidi. Ianimu tuna ghe, dike kudo laoi nga ia mane ta kivi. “!O va manemane, o tetu vona ghu. Zisas to kudoigho ani,” dike ghua ghini.


Kahe ghua ghidi tuna iahi, neke ghua Zisas, “!Ghau noni ta deo ghau va hohoghona! ?Niha nare ta au vanemoho ghinina ara deo va hohoghona iamu ka ghau? O hio mehai ko rekaha mane nia ka ara,” neke ghua ghidi Zisas.


Ianimu tuna ghe neke notohori nga Zisas, “?Hae mo mu va hohoghonana ka ghau?” neke ghua ghidi. Maneri dike puina age maughedi nia nodi fere fuludu e ghua, dike vari nonotoho ghu, “?Hei mo mu mane iahi? Ia dafe nia ira oloꞌolobaghena ghe ta nomohini.”


Ara nake fangari ira nou mane ta nonofoi ta mala tavusu kainina ia nazahi ta muko, ghe maneri dike deo bokadina.”


Ne ghahe vai lao ghu ia rekaha mane, ia tarunga ta muko neke pisena ghini hinae ka kavao peka, torai va nanazara va mukoina. Ghe Zisas neke buruai ia tarunga ta muko, neke va vehai ghu ia rekaha mane. Ianimu tuna ghe neke vanani leghu lao nga nona mama.


Zisas neke ungene tughui, “?Filipi, ia au tamu ta meha ghu ara, to soduai fuludu, ghe deo ngama go avohoau ghu agho? !Hei neto ke finiau ghu ara, manei neto ke finini ia Mama! ?Heve no ghua ghu agho ghe, no fangai nga ta kabai fininina manei?


Ianimu tuna ghe, neke kahe ghua lao nga iahi ka Tomasi, “!O finiri tuna kamegu idi, o nai mehai ghu kilou nia aiahi! Va tuhu kave mehai tuna kameu nia go nai haghele mehai ghu ka ghaghahogu ini, e ghua! !Nodo ngana palupalu iamu ka agho, o va hohoghona ghu!”


Ka giliona rodana ngavulu komuhu, God neke deo ge va ghunaghunari ghu ira puhidi ka ia fafata ghahe lilohodi maneri ka ia malau koroghana ta karango.


Ianimu tuna ghe neke tuturi beana va sodu laoni nga Pita, kahe ghidi va gigimana ira dike nonomohoro, “!O hio va doli ghau taghomu ka ubalana noni tato ghahe va zea iahi!”


?Ba agho deo go va vonavonai ghu ta namaha ghinigho fuluduna manei, ka ia posi leghui manei ia varifate ta mala va riva ghinigho agho, nia ka ia ta au afa manei mala taghuru kairira agho ira sasakeu, e ghua? ?Deo go ngana avohi ghu agho ta namaha ghinighona God ta vananigho fafatana ghu mala taghuru kairira agho ira sasakeu?


Ghita da finini ghu mu, ta deona maneri gedike boka haghele ghu ka ia maghoso manei, vununa dike deo gedi va hohoghona ghu ka God.


Da toraina riva va gigima ghu ghita mala haghelina maghoso ianimu. Vununa ghatu da deo gada age hagheli ghu, taghe dike ghuaro ira noni Isiraeli dike huhughuro dike deoro ghu haghelidina.


Vununa ghita haro dake nomohi mo Nonomoho ta Veha ianimu, taghe dike ghuaro la ira faada ghita. Ghe dike nomohi mo maneri nonomoho ani ghe, e deo ghe geke toka ghidi ghu, vununa ka ia fafata nomohi maneri, e deo gedi ke va hohoghonai ghu.


Ghatunaina nia leleghu fafata e ghua, manei e boka hio va doliri mo ira ta meha ka God ka ia babaolona manei, vununa manei e doli fuludai mala tarai fanga laona ka God mala toka ghidina.


Lean sinn:

Sanasan


Sanasan