Luku 9:22 - Ia Foforuna Naiungene

²² Manei neke va kahe ghidi haro molamo iahi, “Ia Tuuna Noni, e toraina age vavahagala ghidi tehi leghutau ta mamaghuanani. Ira ta babatu, ira hiama ta kenu, nia ira ta vari va kakahe ghini ia vetula beana e ghua, edi age sokeau ara ghatu, edi age atunguau ghu. Ghe leghuna lito ravata, ara a ke age tetu leghu ka ia leme.”

Luku 9:22 Iomraidhean Croise

Tatanigaina 3:15

Ara a age nakaini ia varikanai, ka varihoataiu agho nia ia fotati, nia ka varihoataidi ira pagusu ka agho nia ka ia fotati; Ia pagusu ka ia fotati e age botai pau nia agho, nia agho o age ghanini ia susubina kaikeu ka ia pagusu ia fotati.”

Matiu 17:12

Ghe a va kahe ghini ghau ghu ara, Ilaiza mu neke to kusu meha, ghe ira noni e deo gedi ke fini avohi ghu, dike leghu ma ta va riva ghini ghu ngovali ghedina. Taghe iala e ghua molamo, e age vavahagala ghu ghatu ia Tuuna ia Noni ka ira kamedi maneri.”

Matiu 17:22

Kaike ravata ka ia ke meha au varigharadi haro ira mane ta nonofoi aianihi Galili, Zisas neke va kahe ghidi, “Ia Tuuna ia Noni mu, edi age namaha seboi maneri ghatu.

Matiu 27:63

“Manefaa agho, ghai na ngana leghui neke kahe ghuao iahi mane ta sesebo ianimu ka ia fafata dolina nga: ‘Leghuna lito ravata, ara a ke age tetu leghu ka ia leme.’ neke ghuao.

Maki 8:31

Ianimu tuna ghe neke tatanigai va kahe ghidi nga Zisas, taghe ghinina taghonai ia Tuuna Noni ta age vavahagala ghidina ghatu tehi leghutau ta mamaghuana, nia ta age sokeina ira ta babatu, ira hiama ta kenu, nia ira mane ta vari va kakahe ghini ia vetula ta maduana ka God, e ghua. Maneri edi age va lemei ghatu, ghe leghuna lito ravata mo, e ke age tetu leghu ghu manei.

Maki 9:31

e mala aui fafata ghu ta mala au taremehadina ira nona mane ta nonofoi, mala va kakahe ghidina. Neke ghua ghu iahi neke kaheina Zisas, “Ia Tuuna Noni, edi age hio laoi ghatu ka ira ta kana ghini, edi atungi ghu, ghe leghuna lito ravata, manei eke tetu leghu ghu ka ia leme.”

Luku 17:25

Ghe ia Tuuna Noni, e toraina kusu age va vavahagala ghidi va mukona tehi leghutauni, nia edi mala sokei ubalana noni iahi ghatunaina, e ghua.

Luku 24:26

?E deo baini gedi ke kusu kahe kenu va totonui ghu ira porofeti mu, ia Mesaea e age vavahagala ghidi vahina leghutau irahi nga, ghe ge age hagheli nga ia nona pelarana varanga, ia ta ghua?”

Luku 24:44

Ianimu tuna ghe neke kahe ghua nga iahi Zisas, “Ka ia au taremehamu ara sepao, ara nake va kahe ghini ghau ta torai meha hohoghodira ghatu ira leghu neke kangavariro nga Mosese, ira porofeti, nia ka ira Samu e ghua, ghinaguna ara.”

Luku 24:7

ghini ia Tuuna Noni mu, edi toraina age namaha seboi, edi nai laoi ghu ka ira kamedi ira mane ta auri sasake, mala tupila ghinina ka hekefalahata, ghe geke tetu leghu nga manei ka ia va litona ravata, neke ghuao?”

Luku 9:44

“O va melongo meha ka ara, o ngana tahui ghu heve ta kahei ini ara. Ia Tuuna Noni edi age namaha seboi ghatu, edi nai laoi ghu ka ira kamedi ira ta kana ghini.”

1 Koriniti 15:4

Maneri dike gilu ghini manei, neke va tetu leghui ghu God ka ia va litona ravata taghe ia ta kahei ka ira Kakangava Ta Maduana.

1 Pita 1:11

Ia Tarungana Kraes neke au ka maneri neke va kahe vanadi ghu ia ghaghahena ta age vavahagala Kraes nia age vanani tuna ira leghahaidi varanga ta pelara, ia ta ghua. Maneri dike hadu va gigima ghu mala toraina hadu kaveina hei mu Kraes na nia niha ta age dufuna iahi, e ghua.