Luku 9:11 - Ia Foforuna Naiungene

¹¹ Ghe ira varigharadi noni dike soni hadu kavei mo hae mo neke laona manei, dike la ghahe leghui ghu. Ghe manei neke hio namahari, neke tuturi vanadi ghu ghinina ia Ravutu ka God, nia ke va vehari ghedi ira dike fogarariro, neke ghua.

Luku 9:11 Iomraidhean Croise

Matiu 12:15

Ne age avohi ghu Zisas ta ghuana ianimu maneri, manei neke ghahe kaini malau ianimu, dike ghahe leghui ghu ira tehi noni. Manei neke va vehari ira leghu fogara nga ka noni iranimu,

Matiu 14:14

Ka ia la sabarana ta zoghu hinae ghu ka ia koaka, Zisas neke finini ia leghahai varigharana noni aianimu, neke dudumana ghidi ghena ghu, va vehari ghedi tuna ira leghu noni dike fogarariro nga, neke ghua.

Matiu 21:31

“?Hei mo ka palu tuunamane irahi, neke nomohina nodi mama?” “Ia tuunamane ta faa mo,” dike ghua ghini. Va fafahaka vanadi tuna neke ghua Zisas, “A va kahe ghini ghau ghu ara ka ia hohoghona, ira ta hio takisi nia ira ta kikirasei tabara mo, ta kusu kenu ghauna ghau haghelena ka ia Ravutu God.

Matiu 21:43

“E ghua ghu iahi,” neke ghua Zisas, “ia Ravutu ka God mu, e age hio kai tamu ghatu, e ke age vanadi lao ghu ira keha noni ta age leghui ia nona lao nanafa taghonai.

Luku 1:53

Manei neke vanadi leghutau ta veha ira ta nodi liha nga ira ta taghotagho mu neke va ghahe kakatori.

Luku 5:31

Zisas neke ungene tughuri, “Noni ta doli vehana mu, eka kuhana ghini ghu ia dokita, nga ira ta fogarari lama.

Luku 8:1

E deo ma ge sepa ghu leghuna ianimu, neke tatanigai ghaheri ghu Zisas ira malau leghaha nia ira rekahadi malau gheremedi mo e ghua, neke la turi ghini kave ghu ia Nonomoho Ta Veha ghinina ia Ravutu ka God. Manei neke hio taremehana ira tazoi palu nona mane ta nonofoi,

Luku 8:10

Neke kahe ghua ghu iahi Zisas, “Neto tobehe vanamu ghau mu ta mala va fafahakarira ira dike poikaro ka ia Ravutu God. Nga ara mu na riva ghidi ka ungene talevara, e mala poika ghu ka ira keha noni peghuruo vahina leghutau nga ghinina ia Ravutu ka God, va ghorevurarira ira Kakangava Ta Maduana ta ghua iahi: ‘Maneri di fini mo heve na riva ghinina ara, ghe e deo ma gedi toraina fifini ghu; maneri di nomohi mo heve na kaheina ara, ghe e deo ma gedi va fafahaki ghu.’

Luku 9:10

Ka ia fafata ke dufu leghudi ira mane nonomoho, maneri dike turi vanani Zisas ghidi ira vahina leghutau nga dike la riva ghidi va nogharo. Ianimu tuna ghe, neke ghahe poika taremehadi lao nga ka kaike malau fafaana ta va kudo ghini Betiseida.

Luku 9:12

Ka ia namo luduru laona ia taunu, ira tazoi palu mane ta nonofoi dike lao ka manei dike la kahe ghua ghu iahi, “Tuhu ghahe laorina nga noni ta varighara irahi ka ira rekahadi malau, nia ka ira nunuma ta vari namo meha e ghua, edi la boka hadu ghedi ghano ghu nia malau mala au ghedi laona nga redu ini, e ghua. Ne deo heve ta mahainina aiahi ka malau ta ghou iahi.”

Luku 9:2

Ianimu tuna ghe neke tuhu kaveri nga ta mala la tuturi beana vanadina ira noni haroharo ghinina ia Ravutu ka God, nia ta mala va veharira ira ta fogara, e ghua.

Zone 4:34

Va fafahaka vanadi tuna neke ghua Zisas, “Ghegu ghanona ara mu mala riva ghini ia lao nanafa ka manei neke tuhu mehauo, nia mala va hokotina ia riva neke vanaguo manei mala riva ghinina ara, e ghua.

Zone 6:37

Heiri haroharo neto ke vanaguo ia Mama mu, edi meha mo ka ara ghatu, toraina deona ga age sokeri ghu ara.

Ira Riva 28:31

Manei neke toraina nadu tuturi beana ghinina ia Ravutu ka God nia vari va kakahei ghinina ia Lod Zisas Kraes, e ghua. E deo ghu hei neke va sisiva nodoina manei.

Romu 10:14

?Heve ghu ghe gedi boka kudo lao nga maneri mu ka ia dito ke deo no gedi va hohoghonai ghu? ?Nia heve e ghua ghe, gedi boka va hohoghonai nga maneri mu hei ia dito ke deo no gedi nomoho ghini ghu, e ghua? ?Nia heve e ghua ghe gedi boka nomoho ghini nga manei neto deo la hei ta la tuturi beana vanadina?

Romu 10:17

Ia va hohoghona mu e la meha ghu ka ia nomohi ia nonomoho, nia ia nonomoho ge nomohi ghu ka heiri ta tuturi beana ghini Kraes, e ghua.

Romu 15:3

Vununa Kraes na ghe, neke deona geke va manemanei ghu taghonai. Taghe ia ta kahei la ka ira Kakangava Ta Maduana, “Ira va kinakina ka ira ta va kinakinaigho to dufu haro molamo ka ara,” ia ta ghua.

2 Timoti 4:2

Tuturi beana ghini ia saorona God. Ohoꞌoho riva ghinina ka ia fafata ta kabai nonomoho ira noni nia geta ghua ka ira fafata ta pake ghedi maneri, e ghua. O au unuhu ma o va totonuri ghu ira nou noni, buruarira nia va gigimarira e ghua, ka ira ungene babatu ta veha.

Hiburu 4:16

Ghita e deo ghu maughedana meha namona ka ia nonohe ginitaukela ia God ta varisute. Aianimu ta age vanadana ia nona dudumana nia hioina ia varisute ta vanada kakato God mala toka ghini ghitana ka ia fafata ta toraina malanga ghini ghita.