Luku 9:1 - Ia Foforuna Naiungene

¹ Kaike ravata Zisas neke kudo varighara ghidi ira tazoi palu nona mane nonomoho, neke vanadi ghu ia gigima nia ia mana, ta mala tavusu kairira leghu nazahi nga, nia ta mala va veha fogarana, e ghua.

Luku 9:1 Iomraidhean Croise

Matiu 16:19

Ara ta age vananighona ira kii malana ia Ravutu ka malauo God fate. Heve leghutau taka va malumina ghu agho ka malau iahi peka, e deo ge age malumu ghu ghatu ka malauo God fate, nia heve leghutau ta va malumina agho ka malau iahi peka, ge age malumu haroma ghu ka malauo God fate, e ghua.”

Matiu 4:24

Ia nonomohona manei neke age ongaha kamoto ka ia babarana Siria, dike la hio mehari ghu maneri ira noni ta auri leghu kokolodi fogara nga, ira ta toraina faa vanadi vavahagala, ira ta sukuri nazahi, ira ta dufuri kudoko nanazara nia ira taka boka rizu ghu e ghua, ghe manei neke age va vehari ghedi haroharo.

Matiu 8:9

Ara mu kaike mane ta au molamo ka pekana ia mana mala kopu ira nogu manefaa ta kenu, nia e au molamo ira mane magara ka pekagu ara, e ghua. ‘O lao,’ nato ghua la ara ka keha mane iahi, manei e lao; nia, ‘O meha,’ nato ghua la ara ka keha mane ani, manei e la meha. Nia, ‘O riva ghini iahi,’ nato ghua ghini la ara ia nogu noni mala varituhu, manei e la riva ghini ghatu.”

Luku 10:1

Leghuna iahi, ia Lod neke faete kaveri keha vitu ngavuluai palu mane ta nonofoi, neke kusu tuhu kenuri ghu, va ghahe palupalu laorira ka ira malau leghaha nia rekahadi malau e ghua, ka neke nganai laono taghonai.

Luku 10:19

Nia ara nake vanamu ira leghu gigima nga mala paufina ia kana, o mala deke dalapari ghu ghau ira adogho nia ira nodi uke tetehi, e ghua. E deo ghu heve ta boka ngovala ghauna.

Zone 14:12

“Torai hohoghonana mu, hei ia ta va hohoghona ka ara mu, e age riva ghidi ghatu ira riva ta varifata ka nato ke riva ghidi va hokotoro ara. Uve, e faa laoni leghutau ta age riva ghidira manei ghatu, vununa ara na lao ka nogu Mama.

Ira Riva 1:8

“Ghe ghau o age kuru ghau mana ghatu, ka ia meha suku ghau ia Tarunga Ta Maduana, o age va kahe ghidi ghu leghu noni nga ghinaguna ara aiani Zerusalemu, ka ia babarana kamoto Zudia, ka ia babarana Samaria gheremena mo, nia hae ghe hae ghu ka ira va nonoghana malau iahi peka, e ghua.”

Ira Riva 3:16

“Ka ia va hohoghona ka ia babaolona Zisas, neke age hio gigima ghu mu mane ta paheku noke finini nia avohi iahi ghau. Ka babaolona iahi lamu Zisas nia ka va hohoghona ta la meha ani lamu ka manei, neke toraina age va veha kamotina mu mane iahi, taghe tato finini iahi la ghau haroharo.

Ira Riva 4:30

Va tuhu kavei kameu nia, mala va veha fogarana nia mala riva ghidira ira hahaima va ghilaghila ta fefereana ka ia babaolona Zisas ia nou noniriva ta maduana, mala va podolina ia nou mana.”

Ira Riva 9:34

Kahe ghua tuna iahi ka manei neke ghua Pita, “!Aeniasi, Zisas Kraes e va vehaigho! Tetu vona o pipidui ghu nou natu nia,” neke ghua ghini. Selu laoi ma ianimu neto tetu vona ghu Aeniasi.