Luku 8:41 - Ia Foforuna Naiungene

⁴¹ Ka fafata ianimu, kaike mane babatu ka ia suga mala varighara ira Ziu, babaolonana Zaerusi, neke la torongaghituturu hinae ka kenuna Zisas, neke fangai ghu ta lao taremehanana ka suganao.

Luku 8:41 Iomraidhean Croise

Luku 13:14

Ghe ia mane babatu ta kopu ka ia suga mala varighara ira Ziu neke hali, vununa Zisas neke va vehai fotati iahi ka ia Ravata Mala Maghoso ira Ziu. “Onomo ravata tongana ghu ka kaike kolabana mu ta mala rivana. O meha ghu ka ravata iranimu mala va veha ghauna, nga eka ghua ghu ka ia Ravata Mala Maghoso,” neke ghua lao ka ia varigharana noni.

Luku 17:16

Manei neke la torongaghituturu hinae ka kavao ka kenuna Zisas kudo vehaina. Mane iahi mu neke tanina Samaria.

Luku 5:8

Ne age fini ghu Saemoni Pita ta ghuana ianimu, manei neke la torongaghituturu hinae ka kenuna Zisas, ghe neke kahe ghua nga iahi, “Lod, o ghahe kaiau ara ia noni ta toraina sasake fuludu, ta deo ga fata ghu meha au namona ka agho.”

Luku 8:42

Ia tuunaghase kaikena ta tazoi palu komuhuna, neke to namo leme ghena. Zaerusi ka ia leghui ta lao ghu Zisas, ira varigharadi noni dike la vari bubu ghini manei.

Luku 8:49

Neke turi taremehana ngama fotati ini Zisas, neke to dufu ghu ia ta vari ghahe leghu neke sipa mehao ka ia suga Zaerusi taremehana nonomoho iahi, “la nou rekaha ghase tei to leme ghena. Oka va rugusini la ghu Mane Vari Va Kakahe nia,” neke la ghua.

Zone 11:21

“Lod, goke au la agho aiahi, geala tahigu mane ini e deo geke leme ghena ghu,” neke ghua Mata ka Zisas.

Ira Riva 13:15

Leghuna izumuri ira buka ka Mosese nia ira kakangava ka ira Porofeti e ghua, ira mane babatu ka ia suga mala varighara ira Ziu dike tuhu laori kehara mala va kahe ghidira Polo ghe Banabasi taghe iahi: “!Ghau noni taremehamai, noto au ghau la keha tuturi mala va gigimarira ira noni, o turi vanamai ko!”

Ira Riva 18:17

Rauku laoi tuna Sositinisi, ia mane babatu ka ia suga mala varighara ira Ziu dike ghua ia varigharana noni, dike la botai ghu ka kenuna ia koti. Ghe Galio e deoi ma kaike birusuna va ghunaghuna ghinina ianimu.

Ira Riva 18:8

Kirisipasi ia mane babatu ka ia suga mala varighara ira Ziu nia ia fototatamana kamoto ka manei e ghua, dike age va hohoghona ka ia Lod. Maneri tehini aianihi Koriniti dike age va hohoghona haroma, dike seselebeanari ghu.

Ira Riva 9:38

Zopa mu neke namo lao ma Lida. Ira noni ta va hohoghona ta au Zopa di nomohi ghu ta auna Pita aianihi Lida, maneri dike va ghahe laori palu mane mala la papada mehaina, dike la kahe ghua ghu iahi, “Magali ko oto meha ghu ka ghai,” dike la ghua.

Podolo Kave 5:8

Hioi ne ghua ghu manei ia buka vividuhu, ira rodana va vuha dolidi, nia ira varadaki-rodana manefaa e ghua, dike torongaghituturu hinae ka kenuna Rekahana Sipisipi ani. Maneri haroharo dike sopa kaike leghutau mala hilava koze ta kuru vulohodi, nia dike posi sosa ta golu ta fouduai inisenisidi, e ghua. Irahi mu ira tarai ka ira nona noni God.